এক ভয়াৱহ অগ্নিকাণ্ডই একেটা পৰিয়ালৰ ৭ গৰাকীকৈ লোকৰ প্ৰাণ কাঢ়ি নিছে৷
এই শোকাৱহ তথা কৰুণ ঘটনাটো সংঘটিত হৈছে পাঞ্জাৱৰ লুধিয়ানাৰ টিব্বা ৰোডত৷
ঘটনাৰ বিৱৰণীৰ মতে যোৱা মংগলবাৰে টিব্বা ৰোডস্থিত এটা জুপুৰীত আগ্নিকাণ্ড সংঘটিত হয়৷ ৰাতি শুই থকাৰ সময়তে সূত্ৰপাত হোৱা অগ্নিকাণ্ডৰ ফলতে পৰিয়ালটোৰ সাতগৰাকীকৈ লোকৰ কৰুণ মৃত্যু ঘটে৷
লগতে পঢ়ক গ্ৰীষ্মকালত নিজৰ স্বাস্থ্য ভালে ৰখাবলৈ কেনে ধৰণৰ খাদ্য গ্ৰহণ কৰা উচিত?
প্ৰকাশিত খবৰ মতে পৰিয়ালটোৰ মাত্ৰ এজন সদস্যৰে জীৱন ৰক্ষা পৰে৷ বন্ধুৰ ঘৰত শুবলৈ যোৱাৰ ফলতে পৰিয়ালটোৰ জ্যেষ্ঠ সন্তানজনৰ প্ৰাণৰক্ষা পৰে৷ বিহাৰৰ সমষ্টিপুৰ জিলাৰ দৰিদ্ৰ পৰিয়ালটো টিব্বা ৰোডৰ আৱৰ্জনা পেলোৱা স্থানৰ সমীপতে জুপুৰী সাজি বাস কৰিছিল৷
অগ্নিকাণ্ডত নিহত লোকসকল হৈছে ক্ৰমে পিতৃ সুৰেশ চাহানী (৫২), তেওঁৰ পত্নী অৰুণা দেৱী (৫২), কন্যা ৰাখী (১৫), মনীষা (১০), গীতা (৮) আৰু কণিষ্ঠ পুত্ৰ চানী(২)৷
পৰিয়ালটোৱে যোৱা ১৫ বছৰ ধৰি উক্ত স্থানতে এটা জুপুৰী সাজি বাস কৰি আহিছিল৷ মংগলবাৰে নিশা পৰিয়ালটোৱে নৈশ আহাৰ গ্ৰহণ কৰি শুই যোৱাৰ পিছতে নিশা প্ৰায় ১০ বজাত অগ্নিকাণ্ডটোৰ সূত্ৰপাত হয়৷
লগতে পঢ়ক পত্নীক গৰ্ভৱতী কৰিবলৈ ১৫ দিনৰ পেৰ’ল লাভ কয়েদীৰ
স্থানীয় লোকে অগ্নিকাণ্ডত আৱদ্ধ পৰিয়ালটোৰ সদস্যসকলক উদ্ধাৰ চেষ্টা কৰিছিল যদিও সমগ্ৰ জুপুৰীটোক জুইয়ে আগুৰি ধৰাত জীৱন্তে উদ্ধাৰ কৰিব পৰা নগ’ল৷
অগ্নিকাণ্ডটোৰ সন্দৰ্ভত আৰক্ষীয়ে তদন্ত প্ৰক্ৰিয়া আৰম্ভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
