শনিবাৰে মুম্বাইত কনছাৰ্ট আছিল সংগীতশিল্পী এপি ঢিঁলোৰ৷ অনুষ্ঠান চাবলৈ গৈছিল বলিউড অভিনেত্ৰী মালাইকা আৰোৰাও৷ মঞ্চত সকলোৰে সন্মুখত তেওঁক মাতিছিল গায়ক এপি ঢিঁলোৱে৷ সেই সময়তেই মালাইকাৰ সৈতে দেখা যায় এজন পুৰুষক৷ তাৰপাছতেই বলীউডত আৰম্ভ হৈছে চৰ্চা৷ অৰ্জুন কাপুৰৰ সৈতে বিচ্ছেদৰ কেইমাহৰ ভিতৰতেই নতুন সম্পৰ্কত সোমাই পৰিছে নেকি মাালাইকা৷ কোন এই নতুন ৰহস্যময় প্ৰেমিক?
শনিবাৰে কনছাৰ্টেই নহয় সম্প্ৰতি যেন মালাইকাৰ ছায়াসংগী হৈ উঠিছে সেই অচিনাকী মুখ৷ আনকি কেইবা সপ্তাহ পূৰ্বে মালাইকাৰ সৈতে ডিনাৰ ডেটতো গৈছিল এইগৰাকী অচিনাকী পুৰুষ৷ সেই অচিনাকী তৰুণৰ নাম ৰাহুল বিজয়৷ বলীউডৰ কোনো অভিনেতা নহয় ৰাহুল৷ অভিনয় জগতৰ সৈতে যোগাযোগ নথকা এই পুৰুষ পেছাত ফেশ্বন ষ্টাইলিছ৷
ফেশ্ব্যন ডিজাইনিঙ বিষয়ত পঢ়াশুনা শেষ কৰাৰ পাছত ২০১১ চনত ইণ্টাৰ্ণ হিচাপে ফেশ্ব্যনৰ দুনীয়াত কাম কৰিবলৈ আৰম্ভ কৰিছিল ৰাহুলে৷ কেইবছৰৰ ভিতৰতেই ভাল পদোন্নতিৰ ফলত এতিয়া ফেশ্ব্যন এডিটৰ হিচাপে কাম কৰিবলৈ আৰম্ভ কৰে ৰাহুলে৷ ২০১৭ চনত পদৰ আৰু উন্নতি হয় ৰাহুলৰ৷ এক নামী বেচৰকাৰী সংস্থাৰ উচ্চপদত কাম কৰিলেও পাছলৈ সেই চাকৰিও বাদ দিয়ে৷ ২০২১ চনৰ পৰা স্বাধীনভাৱে কাম কৰিবলৈ আৰম্ভ কৰিছে ৰাহুলে৷ দেশৰ জনপ্ৰিয় পোছাক পৰিকল্পকৰ সৈতে তেওঁ কাম কৰি আছে৷ বৰুণ ধাৱান, বেদাঙ্গা ৰায়না, আহান ছেট্টীৰ দৰে বলি তাৰকাৰ পোছাকৰ নক্সা তেওঁ তৈয়াৰ কৰে৷ মালাইকাৰ ওপৰিও তেওঁৰ প্ৰাক্তন প্ৰেমিক তথা বলি অভিনেতা অৰ্জুন কাপূৰৰ ষ্টাইলিছ হিচাপেও কাম কৰিছে ৰাহুলে৷
মডেল হিচাপেই প্ৰথমে কেৰিয়াৰৰ আৰম্ভণি কৰিছিল মালাইকা আৰোৰাইয়ো৷ তেওঁৰ বয়স যেতিয়া ১৮ বছৰ হৈছিল তেতিয়াই তেওঁ কফিৰ বিজ্ঞাপনত অভিনয়ৰ সুযোগ পায়৷ বিজ্ঞাপন সূত্ৰেই তেওঁৰ পৰিচয় হয় আৰবাজ খানৰ সৈতে৷ প্ৰথম দেখাতেই আৰবাজৰ প্ৰেমত পৰে মালাইকা৷ দীৰ্ঘদিনৰ সম্পৰ্কত থকাৰ পাছত ১৯৯৮ চনৰ ডিচেম্বৰত তেওঁলোক দুয়ো বিবাহপাশত আৱদ্ধ হয়৷ ২০০২ চনত পুত্ৰসন্তানৰ জন্ম দিয়ে মালাইকাই৷
১৯ বছৰ আৰবাজৰ সৈতে দাম্পত্য জীৱন কটোৱাৰ পাছত বিচ্ছেদৰ সিদ্ধান্ত লয় আৰবাজ মালাইকাই৷ ২০১৭ চনত আৰবাজৰ সৈতে বিবাহবিচ্ছেদ হয় মালাইকাৰ৷ তাৰপাছতেই বলি অভিনেতা অৰ্জুন কাপূৰৰ সৈতে সম্পৰ্ক গঢ়ি উঠে মালাইকাৰ৷ বলিউডৰ অধিকাংশৰ দাবী, ২০১৮ চনৰ পৰা অৰ্জুন আৰু মালাইকাৰ প্ৰেম আৰম্ভ হৈছিল৷ সম্পৰ্কৰ বিষয়ে মুখ নুখুলিলেও দুয়োৱে সম্পৰ্কক গোপনেও ৰখা নাই৷ সামাজিক মাধ্যমত বিভিন্ন ছবি দুয়োৱে একেলগে শ্বেয়াৰো কৰি আহিছে৷
অৰ্জুনতকৈ ১২ বছৰে ডাঙৰ মালাইকা৷ দুই তাৰকা সম্পৰ্কত থকাৰ সময়ত বয়সৰ পাৰ্থক্যক লৈ তুমুল সমালোচনাও হৈছিল বলীউডত৷ এই সকলোবোৰ আওকান কৰি নিজৰ সম্পৰ্কক লৈ ব্যস্ত আছিল দুয়ো৷ বলীউডৰ সূত্ৰৰ মতে ছ’বছৰ সম্পৰ্কত থকাৰ পাছত কেইমাহ পূৰ্বে দুয়োৰে সম্পৰ্কত ফাঁট মেলিছে৷ বিগত মাহত অৰ্জূনে নিজেই জনাইছে যে তেওঁ বৰ্তমান চিংগল৷ সামাজিক মাধ্যমত বিচ্ছেদ সংক্ৰান্তিয় নানান প’ষ্ট আওঁপকীয়াকৈ শ্বেয়াৰো কৰি আছে মালাইকাই৷ মালাইকা আৰু অৰ্জুনৰ বিচ্ছেদৰ পাছতেই মালাইকাৰ কাষে কাষে দেখা গৈছে ৰাহুলক৷ মালাইকাৰ সৈতে নাম সাঙোৰ খোৱাৰ পাছতেই ৰাহুলৰ ইনষ্টাগ্ৰাম ফলৱাৰ্ছৰ সংখ্যাও বাঢ়িব ধৰিছে৷ বৰ্তমান ৰাহুলৰ ইনষ্টা ফলৱাৰ্ছৰ সংখ্যা প্ৰায় ২৭হাজাৰতকৈয়ো অধিক৷ অৱশ্যে এই সম্পৰ্কক লৈ এতিয়াও কোনো মন্তব্য প্ৰদান কৰা নাই মালাইকাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
