উত্তৰ পূৱৰ প্ৰথম ৰবট শিক্ষয়ত্ৰী, গুৱাহাটীৰ এইখন বিদ্যালয়ত ছাত্ৰ-ছাত্ৰীৰ সৈতে মত বিনিময় কৰিলে ৰবটে
অসমৰ এখন বিদ্যালয়ত ৰবট শিক্ষয়ত্ৰী। ছাত্ৰ-ছাত্ৰীৰ সৈতে মত বিনিময় ৰবট শিক্ষত্ৰীৰ। ছাত্ৰই শোধা প্ৰশ্নৰ উত্তৰো দিছে বৰ সুন্দৰকৈ। উত্তৰ পূৱৰ ভিতৰতে এইয়ে প্ৰথম এনে ৰবট শিক্ষয়ত্ৰী। সুন্দৰকৈ মেখেলা চাদৰ পৰিহীতৈ ৰবট শিক্ষয়ত্ৰী এতিয়া চৰ্চাৰ কেন্দ্ৰবিন্দু।
‘আইৰিছ’ নামৰ এই ৰবট শিক্ষয়ত্ৰী আছে গুৱাহাটীৰ আগশাৰীৰ শিক্ষনুষ্ঠান ৰয়েল গ্ল’ৱেলত আছে। শিক্ষনুষ্ঠানখনত উত্তৰ পূৱৰ প্ৰথম কৃত্ৰিম বুদ্ধিমত্তাসম্পন্ন শিক্ষয়িত্ৰী।
শ্ৰেণীকোঠাত সুন্দৰভাৱে ছাত্ৰ-ছাত্ৰীৰ সৈতে মত বিনিময় কৰে ৰবটগৰাকীয়ে। ছাত্ৰই হিম’গ্ল’বিন সম্পৰ্কে সোধাত সুন্দৰভাৱে তাৰ বৰ্ণনা কৰে। ৰবট তথা যন্ত্ৰমানৱীৰ সৈতে সহজভাৱে মিলি পৰিছে ছাত্ৰ-ছাত্ৰী সকল। বিভিন্ন বিষয়ে আলোচনা কৰে চাদৰ মেখেলা পিন্ধা ৰবট শিক্ষয়ত্ৰীৰ সৈতে।
প্ৰশ্ন সমূহ পাঠ্যক্ৰমৰ ভিতৰৰ হওক বা যিকোনো বিষয়ৰ ওপৰতে হওক, আইৰিচে তৎক্ষণাত উদাহৰণেৰে সৈতে উত্তৰ দিব পাৰে। ছাত্ৰ – ছাত্ৰীসকলে ৰবটৰ কৰমৰ্দনলৈকে কৰা কাৰ্যাৱলী ভালদৰে উপভোগ কৰিলে, যাৰ দ্বাৰা শিক্ষণ প্ৰক্ৰিয়া আনন্দময় আৰু ব্যস্ততাপূৰ্ণ হয়।
আইৰিচৰ কণ্ঠস্বৰ সংগত আৰু সংযতৰ ব্যৱস্থা আছে, যাৰ দ্বাৰা ছাত্ৰ – ছাত্ৰীৰ লগত ভাৱ বিনিময় কৰিবলৈ সুবিধা হৈছে। এই ৰবটটো ‘মেকাৰ লেবচ্ এডু টেক’ নামৰ সংস্থাটোৰ সহযোগত ‘অটল টিংকাৰিং লেব (ATL) প্ৰকল্পৰ অধীনত নীতি আয়োগে প্ৰস্তুত কৰি উলিয়াইছে।
আইৰিছৰ আগমনে এতিয়া শিক্ষাজগতত বিশেষ অৰিহনা যোগাব। গুৱাহাটী তথা অসমকে ধৰি উত্তৰ পূৰ্বাঞ্চলৰ শিক্ষা ব্যৱস্থাৰ বহুল পৰিৱৰ্তনৰ লগতে ছাত্ৰ – ছাত্ৰীৰ বাবে শিক্ষা গ্ৰহণ অধিক আকৰ্ষণীয়, মনোগ্ৰাহী কৰি তুলিব এই মানৱীযন্ত্ৰ আইৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
