চিনেমালৈ আগবঢ়োৱা অৱদানৰ বাবে দাদাছাহেব ফাল্কে বঁটাৰে সন্মানিত মিথুন চক্ৰৱৰ্তী
প্ৰবীণ অভিনেতা মিথুন চক্ৰৱৰ্তীৰ নামত সংযোজন হৈছে আন এক কৃতিত্ব। তেওঁক দাদাছাহেব ফালকে বঁটা প্ৰদান কৰা হৈছে। কেন্দ্ৰীয় মন্ত্ৰী অশ্বিনী বৈষ্ণৱে টুইট কৰি এই কথা ঘোষণা কৰিছে। ৰাষ্ট্ৰীয় চলচ্চিত্ৰ বঁটা প্ৰদান অনুষ্ঠানত মিথুনক এই বঁটা প্ৰদান কৰা হ’ব। ২০২৪ চনৰ ৮ অক্টোবৰত এই বঁটা প্ৰদান অনুষ্ঠানৰ আয়োজন কৰা হ’ব।
কেন্দ্ৰীয় মন্ত্ৰী অশ্বিনী বৈষ্ণৱে এক্স হেণ্ডলেযোগে এই তথ্য সদৰি কৰে। অহা ৮ অক্টোবৰত অনুষ্ঠিত হ’বলগীয়া ৭০ সংখ্যক ৰাষ্ট্ৰীয় চলচ্চিত্ৰ বঁটা প্ৰদান অনুষ্ঠানত এই বঁটা প্ৰদান কৰা হ’ব।
টুইটটোত লিখা আছে, ‘মিথুন চক্ৰৱৰ্তীৰ উল্লেখযোগ্য চিনেমাৰ যাত্ৰাই প্ৰজন্মক অনুপ্ৰাণিত কৰে। ভাৰতীয় চিনেমালৈ আগবঢ়োৱা অৱদানৰ বাবে তেওঁক এই সন্মান দিয়া হৈছে। অভিনেতাগৰাকীৰ বাবে এই সন্মানীয় বঁটা ঘোষণা কৰাত তেওঁৰ অনুৰাগীসকল অতিশয় আনন্দিত।
অভিনেতা মিথুন কেৱল অভিনয়ৰ বিশেষজ্ঞই নহয় একচন আৰু নৃত্যৰ ক্ষেত্ৰতো বিশেষজ্ঞ। তেওঁ বিভিন্ন ভাষাত – বাংলা, হিন্দী, উড়িয়া, ভোজপুৰী, তামিল, তেলেগু, কানাড়া আৰু পাঞ্জাবী আদি ছবিত কাম কৰিছে। তেওঁৰ বলীউডৰ প্ৰথম ছবি আছিল ডো অঞ্জানে। এই ছবিখনত তেওঁৰ ভূমিকা আছিল অতি কম। ইয়াৰ পিছত তেওঁ তেৰে প্যাৰ মেইন, প্ৰেম বিবাহ, হম পাঞ্চ, ডিস্কো ডান্সাৰ, হম ছে হায় জামানা, ঘৰ এক মন্দিৰ, অগ্নিপথ, তিতলি, গোলমাল ৩, খিলাড়ী ৭৮৬ আৰু দ্য তাছকেণ্ড ফাইলছত কাম কৰে।
অভিনয়ৰ উপৰিও মিথুন চক্ৰৱৰ্তীয়ে যুদ্ধ কলাৰ বিশেষজ্ঞ প্ৰশিক্ষণ লোৱাৰ লগতে ব্লেক বেল্ট অধিকাৰীয়ো। ৮০ৰ দশকৰ জনপ্ৰিয় অভিনেতা মিথুন। হিন্দী চলচ্চিত্ৰত ডিক্সো নৃত্যৰ নতুন পৰিচয় দিছিল। কেৱল মিথুনৰ নৃত্যৰ বাবেই ছবিখন হিট হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
