অসম লাইভ২৪ঃ ৫ফেব্ৰুৱাৰী ২০২৪সোমবাৰে চন্দ্ৰই বৃশ্চিক ৰাশিত অৱস্থান কৰিব। পঞ্জিকা অনুসৰি কাইলৈ মাঘ মাহৰ কৃষ্ণপক্ষৰ দশমী তিথি। গঠিত হ’বলগীয়া শুভ যোগসমূহ হৈছে ধ্ৰুৱ যোগ আৰু সৰ্বাৰ্থ সিদ্ধি যোগ। ইয়াৰোপৰি কাইলৈ সোমবাৰে থাকিব জ্যেষ্ঠা নক্ষত্ৰ। ইয়াৰোপৰি হিন্দুধৰ্ম অনুসৰি সোমবাৰ সৈছে শিৱ শংকৰৰ প্ৰিয় দিন। এইসমূহ শুভ যোগ আৰু মহাদেৱৰ আশীৰ্বাদত কাইলৈ দিনটো জ্যোতিষমতে বেছ মাহাত্ম্যপূৰ্ণ হ’ব। কাইলৈ সপ্তাহৰ প্ৰথম দিনটোত মহাদেৱক আৰাধনা কৰিলে তেওঁৰ বিশেষ আশীৰ্বাদন লাভ কৰা সম্ভৱ। জ্যোতিষ গণনা অনুসৰি কাইলৈ ধ্ৰুৱ যোগত শিৱৰ আশীৰ্বাদত ভাগ্য খুলিব পাঁচ ৰাশিৰ জাতকৰ। কাইলৈ ৫ফেব্ৰুৱাৰী ২০২৪ত কোন কোন ৰাশিৰ জাতকৰ ভাগ্য প্ৰসন্ন হ’ব?
বৃষ ৰাশি
কাইলৈ সপ্তাহৰ প্ৰথম দিনটোত আৰ্থিক পৰিস্থিতিত বৃহৎ উন্নতি আহিব বৃষ ৰাশিৰ জাতকৰ জীৱনত। কাইলৈ আপুনি সম্পদ লাভ কৰিব। নিজৰ ব্যৱসায় সম্প্ৰসাৰণৰ বাবে নতুন নতুন আইডিয়া আপোনাৰ মূৰলৈ আহিব। সামাজিক কামৰ সৈতে যুক্তসকলৰ সাফল্য লাভৰ যোগ আছে। মহাদেৱৰ আশীৰ্বাদত বেয়া সময় আঁতৰি যাব।
সিংহ ৰাশি
কাইলৈ সোমবাৰে মহাদেৱৰ আশীৰ্বাদ লাভ কৰিব সিংহ ৰাশিৰ জাতক। কাইলৈ আপোনাৰ ঘৰত কোনো শুভ অনুষ্ঠানৰ আয়োজন হ’ব পাৰে। ইয়াৰ ফলত কাইলৈ আপোনাৰ পৰিয়ালত সুখ আৰু শান্তি বৰ্তি থাকিব। সিংহ ৰাশিৰ ব্যৱসায়ীসকলে কাইলৈ আৰ্থিকভাৱে লাভৱান হ’ব। ব্যৱসায়ত অংশীদাৰৰ কামত প্ৰয়োজনীয় সাহায্য পাব। ব্যৱসায়ত উন্নতি হ’ব। জীৱনত ৰোমান্স বৃদ্ধি পাব।
কন্যা ৰাশি
সৰ্বাৰ্থ সিদ্ধি যোগৰ শুভ প্ৰভাৱত কাইলৈ প্ৰচুৰ এনাৰ্জি বোধ কৰিব কন্যা ৰাশিৰ জাতকে। কাইলৈ উৎসাহ আৰু আত্মবিশ্বাস থাকিব। নতুন কোনো কামত হাত দিলে সফলতা লাভ কৰিব। পৰিয়ালৰ সদস্যসকলৰ পৰা কোনো বিশেষ উপহাৰ লাভ কৰিব আপুনি। সমাজত কাইলৈ সন্মান আৰু জনপ্ৰিয়তা বৃদ্ধি পাব কন্যা ৰাশিৰ জাতকৰ।
মকৰ ৰাশি
সৰ্বাৰ্থ সিদ্ধি যোগৰ প্ৰভাৱত কোনো সম্পত্তি বা দামী উপহাৰ লাভ কৰিব পাৰে মকৰ ৰাশিৰ জাতকসকলে। আপোনাৰ নিজৰ আৰ্থিক অৱস্থা উন্নত হ’ব। ব্যৱসায়ত নতুন কোনো প্ৰকল্পত হাত দিলে সাফল্য লাভৰো যোগ আছে। কাইলৈ ভাগ্যই আপোনাৰ লগ দিব। কৰোবাত ফুৰিবলৈ যোৱাৰ পৰিকল্পনা থাকিলে সফল হ’ব।
মীন ৰাশি
মীন ৰাশিৰ জাতকে যদি চাকৰি সলোৱাৰ পৰিকল্পনা ৰাখিছে কাইলৈয়ে শুভ সময়। মীন ৰাশিৰ জাতকৰ ছাত্ৰ-ছাত্ৰীয়ে কাইলৈ পৰীক্ষাত সফলতা লাভ কৰিব পাৰে। নতুন বাহন, মাটি ক্ৰয়ৰ যোগ আছে। মন শান্ত ৰাখি সকলো কামতে আগবাঢ়ক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
