বানপানী আৰু ভূমিস্খলন কিয় হ’ব, খঙতে ৩০ বিষয়াক মৃ/ ত্যু/ দ/ ণ্ড/ৰ শাস্তি
উত্তৰ কোৰিয়াৰ একনায়কত্ববাদী শাসক কিম জং উনে পুনৰবাৰ চূড়ান্ত বৰ্বৰতা প্ৰকশ কৰে। বান আৰু ভূমিস্খলনৰ পৰিস্থিতি চম্ভালিব নোৱাৰাৰ বাবে ৩০ জন বিষয়াক মৃত্যুদণ্ডৰ শাস্তি প্ৰদান কৰে। যোৱা মাহত এই আটাইকেইজন বিষয়াক একনায়কত্ববাদীৰ নিৰ্দেশত ফাঁচী দিয়া হৈছিল।
প্ৰতিবেদন অনুসৰি এই বিষয়াসকলে ভূমিস্খলনৰ পিছত বানাক্ৰান্ত অঞ্চলটোত মৃত্যুক ৰোধ কৰাত ব্যৰ্থ হৈছিল। উল্লেখ্য যে, দেশ খনত এই পৰ্যন্ত ভূমিস্খলন আৰু বানপানীৰ ফলত ১০০০ৰো অধিক লোকে প্ৰাণ হেৰুৱাইছে। এই বিষয়াসকলৰ বিৰুদ্ধে দুৰ্নীতি আৰু দায়িত্ব পালন নকৰাৰ অভিযোগো উত্থাপন হৈছিল।
সংবাদ মাধ্যমৰ খবৰ অনুসৰি উত্তৰ কোৰিয়াত বানে বিধ্বংসী ৰূপ ধাৰণ কৰিছে। ভূমিস্খলন আৰু বানে বিধ্বস্ত কৰিলে চাংগাং প্ৰদেশৰ কিছু অংশ। যাৰ বাবে বানপানীৰ ধ্বংসলীলা আৰু মৃত্যুত ক্ষুব্ধ হৈ কিম জং উনে একেলগে ৩০ জন বিষয়াক ফাঁচী দিছিল।
জুলাই মাহতে সংঘটিত হৈছিল এই ঘটনা। পাছে এতিয়াহে এই তথ্য দক্ষিণ কোৰিয়াৰ বহু সংবাদ মাধ্যমত প্ৰকাশ পাইছে। দক্ষিণ কোৰিয়াৰ মিডিয়া চেনেল চ’ছুন টিভিৰ প্ৰতিবেদন অনুসৰি উত্তৰ কোৰিয়াৰ বিষয়াসকলে কয় যে কিম জং উনে কঠোৰ শাস্তিৰ কথা কৈছিল। এই ক্ষতিৰ বাবে দায়ী বিষয়াসকলক ফাঁচী দিয়া হয়।
উত্তৰ কোৰিয়াৰ কেন্দ্ৰীয় সংবাদ সংস্থাই পূৰ্বে প্ৰকাশ কৰিছিল যে জুলাই মাহত হোৱা প্ৰচণ্ড বৰষুণৰ পিছত চাগাং প্ৰদেশত ভূমিস্খলন সংঘটিত হৈছিল। ইয়াৰ ফলত বহু অঞ্চলত বানপানীৰ সৃষ্টি হয়। ৪০০০ৰো অধিক ঘৰ বানত ক্ষতিগ্ৰস্ত হয়। বিধ্বংসী বানপানীৰ পিছত কমেও ১৫ হাজাৰৰো অধিক লোক গৃহহীন হৈ পৰিল কিম জং উনে বিষয়াসকলক কঠোৰ শাস্তি দিয়াৰ নিৰ্দেশ দিছিল।
অৱশ্যে উত্তৰ কোৰিয়াৰ একনায়কত্ববাদী ৰাষ্ট্ৰই বানপানীৰ বাবে অধিক সংখ্যক লোকৰ মৃত্যুৰ খবৰ নাকচ কৰিছে। উত্তৰ কোৰিয়াই বানপানীৰ ফলত মৃত্যু হোৱা লোকৰ অধিক সংখ্যাক ভুৱা উৰাবাতৰি বুলি অভিহিত কৰে। তেওঁ দক্ষিণ কোৰিয়াই উত্তৰ কোৰিয়াৰ আন্তঃৰাষ্ট্ৰীয় সুনাম ক্ষতিগ্ৰস্ত কৰিবলৈ এনে উৰাবাতৰি প্ৰচাৰ কৰাৰ অভিযোগ উত্থাপন কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
