আমি জনাত ৩৬৫ দিনত এবছৰ হয়৷ আৰু লিপিয়াৰ থাকিলে সেয়া হয়গৈ ৩৬৬ দিন৷ কিন্তু বিজ্ঞানীয়ে দাবী কৰিছে যে এই গ্ৰহত ২৪ ঘণ্টাতকৈ কম সময়তেই এবছৰ হয়৷ নাছাই লাভ কৰিছে এক নতুন গ্ৰহৰ সন্ধান৷ ৩৬৫ দিন নহয় মাত্ৰ কেইটামান ঘণ্টাৰ ভিতৰতেই এবছৰ হয় এই গ্ৰহত৷ উত্তপ্ত নেপচুনৰ দৰে আৰু এটা গ্ৰহৰ সন্ধান পাইছে এই আন্তৰ্জাতিক সংস্থা৷
NASAই সন্ধান পালে নতুন এক গ্ৰহৰ
জনা গৈছে যে নাছাই যি নতুন গ্ৰহৰ সন্ধান পাইছে তাৰ নাম হৈছে টি ৱাই-৩২৬১ বি (TOI-3261B), এয়া এক আল্ট্ৰা হট গ্ৰহ৷ বিজ্ঞানীসকলৰ মতে এই গ্ৰহই খুব দ্ৰুত গতিত নক্ষত্ৰক প্ৰদক্ষিণ কৰিব পাৰে৷ ইয়াৰ ফলত মাত্ৰ ২১ ঘণ্টাতেই এবছৰ হয়৷ জনা গৈছে যে আন্তৰ্জাতিক সংস্থা নাছাৰ ট্ৰান্সিটিং, এক্সপ্লেনেট ছাৰ্ভে ছেটেলাইটত ধৰা পৰিছে এই গ্ৰহটো৷ বৰ্তমান পৰ্যন্ত এই ধৰণৰ যিমান এক্সপ্লেনেট আৱিষ্কৃত হৈছে তাৰ মাজত TOI-3261B ৰ অৱস্থান চতুৰ্থ৷ এই ধৰণৰ আৰু তিনিটা গ্ৰহ মহাকাশত আছে৷
এই গ্ৰহৰ বৈশিষ্ট্য
পৃথিৱীৰ পৰা ৯৭৯ আলোকবৰ্ষ দূৰৈত অৱস্থিত এই TOI-3261B. বিজ্ঞানীৰ মতে প্ৰতি ২১ ঘণ্টাত গ্ৰহটোৱে নিজৰ পৰা ২৫ লাখ কিঃমিঃ দূৰৈত থকা কমলা ৰঙৰ বামন তৰাক প্ৰদক্ষিণ কৰি আছে৷ দ্ৰুত প্ৰদক্ষিণ কৰাৰ ফলত ইয়াত ২১ ঘণ্টাত এবছৰ হয়৷ আকাৰত এই গ্ৰহ আমাৰ সৌৰজগতৰ গ্ৰহ নেপচুনৰ সমান৷ নেপচুনতকৈ এয়া দ্বিগুণ ঘন আৰু পৃথিৱীতকৈ প্ৰায় ৩০গুণ ভাৰী৷ কেৱল এয়াই নহয় ইয়াৰ তাপমাত্ৰাও নেপচুনতকৈ বহু গুণ বেছি৷ সেয়ে ইয়াৰ নাম ৰখা হৈছে আল্ট্ৰা চৰ্ট পিৰিয়ড হট নেপচুন৷ ইয়াৰোপৰি এই গ্ৰহ বৃহস্পতিৰ দৰেই গেছেৰে ভৰা৷
ইয়াত প্ৰাণৰ অস্তিত্ব আছেনে?
বিজ্ঞানীসকলৰ দৰে এই সৰু গ্ৰহই তাৰ চৰিত্ৰ পৰিবৰ্তন কৰি আছে৷ ইয়াত বৰ্তমান পৰ্যন্ত কোনো প্ৰাণৰ অস্তিত্ব লাভ কৰা নাই বিজ্ঞানীয়ে৷ আনকি ইয়াৰ যি পৰিবেশ তাত প্ৰাণ বাচি থকা পৰিস্থিতি এতিয়াও নাই৷ ইয়াৰোপৰি জনা গৈছে যে এই গ্ৰহটো ৬৫০ কোটি বছৰ পুৰণি এটা গ্ৰহ৷ অৰ্থাৎ এই গ্ৰহ আমাৰ সৌৰজগততকৈ প্ৰায় ২০০ কোটি বছৰ পুৰণি৷ যেতিয়া এই গ্ৰহ সৃষ্টি হৈছিল তেতিয়া এয়া এক বিশাল গেছৰ পিণ্ড হিচাপে জন্ম হৈছিল৷ পৰবৰ্তীসময়ত পৰিবৰ্তন হৈ হৈ এয়া এক উত্তপ্ত গ্ৰহত পৰিণত হয়৷ বৰ্তমান পৰ্যন্ত এই গ্ৰহৰ পুঙ্খানুপুঙ্খ তথ্যৰ সন্ধানত গৱেষণা অব্যাহত ৰাখিছে বিজ্ঞানীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
