অসম লাইভ২৪ঃ উচ্চতম ন্যায়ালয়ৰ অনুমতিৰ পাছতেই এই লেখা প্ৰকাশ হৈছে। ৪০ বছৰলৈকে ভাৰতত প্ৰকাশ হ’ব নিদিয়া নাথুৰাম গডছেৰ অন্তিম ভাষণত কি আছিল? অন্তিম ভাষণতেই স্পষ্টৰূপত নাথুৰাম গডছে কৈ গৈছে, কিয় তেওঁ মহাত্মা গান্ধীক হত্যা কৰিলে? ভাৰতত বিগত ৬০ বছৰ ধৰি নিষিদ্ধ হৈ থকা ভাষণত কি আছিল?
৩০ জানুৱাৰী ১৯৪৮ চনত নাথুৰাম গডছে মহাত্মা গান্ধীক গুলীয়াই হত্যা কৰিছিল। নাথুৰাম গডছে গান্ধীক হত্যা কৰি ঘটনাস্থলীৰ পৰা পলায়ন নকৰি আত্মসমৰ্পন কৰে। নাথুৰাম গডছেকে ধৰি ১৭ জন অভিযুক্তক গান্ধীজীৰ হত্যাৰ বিচাৰৰ নামত কাঠগৰাত তোলা হৈছিল। এই গোচৰৰ শুনানিৰ সময়ত ন্যায়াধীশ খোচলাই নাথুৰাম গডছেক তেওঁৰ বক্তব্য ৰাইজৰ সন্মুখত পঢ়ি শুনোৱাবলৈ অনুমতি বিচাৰিছিল। ন্যায়াধীশে তেওঁক তেওঁৰ বক্তব্য শুনোৱাবলৈ অনুমতি দিয়ে। কিন্তু এই অনুমতি কেৱল আদালতৰ চৌহদতেই সীমাবদ্ধ থাকিব। অইন কোনোৱে এই বক্তব্য শুনাৰ সুযোগ নাপাব সেই কথাও জনাই দিয়ে। আদালতে এই শুনানি দিয়াৰ কাৰণ আছিল সেই সময়ত শাসিত চৰকাৰে নাথুৰাম গডছেৰ বক্তব্য দেশত নিষিদ্ধ কৰিছিল।
কিন্তু তেওঁৰ ভাষণ সাধাৰণ জনতাইয়ো শুনিব লাগে। অপৰাধীয়ে অপৰাধ স্বীকাৰ কৰি তাৰ বাবে শাস্তিও পালে তেন্তে তেওঁৰ শেষৰ বক্তব্য ঢাকি ৰখাৰ কাৰণ কি? এই বিষয়টোক লৈ বিগত ৬০ বছৰ ধৰি আইনী যুঁজ চলাই নাথুৰাম গডছেৰ ভাতৃ তথা সহ অভিযুক্ত গোপাল গডছেই। অৱশেষত আইনী যুঁজত জয়ী হৈছে গোপাল গডছে। গোপাল গডছেৰ এই বিজয়ৰ পাছতেই তেওঁৰ অন্তিমটো ভাষণৰ প্ৰচাৰ হৈছে।
গডছে কৈছিল, ‘মই গান্ধীক কিয় হত্যা কৰিলো ইয়াৰ সপক্ষে মোৰ ১৫০টা যুক্তি আছে।
মোৰ প্ৰথম মত, গান্ধীজীৰ অহিংসাই হিন্দুসকলক কাপুৰুষ কৰি তুলিব। গণেশ শংকৰ বিদ্যাৰ্থীক কানপুৰত মুছলমানসকলে নিৰ্মমভাৱে হত্যা কৰোতে মহাত্মা গান্ধীয়ে গণেশ শংকৰ বিদ্যাৰ্থীৰ হৈ মাত নামাতিলে। অহিংসাৰ পথ অনুসৰণ কৰি তেওঁ হিন্দুৰ বলিদান দিলে। এনেকৈ গান্ধীজীৰ অহিংসাৰ নীতিয়ে হিন্দুসকলক দুৰ্বল কৰি তুলিব আৰু তেওঁলোকে কেতিয়াও তেওঁলোকৰ অধিকাৰ লাভ কৰিব নোৱাৰিব।
১৯১৯ চনত অমৃতসৰত জালিয়ানৱালাবাগৰ ঘটনাৰ পাছত দেশৰ জনতা ব্ৰিটিছৰ বিৰুদ্ধে খঙত ফাঁটিছিল। ভাৰতীয়ই এই গণহত্যাৰ বাবে জেনেৰেল ডায়াৰৰ বিৰুদ্ধে মোকৰ্দমা চলাবলৈ গান্ধীজীৰ ওচৰলৈ গৈছিল কিন্তু গান্ধীজীয়ে ভাৰতীয়ক এই অনুৰোধক সমৰ্থন নজনাই বৰং সহায় কৰিব নোৱাৰো বুলিয়েই জনাইছিল।
মহাত্মা গান্ধীয়ে খিলাফত আন্দোলনক সমৰ্থন কৰি ভাৰতীয় ৰাজনীতিক বিষাক্ত কৰি তুলিছিল। মহাত্মা গান্ধীয়ে নিজকে মুছলমানসকলৰ সমৰ্থক হিচাপে উপস্থাপন কৰিছিল। তেওঁ আনকি কেৰালাৰ মোপলা মুছলমানসকলৰ দ্বাৰা ১৫০০ তকৈও অধিক হিন্দুক হত্যা কৰি ২০০০ তকৈও অধিক হিন্দুক ইছলামলৈ ধৰ্মান্তৰিত কৰাৰ বিৰুদ্ধে প্ৰতিবাদ কৰিব নোৱাৰিলে।
কংগ্ৰেছৰ ত্ৰিপুৰা অধিৱেশনত নেতাজী সুভাষ চন্দ্ৰ বসুৰ সংখ্যাগৰিষ্ঠতাৰে কংগ্ৰেছৰ সভাপতি নিৰ্বাচিত হৈছিল, কিন্তু গান্ধীজীয়ে তেওঁৰ প্ৰিয় সীতাৰামায়ক সমৰ্থন কৰিছিল। গান্ধীজীয়ে সুভাষ চন্দ্ৰ বসুক বলপূৰ্বক পদত্যাগ কৰিবলৈ বাধ্য কৰিছিল।
১৯৩১ চনৰ ২৩ মাৰ্চত ভগত সিং, সুখদেৱ আৰু ৰাজগুৰুক ফাঁচী দিয়া হৈছিল। সমগ্ৰ দেশে মহাত্মা গান্ধীৰ ওচৰত এই সাহসী যুৱককেইজনৰ ফাঁচী বিৰুদ্ধে ব্ৰিটিছৰ ওচৰত অনুৰোধ ৰাখিবলৈ আহ্বান জনাইছিল কিন্তু গান্ধীজীয়ে দেশবাসীৰ এই যুক্তিসঙ্গত দাবী নাকচ কৰি ভগত সিঙে হিংসাত্মক পৰিস্থিতি সৃষ্টি কৰিছিল বুলিহে কয়।
গান্ধীজীয়ে কাশ্মীৰৰ হিন্দু ৰজা হৰি সিঙক কৈছিল যে, কাশ্মীৰ এখন মুছলমান অধ্যুষিত অঞ্চল। সেয়েহে তাত শাসক এজন মুছলমান হ’ব লাগে। ৰজা হৰি সিঙে শাসন ত্যাগ কৰি কাশীলৈ যাব লাগে আৰু ইয়াৰ প্ৰায়শ্চিত্ত কৰিব লাগে। যদিও গান্ধীজীয়ে হায়দৰাবাদৰ নিজামৰ শাসনক সমৰ্থন কৰিছিল তেতিয়া হায়দৰাবাদ এটা হিন্দু অধ্যুষিত অঞ্চল আছিল। গান্ধীজীৰ নীতি ধৰ্মৰ সৈতে সলনি হৈছিল। তেওঁৰ মৃত্যুৰ পিছত, চৰ্দাৰ পেটেলে শক্তিশালী শক্তিৰ সহায়ত হায়দৰাবাদক ভাৰতৰ সৈতে একত্ৰিত কৰিবলৈ কাম কৰিছিল। গান্ধীজীৰ থাকিলে এইটো কৰা সম্ভৱ নহ’লহেঁতেন।
পাকিস্তানৰ ভয়ংকৰ ঘটনাৰ বলি হৈ প্ৰাণ ৰক্ষা কৰিবলৈ কোনোমতে ভাৰতলৈ অহা স্থানাচ্যুত হিন্দুসকলে দিল্লীৰ খালী মছজিদসমূহত অস্থায়ীভাৱে আশ্ৰয় লৈছিল। মুছলমানসকলে মছজিদত বাস কৰা হিন্দুসকলৰ বিৰুদ্ধে প্ৰতিবাদ কৰিছিল। কিন্তু তেতিয়াও গান্ধীজীয়ে নিৰব ভূমিকাই অৱলম্বন কৰে।
মহাত্মা গান্ধীয়ে দিল্লীৰ মন্দিৰত তেওঁৰ প্ৰাৰ্থনা সভাৰ সময়ত নামাজ আগবঢ়াইছিল, যাৰ বিৰোধিতা কৰিছিল মন্দিৰৰ পুৰোহিতকে ধৰি সকলো হিন্দুয়ে, কিন্তু গান্ধীজীয়ে এই বিৰোধীতাক উপেক্ষা কৰিছিল। যদি মন্দিৰত মহাত্মা গান্ধীয়ে নামাজ পঢ়িব পাৰে তেন্তে কোনো মছজিদলৈ গৈ কিয় তেওঁ গীতা পাঠ কৰিব নোৱাৰিলে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
