বিশ্বজুৰি হঠাৎ বন্ধ হৈ গ’ল হোৱাটছএপ, ফেছবুক আৰু ইনষ্টাগ্ৰাম পৰিসেৱা৷ বাৰ্তা আদানপ্ৰদানৰ সময়ত অসুবিধাত পৰিল বহু ব্যৱহাৰকাৰী৷ কিন্তু হঠাৎ এনে কি সমস্যা আহিল মেটাৰ? সেই সম্পৰ্কে স্পষ্টকৈ নকলেও এটা বিশেষ বাৰ্তা দিছে মেটাই৷ পৰিসেৱা দ্ৰুত আৰু স্বাভাৱিক কৰাৰ চেষ্টা কৰা হৈছে বুলি জনাইছে মেটাৰ তৰফৰ পৰা৷
বুধবাৰে নিশা প্ৰায় ১১.৩০ৰ পৰা হোৱাটছ এপ, ফেছবুক, ইনষ্টাগ্ৰাম, মেছেঞ্জাৰৰ গ্ৰাহকে এই সমস্যাৰ সন্মুখীন হৈছে৷ মেটাৰ তৰফৰ পৰা জনোৱা হৈছে এনেদৰে, ‘আমি জানিব পাৰিছো, প্ৰযুক্তিগত সমস্যাৰ কাৰণে কিছু ব্যৱহাৰকাৰীয়ে আমাৰ এপ ব্যৱহাৰ কৰিব পৰা নাই৷ আমি যিমান সম্ভৱ সোনকালে এই পৰিসেৱা স্বাভাৱিক অৱস্থালৈ ঘূৰাই অনাৰ বাবে কাম কৰিছো৷ অসুবিধা দিয়াৰ বাবে ক্ষমাপ্ৰাৰ্থী৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
