অসম লাইভ ২৪ঃ ড’মিনিকাৰ পৰা কিউবালৈ পলায়নৰ পৰিকল্পনা ভাৰতৰ পলাতক হীৰা ব্যৱসায়ী মেহুল চৌকচিৰ। বুধবাৰে এই কথা জনালে চৌকচিৰ অভিযুক্ত প্ৰেয়সী বাৰবাৰা জাবাৰিকাই। সাংবাদ সংস্থা ANI ৰ সৈতে হোৱা এক সাক্ষাৎকাৰত এই কথা জনায় বাৰবাৰা জাবাৰিকাই। বাৰবাৰা জাবাৰিকাই কয়, পৰৱৰ্তী সময়ত প্ৰেয়সীক কিউবাত লগ কৰিবলৈ জনাইছিল মেহুল চৌকচিয়ে। ইয়াৰ বিপৰীতে চৌকচিৰ অধিবক্তা আৰু পৰিয়ালে এই কথা নস্যাৎ কৰাৰ বিপৰীতে বাৰবাৰা জাবাৰিকাই মেহুল চৌকচিক অপহৰণৰ পৰিকল্পনা কৰাৰ অভিযোগ উত্থাপন কৰিছে।
ইফালে, ড’মিনিকা উচ্চ ন্যায়ালয়ে ১১ জুনলৈ স্থগিত ৰাখে মেহুল চৌকচিৰ জামিনৰ শুনানি। মেজিষ্ট্ৰটে চৌকচিৰ জামিন আৱেদন নাকচ কৰাৰ পাছত উচ্চ ন্যায়ালয়ৰ দ্বাৰস্থ হৈছিল ব্যৱসায়ীগৰাকী। সম্প্ৰতি অণ্টিগুৱা আৰক্ষীৰ জিম্মাত আছে মেহুল চৌকচি। উল্লেখে, ভাৰতত ১৩,৫০০ কোটি টকাৰ বেংক কেলেংকাৰীৰ অভিযোগত অভিযুক্ত হীৰা ব্যৱসায়ী মেহুল চৌকচিয়ে ভাৰতৰ পৰা পলায়ন কৰিছিল। পৰৱৰ্তী সময়ত এণ্টিগুৱা আৰু বাৰডুবাৰ পৰা ৰহস্যজনকভাৱে অন্তৰ্ধান হোৱাৰ পাছত ২৩ মে’ত ড’মিনিকাত গ্ৰেপ্তাৰ হৈছিল মেহুল চৌকচি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
