বৈদিক জ্যোতিষ অনুসৰি পঞ্চগ্ৰহী অত্যন্ত শুভ আৰু বিৰল যোগ৷ পাঁচটা গ্ৰহই এক ৰাশিত ওচৰাওচৰিকৈ অৱস্থান কৰিলে এই যোগ গঠিত হয়৷ আগন্তুক ২৩ ফেব্ৰুৱাৰীত শনিৰ ৰাশি কুম্ভত এই পঞ্চগ্ৰহী যোগ গঠিত হব৷ সূৰ্য, বুধ, শুক্ৰ, মঙ্গল আৰু ৰাহুৱে কুম্ভ ৰাশিত একেলগে গোচৰ কৰি গঠন কৰিব পঞ্চগ্ৰহী যোগ৷ জ্যোতিষ গণনাই কৈছে, শনিৰ ঘৰত এই পাঁচ গ্ৰহৰ মেলা লাভজনক হ’ব চাৰি ৰাশিৰ জাতকৰ বাবে৷ জানি থওক পঞ্চগ্ৰহী যোগৰ প্ৰভাৱত ভাগ্য খুলিব কাৰ কাৰ?
মেষ ৰাশি
২৩ ফেব্ৰুৱাৰীৰ পৰা ভাল সময় আৰম্ভ হৈছে মেষ ৰাশিৰ জাতকৰ জীৱনত৷ পাঁচ গ্ৰহৰ শুভ প্রভাৱত মেষৰ সন্মুখত উন্নতিৰ দুৱাৰ খুলিব৷ ডাঙৰ কোনো সিদ্ধান্ত লোৱাৰ পূৰ্বে সাৱধান হওক৷ দীৰ্ঘদিনৰ অসুখৰ পৰা মুক্তি পাব৷ কামৰ প্ৰতি আপোনাৰ আগ্ৰহ বাঢ়িব৷ কেৰিয়াৰত উন্নতি হব৷ জীৱনলৈ কিছু পজিটিভ পৰিবৰ্তন আহিব৷
সিংহ ৰাশি
পঞ্চগ্ৰহী যোগৰ শুভ প্ৰভাৱ পৰিব সিংহ ৰাশিত৷ এই সময় আপোনাৰ বাবে লাভজনক হব আৰু বেছ কিছু পুৰণি সমস্যাৰ সমাধান কৰিব পাৰে৷ আপুনি খং নিয়ন্ত্ৰণত ৰাখিব পাৰিলে লাভ আপোনাৰেই হব৷ অলপ ধৈৰ্য্য ধৰক৷ সূৰ্যৰ প্ৰভাৱত ব্যক্তিত্বৰ বিকাশ হব৷ চৰকাৰী কাম সম্পূৰ্ণ কৰিব পাৰে৷
কন্যা ৰাশি
পঞ্চগ্ৰহী যোগে কন্যা ৰাশিৰ জাতকৰ বাবে ভাল সময় আনিব৷ চাকৰিয়ালে উন্নতি কৰিব৷ ব্যৱসায়ীয়েও উল্লেখযোগ্য মুনাফা পাব৷ উন্নতিৰ নতুন পথ খুলি যাব৷ বাকী থকা কাম সম্পূৰ্ণ হব৷ পাবলগীয়া টকা উদ্ধাৰ হব৷ এই সময়ত আপোনাৰ মন শান্ত থাকিব আৰু কথাত মাধুৰ্য থাকিব৷
কুম্ভ ৰাশি
কুম্ভ ৰাশিৰ জাতকৰ বাবে পঞ্চগ্ৰহী যোগে লাভৰ নতুন পথ খুলিব৷ সকলো কামতে তেওঁলোকে সাফল্য পাব৷ পূৰ্বে কৰা পৰিশ্ৰমৰ সম্পূৰ্ণ সুফল লাভ কৰিব৷ আত্মবিশ্বাস বাঢ়িব৷ আৰ্থিক পৰিস্থিতি ভালে থাকিব৷ মন শান্ত কৰি বৃহৎ সিদ্ধান্ত ল’ব পাৰে৷ পৰিয়ালৰ সৈতে কোৱালিটি টাইম কটোৱাৰ সুযোগ পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
