জাতীয় ক্ৰিকেট দলৰ এগৰাকী অধিনায়ক আৰু আই পি এল ক্ৰিকেটাৰৰ বিৰুদ্ধে ভয়ংকৰ অভিযোগ উত্থাপন হৈছে৷ ক্ৰিকেটাৰগৰাকীৰ বিৰুদ্ধে এগৰাকী নাবালিকাক ধৰ্ষণৰ গুৰুতৰ অভিযোগ উত্থাপন হৈছে৷
এই ভয়ংকৰ অভিযোগ উত্থাপন হোৱা ক্ৰিকেটাৰগৰাকী হৈছে নেপাল ৰাষ্ট্ৰীয় ক্ৰিকেট দলৰ অধিনায়ক সন্দীপ লামিছানে৷ ইতিমধ্যে লামিছানেৰ বিৰুদ্ধে ঘটনাৰ সন্দৰ্ভত আৰক্ষীয়ে তদন্ত আৰম্ভ কৰিছে৷
নিউজ এজেন্সী এএনআইৰ বাতৰি অনুসৰি লামিছানেৰ বিৰুদ্ধে ১৭ বছৰীয়া কিশোৰীক ধৰ্ষণ কৰাৰ অভিযোগ উত্থাপন হৈছে। অভিযোগ অনুসৰি কাঠমাণ্ডুৰ সমীপৰ এটা অঞ্চলত সংঘটিত হৈছিল এই ঘটনা। কিশোৰীগৰাকীৰ পিতৃ-মাতৃয়ে ঘটনা সন্দৰ্ভত ইতিমধ্যে আৰক্ষী থানাত এজাহাৰ দাখিল কৰিছে। আৰক্ষীয়ে লামিছানেৰ বিৰুদ্ধে ব্যৱস্থা গ্ৰহণ কৰিছে নে নাই সেয়া এতিয়াও জানিব পৰা হোৱা নাই। এই সন্দৰ্ভত এতিয়ালৈকে ক্ৰিকেটাৰগৰাকীয়ে কোনো মন্তব্য কৰা নাই।
লগতে পঢ়ক জৰায়ুত ২.৫ কিঃগ্ৰাম ওজনৰ চিষ্ট! ভুক্তভোগী মহিলাই গমেই পোৱা নাছিল! অস্ত্ৰোপচাৰে বচালে জীৱন
২০১৬ চনত লামিছানেক নেপালৰ অনূৰ্ধ্ব ১৯ দলৰ অধিনায়ক হিচাপে নিযুক্তি দিয়া হৈছিল। ইয়াৰ পাছতে ২০১৮ চনত তেওঁ নেপালৰ জাতীয় দলত সুযোগ লাভ কৰিছিল। সেই বছৰে লাছিমানেক আই পি এলৰ দল দিল্লী কেপিটেলছে ক্ৰয় কৰিছিল।
লাছিমানে হৈছে আই পি এল খেলা নেপালৰ একমাত্ৰ ক্ৰিকেটাৰ। ২০১৮ চনত দিল্লীৰ হৈ তিনিখন মেচ খেলি ৫ টা উইকেট দখল কৰিছিল লাছিমানে। ২০১৯ বৰ্ষতো লাছিমানে দিল্লীৰ হৈ ৬ খন মেচ খেলি ৮ টা উইকেট দখল কৰিছিল। ২০২০ চনত দিল্লীয়ে লাছিমানেৰে চুক্তি বাতিল কৰাৰ পিছৰে পৰা তেওঁ আই পি এলত আৰু খেলাৰ সুযোগ পোৱা নাই।
লগতে পঢ়ক অস্কাৰৰ চুটি চলচ্চিত্ৰ প্ৰতিযোগিতালৈ মহৰ্ষি তুহিন কাশ্যপৰ ছবি ‘মোৰ ঘোঁৰাৰ দুৰন্ত গতি’
উল্লেখ্য যে ২০২১ চনত নেপালৰ জাতীয় দলৰ অধিনায়ক জ্ঞানেন্দ্ৰ মল্লক অনুশাসনহীনতাৰ বাবে দলৰ পৰা বাদ দিয়া হৈছিল আৰু মল্লৰ ঠাইত লামিছানেক দলৰ অধিনায়কৰ দায়িত্ব দিয়া হয়। লাছিমানেৰ এই গুৰুতৰ অভিযোগ উত্থাপন হোৱাৰ পাছত বৰ্তমানেও নেপাল ক্ৰিকেট ব’ৰ্ডে এতিয়াও কোনো প্ৰতিক্ৰিয়া প্ৰকাশ কৰা নাই।
সোঁহতীয়া নেপালৰ স্পীনাৰগৰাকীয়ে আই পি এলৰ উপৰিও বিভিন্ন দেশত ফ্ৰেঞ্চাইজি ক্ৰিকেট লীগ খেলিছে। লাছিমানে প্ৰিমিয়াৰ লীগত বাৰ্বাডোছ ট্ৰাইডেণ্টছ, জামাইকা তালাৱাজ আৰু ছেইণ্ট কিটছ এণ্ড নেভিছ পেট্ৰিয়াটছ, বিগ বেছত হোবাৰ্ট হাৰিকেনছ আৰু মেলবৰ্ণ ষ্টাৰছ, বাংলাদেশ প্ৰিমিয়াৰ লীগত চিলেট ছিক্সাৰ্ছ আৰু পাকিস্তান ক্ৰিকেট লীগত লাহোৰ কালাণ্ডাৰছৰ হৈ খেলিছে।
এতিয়ালৈকে লামিছামে নেপালৰ হৈ ৩০ খন এদিনীয়া আন্তৰ্জাতিক ক্ৰিকেট মেচ, ৪৪ খন টি২০ মেচত প্ৰতিনিধিত্ব কৰি এতিয়ালৈকে মুঠ ১৬৪ টা আন্তঃৰাষ্ট্ৰীয় উইকেট লাভ কৰিছে৷ উল্লেখ্য যে লাছিমানে হৈছে নেপালৰ হৈ এদিনীয়া অন্তৰ্জাতিক আৰু টি২০ৰ মেচত সৰ্বাধিক আন্তঃৰাষ্ট্ৰীয় উইকেট লাভ কৰা ক্ৰিকেটাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
