প্ৰস্ৰাৱৰ সৈতে বগা স্ৰাৱ বা হোৱাইট ডিচছাৰ্জৰ সমস্যা বহু সময়ত পুৰুষৰ বাবে উদ্বেগৰ কাৰণ হৈ থিয় দিয়ে৷ সাধাৰণতে মহিলাসকলে এই সমস্যাত বেছিকৈ ভূগিলেও পুৰুষৰ ক্ষেত্ৰতো এই সমস্যা আহে৷ যি শৰীৰৰ কোনো গুৰুতৰ সমস্যাৰ লক্ষণ হব পাৰে৷ সেয়ে অৱহেলা নকৰি চিকিৎসকৰ পৰামৰ্শ লোৱা জৰুৰী৷ পুৰুষৰ ক্ষেত্ৰত এই সমস্যা সকলোসময়তে গুৰুতৰ নহলেও ইয়াৰ আঁৰত বেছ কিছু শাৰীৰিক কাৰণ থাকিব পাৰে৷ যেনে
STI বা যৌনবাহিত সংক্ৰমণঃ সকলোতকৈ সাধাৰণ কাৰণসমূহৰ মাজত এটা হৈছে ক্লেমাইডিয়া বা গনৰিয়াৰ দৰে সংক্ৰমণ৷ এই ধৰণৰ সংক্ৰমণৰ ফলত মূত্ৰনলীৰ পৰা বগা, হালধীয়া বা ঘোলা তৰল নিৰ্গত হব পাৰে৷ ইয়াৰ সৈতে প্ৰস্ৰাৱৰ সময়ত জ্বলাপোৰা কৰাৰ আশংকাও থাকে৷
প্ৰষ্টাটাইটিছ
প্ৰষ্টেট গ্ৰন্থিৰ প্ৰদাহ বা ইনফেকশ্ব্যন হ’লে প্ৰস্ৰাৱৰ সৈতে বগা তৰল নিৰ্গত হ’ব পাৰে৷ প্ৰষ্টাইটিছৰ লক্ষণ হৈছে তলপেটৰ বিষ, বাৰে বাৰে প্ৰস্ৰাৱৰ বেগ পোৱা আৰু প্ৰস্ৰাৱৰ শেষত বগা স্ৰাৱ নিৰ্গত হোৱাৰ দৰে লক্ষণে দেখা দিয়ে৷
UTI বা মূত্ৰনলীৰ সংক্ৰমণ
যদিও পুৰুষৰ UTI কম হয় তেতিয়া সংক্ৰমণ হলে প্ৰস্ৰাৱ ঘোলা হব পাৰে৷ সংক্ৰমণৰ কাৰণে পুঁজ নিৰ্গত হলে তাক বগা স্ৰাৱ বুলি ভ্ৰমো হ’ব পাৰে৷
ৰেট্ৰোগ্ৰেড ইজাকুলেছন
ই এনে এক অৱস্থা য’ত বীৰ্য লিংগৰে বাহিৰ নহয় মূত্ৰথলিলৈ যায়৷ পৰবৰ্তীকালত প্ৰস্ৰাৱ কৰাৰ সময়ত সেই বীৰ্য বগা তৰল হিচাপে বাহিৰলৈ ওলাই আহে৷ ই সাধাৰণতে ক্ষতিকৰ নহয়, প্ৰজন্ন ক্ষমতাৰ ওপৰতো প্ৰভাৱ পেলাব পাৰে৷
কেতিয়া চিকিৎসকৰ কাষলৈ যাব?
সকলো বগা স্ৰাৱেই ভয়ৰ কাৰণ নহয়৷ কেইটামান লক্ষণ থাকিলে দ্ৰুত চিকিৎসকৰ পৰামৰ্শ লোৱা উচিত৷ যেনে প্ৰস্ৰাৱৰ সৈতে দুৰ্গন্ধ থাকিলে যদি স্ৰাৱৰ ৰঙৰ পৰিবৰ্তন আহে যেনে তেজ মিহলি হৈ থকা, সেউজীয়া ভাৱ, অণ্ডকোষত বিষ বা ফোলাভাৱে দেখা দিয়ে৷ ঘনে ঘনে জ্বৰ বা পিঠিৰ তলত বিষ হয়৷
স্বাস্থ্য বিশেষজ্ঞই এই ধৰণৰ সমস্যা এৰাবলৈ কিছু সাধাৰণ নিয়ম মানি চলাৰ পৰামৰ্শ দিয়ে৷ যেনে
পৰ্যাপ্ত পানী পানঃ শৰীৰৰ পৰা টক্সিন বাহিৰ কৰি দিবলৈ প্ৰতিদিনে প্ৰচুৰ পানী পান কৰা জৰুৰী৷
সুৰক্ষিত যৌন মিলনঃ সংক্ৰমণ এৰাবলৈ সুৰক্ষামূলক মিলন কৰা উচিত৷
পৰিচ্ছন্নতাঃ যৌনাংগৰ পৰিচ্ছন্নতা বজায় ৰখা আৰু নিয়মিত পৰীক্ষা কৰা জৰুৰী৷
পুৰুষৰ প্ৰস্ৰাৱত বগা স্ৰাৱ ওলোৱা কোনো সাধাৰণ বিষয় নহয়৷ ই শৰীৰৰ আভ্যন্তৰীণ কোনো সমস্যাৰ সংকেত হব পাৰে৷ সেয়ে লজ্জা বা দ্বিধা নকৰি সঠিক সময়ত চিকিৎসকৰ পৰামৰ্শ লোৱা আৰু প্ৰয়োজনীয় পৰীক্ষা কৰোৱাটোৱেই বুদ্ধিমানৰ কাম৷ সঠিক সময়ত চিকিৎসা আৰম্ভ কৰিলে বহু জটিল সমস্যা দূৰ কৰা সম্ভৱ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
