অনলাইন জুৱাৰ নিচা, টকাৰ বাবেই দিল্লীৰ মেধাৱী যুৱতীৰ সৈতে কৰিলে ভাৱিব নোৱৰা ঘটনা, জীৱন শেষ কৰাতেই শান্ত নাথাকি কৰিলে এই ঘৃণনীয় কাম

দিল্লীত আই আৰ এছ অফিচাৰৰ মেধাৱী কন্যাক নৃশংসভাৱে ধৰ্ষণ আৰু হত্যাৰ ঘটনাক লৈ সমগ্ৰ দেশত চলিছে চৰ্চা৷ অভিযুক্ত যুৱক ৰাহুল মীনাক ইতিমধ্যেই দিল্লীৰ দ্বাৰকা এলেকাৰ এখন হোটেলৰ পৰা গ্ৰেপ্তাৰ কৰিছে আৰক্ষীয়ে৷ প্ৰাথমিক তদন্তত প্ৰকাশ পাইছে ভয়ংকৰ পৰিকল্পনাৰ কথা৷ য’ত লালসা, অনলাইন গেমৰ নিচা আৰু প্ৰতিহিংসা মিলি একাকাৰ হৈ পৰিছে৷

ঘটনাৰ সূত্ৰপাত বিগত মঙ্গলবাৰৰ নিশাৰ৷ যেতিয়া ৰাহুলে ৰাজস্থানৰ আলৱাৰত এগৰাকী বন্ধুৰ পত্নীক ধৰ্ষণ কৰে বুলি অভিযোগ উঠিছিল৷ ইয়াৰ পাছতেই নিজৰ মোবাইল ফোন ১০ হাজাৰ টকাত বিক্ৰি কৰে আৰু সেই টকাৰ ৬ হাজাৰ টকা দি কেব ভাড়া কৰে আৰু সেই কেবেৰে দিল্লীৰ উদ্দেশ্যে ৰাওনা হয়৷ ৰাহুলে যেতিয়া প্ৰায় ৮ মাহ পৰিচাৰকৰ কাম কৰিছিল তেতিয়া তাতো ধাৰ লৈ শোধ নকৰাৰ অভ্যাসৰ কাৰণে তাক কামৰ পৰা বাহিৰ কৰিও দিয়া হৈছিল৷

বুধবাৰে পুৱা যেতিয়া সমগ্ৰ চহৰ সাৰ পাইছিল৷ তেতিয়া নিজৰ নাৰকীয় পৰিকল্পনা বাস্তবায়িত কৰিবলৈ উপস্থিত হয় ৰাহুল৷ পৰিয়ালটোৰ দৈনন্দিন ৰুটিন তাৰ নখদৰ্পণত আছিল যি জানিছিল যে পুৱা প্ৰায় ৬বাজি ৩০ মিনিটত ঘৰৰ সকলো ব্যক্তি জিমলৈ যায়৷ চিচিটিভি ফুটেজত দেখা গৈছে ঠিক সেই সময়তেই সি কলনিত প্ৰৱেশ কৰে৷ জোতা ৰখাৰ ৰেকত লুকাই ৰখা চাবিৰে সি ঘৰৰ দুৱাৰ খুলি অনায়াসে ঘৰত সোমায়৷ তেওঁৰ মূল লক্ষ্য আছিল ছাদত থকা বিশেষ ৰিডিং ৰুমত প্ৰৱেশ কৰাটো৷ য’ত ২২ বছৰীয়া তৰুণীগৰাকীয়ে UPSC পৰীক্ষাৰ প্ৰস্তুতি চলাই পঢ়াশুনা কৰে৷

IIT দিল্লীৰ স্নাতক আৰু দ্বাদশ শ্ৰেণীৰ অল ইণ্ডিয়া টপাৰ সেই মেধাৱী ছাত্ৰীয়ে যেতিয়া পঢ়াশুনাত মগ্ন হৈ আছিল তেতিয়াই ৰাহুলে ঘৰত সোমাই তেওঁক ধৰ্ষণৰ চেষ্টা কৰে৷ বাধা দিয়াত এটা লেম্প আৰু ৰুমত থকা ভাৰী সামগ্ৰীৰে মূৰত আঘাত কৰি তেওঁক সংজ্ঞাহীন কৰি দিয়ে৷ ইয়াৰপাছতেই অচেতন যুৱতীৰ ওপৰত জপিয়াই পৰে ধৃত ৰাহুল৷ অচেতন যুৱতীক ধৰ্ষণো কৰে ৰাহুলে৷ তদন্তকাৰীসকলৰ মতে ৰাহুলৰ মূৰত কেৱল পাশৱিকতাই নহয়, জেদ আছিল আলমাৰিৰ লকাৰ খোলাৰ৷ কিন্তু লকাৰটো আছিল বায়োমেট্ৰিক চিষ্টেমৰ৷