অনুষ্কা শইকীয়াৰ মৃত্যুৰ ঘটনাৰ নিতৌ ন ন তথ্য পোহৰলৈ আহিছে। মহানগৰীৰ হেঙেৰাবাৰীৰ ভাড়াঘৰত উদ্ধাৰ হৈছিল অনুষ্কা শইকীয়া নামৰ যুৱতীগৰাকীৰ মৃতদেহ। ইয়াৰ পাছতে আৰক্ষীৰ তদন্তত পৰ্দাৰ বাহিৰলৈ আহে নানা ৰহস্য। অনুষ্কাৰ প্ৰেমিক ৰাহুল শইকীয়াক দিছপুৰ আৰক্ষীয়ে সোধা-পোছা কৰাৰ পাছত ঘটনাই লয় নতুন মোৰ।
মৃত্যুৰ পূৰ্বে অনুষ্কাই প্ৰেমিক ৰাহুলক মেছেজ দিয়াৰ কথা পোহৰলৈ আহিছে। অনুষ্কাই ৰাহুলক আত্মহত্যা কৰাৰ ভাবুকি দিয়া বুলিও প্ৰকাশ পাইছে আৰক্ষীৰ তদন্তত। অনুষ্কাৰ সেই সকলো মেছেজ আওকাণ কৰিছিল প্ৰেমিক ৰাহুল শইকীয়াই। লক্ষ্যণীয়ভাবে অনুষ্কাৰ মাতৃয়ে এয়া এক পৰিকল্পিত হত্যাকাণ্ড বুলি দাবী জনাই আহিছে। তেওঁৰ জীয়ৰীয়ে কোনোপধ্যে আত্মহত্যাৰ দৰে পথ বাচি ল’ব নোৱাৰে বুলিও অনুষ্কাৰ মাতৃয়ে ন দি কয় সংবাদ মাধ্যমৰ আগত। কিন্তু অনুষ্কাই ৰাহুললৈ মৃত্যুৰ পূৰ্বে মেছেজ দিয়া তথ্য উদঘাটনৰ পাছত পুনৰ ৰহস্যৰ আৱৰ্তত সোমাই পৰিছে সমগ্ৰ ঘটনা।
দেওবাৰে হেঙেৰাবাৰীৰ নামঘৰ পথৰ এটা ঘৰত ৰহস্যজনকভাৱে উদ্ধাৰ হৈছিল অনুষ্কাৰ মৃতদেহ। গুৱাহাটীৰ এবিচিৰ এখন বিউটি পাৰ্লাৰত কাম কৰি জীৱন নিৰ্বাহ কৰা অনুষ্কাৰ আত্মহত্যাক সহজভাৱে ল’ব পৰা নাই তেওঁৰ পৰিয়াল তথা ওচৰ চুবুৰীয়াই। অনুষ্কাৰ মাতৃৰ স্পষ্ট অভিযোগ ঘৰটোৰ মালিক ৰমেশ ভৰালী আৰু কাম কৰা মহিলা এগৰাকীয়ে হত্যা কৰিছে তেওঁৰ জীয়ৰীক। এবছৰ পূৰ্বে নামঘৰ পথৰ ৰমেশ ভৰালীৰ ঘৰত ভাড়াতীয়া হিচাপে আহিছিল অনুষ্কা শৰ্মা নামৰ ধেমাজিৰ যুৱতীগৰাকী। অনুষ্কাৰ সৈতে জুনু বৰা নামৰ এগৰাকী মহিলাও পৰিচাৰিকা হিচাপে আছিল ভৰালীৰ ঘৰত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
