বন্ধ হোৱাৰ সম্ভাৱনা ছ’চিয়েল মিডিয়া প্লেটফৰ্ম ফে’চবুক আৰু ইনষ্টাগ্ৰাম৷ সমস্যাৰ সন্মুখীন হৈছে মাৰ্ক জুকাৰবাৰ্গৰ ‘মেটা’৷ মেটাই নিজৰ বাৰ্ষিক প্ৰতিবেদনত উল্লেখ কৰিছে এই কথা৷ ইউৰোপত কৰ্ম সম্পাদনত জটিলতাৰ সন্মুখীন হৈছে মেটা৷ সেয়েহে শীঘ্ৰেই ইউৰোপত ফে’চবুক আৰু ইনষ্টাগ্ৰাম সেৱা বন্ধ কৰিব পাৰে প্ৰতিষ্ঠানটোৱে৷ প্ৰতিবেদনত উল্লেখ অনুসৰি, যদি ব্যৱহাৰকাৰীৰ তথ্য আমেৰিকা ছাৰ্ভাৰত ট্ৰান্সফাৰ, ষ্ট’ৰ আৰু প্ৰচেচ কৰাৰ অপচন নাথাকে তেন্তে সোনকালেই বন্ধ কৰিব এই সেৱা৷
কি সমস্যাত মেটা?
ৰিপ’ৰ্ট অনুসৰি, যদি কোনো নতুন ফ্ৰেমৱৰ্ক শীঘ্ৰেই তৈয়াৰ নকৰে বা উপলব্ধ মডেল ব্যৱহাৰ কৰাৰ অনুমতি লাভ নকৰে তেন্তে বন্ধ কৰিব লাগিব ফে’চবুক আৰু ইনষ্টাগ্ৰাম সেৱা৷
পূৰ্বে ব্যৱহাৰকাৰীৰ তথ্য ট্ৰান্সফাৰৰ বাবে প্ৰতিষ্ঠানটোৱে Privacy Shield নীতি ব্যৱহাৰ কৰিছিল কিন্তু ২০২০ চনৰ জুলাইত ইউৰোপীয় ক’ৰ্টে Privacy Shield ব্যৱহাৰত নিষেধাজ্ঞা আৰোপ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
