অসম লাইভ২৪ঃ এজন বিধায়কে কিমান দৰমহা পায়? জনসাধাৰণে প্ৰতিনিধি কৰি পঠিওৱা একোগৰাকী বিধায়কে এটা অঞ্চল বা এটা সমষ্টিক প্ৰতিনিধিত্ব কৰে৷ নিৰ্দিষ্ট অঞ্চলটোৰ সমস্যাসমূহ চৰকাৰৰ সন্মুখত তুলি ধৰে৷ এই কামৰ বাবে, বিধায়কজনে ৰাজ্য চৰকাৰৰ দ্বাৰা নিৰ্ধাৰিত দৰমহা লাভ কৰে৷ ইয়াৰ উপৰিও, একোগৰাকী বিধায়কক বহুতো ভাট্টাও দিয়া হয়। যদি আমি সৰ্বাধিক বেতন প্ৰাপ্ত বিধায়কসকলৰ কথা কওঁ, তেন্তে এই তালিকাৰ শীৰ্ষত আছে তেলেংগানাৰ বিধায়কসকল, যিসকলে প্ৰতি মাহে দৰমহা হিচাপে প্ৰায় ২.৫০ লাখ টকা৷ একে সময়তে, উত্তৰ-পূবৰ ৰাজ্য ত্ৰিপুৰাৰ বিধায়কসকলে সৰ্বনিম্ন দৰমহা লাভ কৰে। বিধায়কসকলৰ দৰমহা ৰাজ্য অনুসৰি বেলেগ বেলেগ হয়। বিভিন্ন ৰাজ্যৰ বিধায়কসকলৰ দৰমহা কিমান তালিকা যদি চাওঁ, তেন্তে-
তেলেংগানাৰ পিছতেই সৰ্বাধিক বেতন লাভ কৰে মহাৰাষ্ট্ৰ আৰু দিল্লীৰ বিধায়কসকলে। মহাৰাষ্ট্ৰৰ বিধায়কসকলে মাহিলী বেতন পায় ২.৩২ লাখ টকা আৰু দিল্লীত প্ৰতিমাহে বিধায়কে পায় ২.১০ লাখ টকা৷ একে সময়তে, উত্তৰ প্ৰদেশৰ বিধায়কৰ দৰমহা আছে এই তালিকাৰ চাৰি নম্বৰত আছে। উত্তৰ প্ৰদেশৰ বিধায়কসকলক প্ৰতি মাহে ১.৮৭ লাখ টকা আৰু জম্মু-কাশ্মীৰৰ বিধায়কসকলে প্ৰতি মাহে লাভ কৰে ১.৬০ লাখ টকা৷
সৰ্বনিম্ন দৰমহা লাভ কৰা ৰাজ্যকেইখনৰ ভিতৰত পোনতেই আছে ত্ৰিপুৰা৷ তাৰ পাছতেই নাগালেণ্ডৰ বিধায়কসকলে পায় ৩৬০০০ টকা৷ মনিপুৰৰ বিধায়কে পায় ৩৭,০০০ টকা, অসমৰ বিধায়কে পায় ৪২০০০ টকা, মিজোৰামৰ বিধায়কে পায় ৪৭,০০০ আৰু অৰুণাচলৰ বিধায়কে পায় ৪৯,০০০ টকা৷
উল্লেখ্য যে বিধায়কসকলে দৰমহাৰ উপৰিও আন বহুতো সুবিধা লাভ কৰে৷ উত্তৰ প্ৰদেশত, বিধায়কসকলে অঞ্চলটোৰ উন্নয়নৰ বাবে বিধায়কৰ পুঁজি লাভ কৰে। ইয়াৰ বাহিৰেও, তেওঁলোকক থাকিবলৈ চৰকাৰী আৱাস দিয়া হয়। তেওঁলোকে চিকিৎসা আৰু ভ্ৰমণ ভাট্টাও লাভ কৰে। ইয়াৰ বাহিৰেও, যদি এবাৰ বিধায়ক হোৱাৰ অন্তত পৰবৰ্তীসময়ত পুনৰ বিধায়ক হ’ব নোৱাৰে তেন্তে তেওঁলোকে প্ৰতিমাহে পেঞ্চনো লাভ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
