অসম লাইভ২৪ঃ দহ উইকেটত ইংলেণ্ডৰ হাতত পৰাস্ত হৈ টি-২০ বিশ্বকাপৰ পৰা বিদায় মাগিছে ভাৰতে। ভাৰতৰ এই পৰাজয়বৰণৰ পিছতেই সামাজিক মাধ্যমত ভাৰতীয় ক্ৰিকেট দলক কটাক্ষ কৰি বিভিন্ন পষ্ট। এই কটাক্ষমূলক পষ্ট কেৱল নেটিজেনেই দিয়া নাই। শেহতীয়াভাৱে পাকিস্তানৰ প্ৰধানমন্ত্ৰী শ্বাহবাজ শ্বৰিফে কৰা এটা টুইট সামাজিক মাধ্যমত ভাইৰেল হৈ পৰিছে।
পাকিস্তানৰ দলটোৰ ভাল প্ৰদৰ্শনক লৈ সুখী হৈ পৰা প্ৰধানমন্ত্ৰীগৰাকীয়ে লিখিছে, ‘দেওবাৰে ফাইনেলত দুই দল মুখামুখি হ’ব। মুখামুখি হোৱা দুই দলৰ মাজত মিল এটাই দুয়োটা দলেই ১৫২/০ বনাম ১৭০/০।’ অৰ্থাৎ বিশ্বকাপৰ মঞ্চত ভাৰতক দহ উইকেটত পৰাস্ত কৰিছে ইংলেণ্ডে। নাম নোলোৱাকৈয়ে ভাৰতকেই এই টুইটেৰে কটাক্ষ কৰিছে পাকিস্তানৰ প্ৰধানমন্ত্ৰীয়ে বুলি দাবী কৰিছে নেটিজেনে।
২০২১ চনতো প্ৰথম মেচত ভাৰতৰ মুখামুখি হৈছিল পাকিস্তান। সেইবাৰো ভাৰতীয় বেটাৰক ধৰাশায়ী কৰিছিল পাকিস্তানৰ বলাৰে। সেইবাৰো চুপাৰ ১২ পৰ্যায়ৰ পৰা বিদায় লৈছিল ভাৰতে। এবছৰৰ অন্ততো ভাৰতীয় দলটোৱে খেলত উন্নতি কৰিব নোৱাৰিলে। প্ৰথমখন মেচত পাকিস্তানক হৰুৱাই সুখী হৈছিল ৰোহিত বাহিনী কিন্তু ছেমিফাইনেলত প্ৰৱেশ কৰিয়েই ধৰাশায়ী হ’ল টিম ব্লু। চাৰি অভাৰ বাকি থাকোতেই ১৭০ ৰান কৰে ইংলেণ্ডে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
