অন্য এক বৰ্বৰ তথা জঘন্য ঘটনা পোহৰলৈ আহিছে৷ এইবাৰ এগৰাকী কিশোৰীক দলৱদ্ধ ধৰ্ষণৰ পাছত বিবস্ত্ৰা কৰি ধৰ্ষণকাৰীয়ে ঘৰলৈ পঠিয়াই দিয়াৰ ভয়ংকৰ অভিযোগ উত্থাপন হৈছে৷
ঘটনাটো উত্তৰ প্ৰদেশৰ মোৰাদাবাদৰ৷ মোৰাদাবাদৰ আৰক্ষীয়ে প্ৰকাশ কৰা মতে ঘটনাটো আজিৰ পৰা প্ৰায় দুপসপ্তাহৰ পূৰ্বে সংঘটিত হৈছিল যদিও শেহতীয়াকৈ ঘটনা সম্পৰ্কীয় এটা ভিডিঅ’ ভাইৰেল হোৱাৰ পাছতহে ঘটনাটো সংবাদ মাধ্যমৰ পোহৰলৈ আহিছে৷
আৰক্ষীয়ে প্ৰকাশ কৰা ঘটনাৰ বিৱৰণীৰ মতে এগৰাকী ১৫ বছৰীয়া নাবালিকাগৰাকী গাঁৱৰে এখন মেলালৈ যোৱাৰ পথত পাঁচ যুৱকে অপহৰণ কৰি নিয়ে৷ ইয়াৰ পাছতে পাঁচ যুৱকে কিশোৰীগৰাকীক দলৱদ্ধ ধৰ্ষণ কৰাৰ অভিযোগ উঠিছে৷
লগতে পঢ়ক গৰ্ভৱতী মহিলাক ধৰ্ষণ তিনি লোকৰ! ইয়াৰ পাছতে গৰ্ভপাত হয় মহিলাগৰাকীৰ
ইফালে কিশোৰীগৰাকীৰ চিৎকাৰ শুনি ঘটনাস্থীলত গৈ এজন লোক উপস্থিত হোৱাত ধৰ্ষণকাৰীয়ে কিশোৰীগৰাকীৰ কাপোৰ লৈ সেই স্থানৰ পৰা পলায়ন কৰে৷ ইয়াৰ পাছতে কিশোৰীগৰাকীয়ে বিবস্ত্ৰা হৈ প্ৰায় ২ কিলোমিটাৰ খোজকাঢ়ি গৈ ঘৰত উপস্থিত হয়৷
বাটত বিবস্ত্ৰা কিশোৰীগৰাকীক দেখি কোনো লোকেই কাপোৰ নিদিয়াৰো অভিযোগ উত্থাপন হৈছে৷ আনহাতে কিছু লোকে উলংগ কিশোৰীগৰাকীৰ ভিডিঅ’ ৰেকৰ্ডিঙো কৰে৷ এই ভিডিঅ’ ভাইৰেল হোৱাৰ পাছতহে ঘটনাটো সংবাদ মাধ্যমৰ পোহৰলৈ আহিছে৷
কিশোৰীগৰাকীৰ ককাকে সংবাদ মাধ্যমৰ আগত কয়, ‘‘ঘৰলৈ উভতি আহোঁতে তাইৰ প্ৰচুৰ ৰক্তক্ষৰণ হৈ আছিল। ঘৰলৈ উভতি আহিয়ে আমাক সকলো কথা ক’লে।’’
লগতে পঢ়ক যুৱতীক জ’মেটো ডেলিভাৰী বয়ৰ চুমা! কি ক’লে ফুড ডেলিভাৰী প্ৰতিষ্ঠান জ’মেটোৱে?
ককাকে আন এক বিস্ফোৰক অভিযোগ কৰি কয় যে এজাহাৰ দিয়াৰ পাছতো আৰক্ষীয়ে প্ৰথমে কোনো ব্যৱস্থা গ্ৰহণ কৰা নাছিল। ইয়াৰ পিছত তেওঁলোকে জিলা আৰক্ষী অধীক্ষকৰ কাষ চাপে। কিশোৰীগৰাকীৰ পৰিয়ালে যোৱা ৭ ছেপ্টেম্বৰতে ঘটনা সন্দৰ্ভত এজাহাৰ দাখিল কৰিছিল।
অভিযুক্তৰ পৰিয়ালৰ লোকে কিশোৰীগৰাকীক হত্যা কৰাৰ ভাবুকি দিয়াৰো অভিযোগ উত্থাপন কৰিছে। এজাহাৰটো এই কথা উল্লেখ কৰা হৈছে। অতিৰিক্ত আৰক্ষী অধীক্ষক (গ্ৰাম্য) সন্দীপ কুমাৰ মীনাই কয়, ‘ভাৰতীয় দণ্ডবিধি, পি অ’ চি এছ অ’ আইনৰ ৩৭৬ ডি ধাৰাত এফ আই আৰ দাখিল কৰা হৈছে। ১৫ ছেপ্টেম্বৰত গ্ৰেপ্তাৰ হৈছিল এজন অভিযুক্তক। বাকী অভিযুক্তৰ সন্ধানত অভিযান অব্যাহত ৰখা হৈছে।
প্ৰসংগক্ৰমে কিছুদিন পূৰ্বে উত্তৰ প্ৰদেশত দুগৰাকী দলিত ভগ্নীৰ ধৰ্ষণ আৰু হত্যাৰ অভিযোগক লৈ ব্যাপক প্ৰতিক্ৰিয়াৰ সৃষ্টি হৈছিল। সেই ঘটনাৰ আলোড়নৰ মাজতে মোৰাদাবাদৰ এই ঘটনাই ৰাজ্যখনত মহিলাৰ সুৰক্ষাক লৈ পুনৰ প্ৰশ্ন উত্থাপন কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
