ঘোষণা হ’ল উত্তৰ-পূবৰ ৩ ৰাজ্যৰ বিধানসভাৰ ফলাফল

অসম লাইভ ২৪ঃ ঘোষণা হ’ল উত্তৰ-পূবৰ ৩ ৰাজ্যৰ বিধানসভাৰ ফলাফল৷ প্ৰত্যাশিতধৰণেই শেষ হাঁহি মাৰিবলৈ সক্ষম হৈছে বিজেপি৷ ক’ৰবাত যদি কিং, ক’ৰবাত কিংমেকাৰ৷ আজি ঘোষণা হ’ল নাগালেণ্ড, ত্ৰিপুৰা, মেঘালয়ৰ ভোঠগণনা৷ উত্তৰ-পূবৰ ৩ খন ৰাজ্যৰ নিৰ্বাচনত বিজেপি-মিত্ৰজোঁটেই পুনৰ শাসনলৈ অহাটো নিশ্চিত হৈছে। ত্ৰিপুৰাত বিজেপি-IPFT মিত্ৰজোঁটে ৩২ খন আসনত জয় লাভ কৰি সংখ্যাগৰিষ্ঠতা অৰ্জন কৰিছে। প্ৰথমবাৰলৈ নিৰ্বাচনত অৱতীৰ্ণ হোৱা তিপ্ৰা মথা দলটোৱে ১২ খন আসন লাভ কৰিছে। CPM দলে ১২ খন, কংগ্ৰেছে ৪ খন আসন লাভ কৰে। মেঘালয়ত শাসনাধীষ্ঠ NPPএ ২৬ খন আসন লাভ কৰিছে। বিজেপিয়ে ৫ খন, তৃণমূল কংগ্ৰেছে ৫ খন, UDPএ ৮ খন, কংগ্ৰেছে ৫ খন, অন্যান্য দলে ১০ খন আসন লাভ কৰিছে। নাগালেণ্ডত NDPP দলে ২৬ খন, বিজেপিয়ে ১৪ খন, NCPএ ৪ খন, NPPএ ৩ খন আৰু অন্যান্য দলে লাভ কৰে ১৩ খন আসন। ত্ৰিপুৰাত বিজেপি মিত্ৰজোঁটে তিপ্ৰা মথা দলৰ সৈতে লগ লাগি পুনৰবাৰ চৰকাৰ গঠনৰ সম্ভাৱনা আছে। আনহাতে মেঘালয়তো NPP আৰু BJPৰ মাজত নিৰ্বাচনোত্তৰ মিত্ৰতাৰ সম্ভাৱনা। নাগালেণ্ডত পূৰ্বৰ দৰেই NDPP-BJP মিত্ৰজোঁটেই আকৌ শাসনলৈ অহাটো নিশ্চিত হৈছে। আগন্তুক লোকসভা নিৰ্বাচনৰ পূৰ্বে ৰাষ্ট্ৰীয় দলসমূহৰ বাবে যথেষ্ট গুৰুত্বপূৰ্ণ বিবেচিত হৈছে এই ফলাফল৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ