ইতিহাস সৃষ্টি কৰি পেৰিছ পেৰা অলিম্পিকত ভাৰতে এইবাৰ জয় কৰে ৭টা সোণ, মুঠ কেইটা

ইতিহাস সৃষ্টি কৰি পেৰিছ পেৰা অলিম্পিকত ভাৰতে এইবাৰ জয় কৰে ৭টা সোণ, মুঠ কেইটা

২০২৪ পেৰিছ পেৰালিম্পিক গেমছ সম্পূৰ্ণ হৈছে। এই গেমছত ভাৰতৰ শেষ খেলুৱৈ আছিল পূজা ওঝা, যিয়ে মহিলাৰ কয়াক ২০০ মিটাৰ ফাইনেলত যোগ্যতা অৰ্জন কৰিব নোৱাৰি প্ৰতিযোগিতাৰ পৰা বাহিৰ হয়। ফলত ভাৰতৰ পদকৰ সংখ্যা ২৯টা পদকতে সমাপ্ত হয়। ইয়াৰ ভিতৰত আছিল ৭টা স্বৰ্ণ, ৯টা ৰূপ আৰু ১৩টা ব্ৰঞ্জৰ পদক। অলিম্পিক খেলত এতিয়ালৈকে ভাৰতৰ এইটোৱেই সৰ্বোত্তম প্ৰদৰ্শন। পেৰিছ পেৰালিম্পিকত ভাৰতে মুঠ ২৯টা পদকেৰে পদকৰ তালিকাত ১৮ নম্বৰ স্থানত থাকে।

আজি পেৰালিম্পিক গেমছ ২০২৪ৰ অন্তিম দিন। পদকৰ তালিকালৈ চালে প্ৰথম স্থানত আছে চীন। এই পৰ্যন্ত ২১৮টা পদক লাভ কৰিছে য’ত ৯৪টা সোণ, ৭৩টা ৰূপ আৰু ৪৯টা ব্ৰঞ্জৰ পদক আছে। এই তালিকাত গ্ৰেট ব্রিটেইন দ্বিতীয় স্থানত আছে, যিয়ে ৪৮টা সোণ, ৪৩টা ৰূপ আৰু ৩১টা ব্ৰঞ্জৰ পদক লাভ কৰি মুঠ ১২২টা পদক লাভ কৰিছে। আমেৰিকাই এতিয়ালৈকে ১০৩টা পদক লাভ কৰি তৃতীয় স্থানত আছে। ৩৬টা স্বৰ্ণ, ৪১টা ৰূপ আৰু ২৫টা ব্ৰঞ্জৰ পদক লাভ কৰিছে আমেৰিকাই।

পেৰিছ পেৰালিম্পিক ২০২৪ত ভাৰতৰ পদক বিজয়ীৰ তালিকা:
১) মহিলাৰ ১০ মিটাৰ এয়াৰ ৰাইফল অৱনী লেখাৰা – স্বৰ্ণ

২) মহিলাৰ ১০ মিটাৰ এয়াৰ ৰাইফল মোনা আগৰৱাল – ব্ৰঞ্জ

৩) মহিলাৰ ১০০ মিটাৰ টি৩৫ এথলেটিকছ প্ৰীতি পাল – ব্ৰঞ্জ

৪) পুৰুষৰ ১০ মিটাৰ এয়াৰ পিষ্টল SH1 (শ্বুটিং)ত মনীষ নৰৱাল – ৰূপ

৫) মহিলাৰ ১০ মিটাৰ এয়াৰ পিষ্টল এছ এইচ ১ (শ্বুটিং)ত ৰুবিনা ফ্ৰান্সিছ – ব্ৰঞ্জ

৬) মহিলাৰ ২০০ মিটাৰ টি৩৫ (এথলেটিকছ)ত প্ৰীতি পাল – ব্ৰঞ্জ

৭) পুৰুষৰ হাই জাম্প T47 (এথলেটিকছ)ত নিশাদ কুমাৰ – ৰূপ

৮) পুৰুষৰ ডিস্কছ থ্ৰ’ F56 (এথলেটিকছ)ত যোগেশ কথুনিয়া – ৰূপ

৯) পুৰুষৰ একক SL3 (বেডমিণ্টন)ত নিতেশ কুমাৰ – স্বৰ্ণ

১০) মহিলাৰ একক SU5 (বেডমিণ্টন)ত থুলাচিমাথি মুৰুগেছান – ৰূপ

১১) মহিলা একক SU5 (বেডমিণ্টন)ত মনীষা ৰমদাস – ব্ৰঞ্জ

১২) পুৰুষৰ একক SL4 (বেডমিণ্টন)ত সুহাস যথিৰাজ – ৰূপ

১৩) মিক্সড টিম চৌহদত ৰাকেশ কুমাৰ / শীতল দেৱী মুকলি (আৰ্চাৰী) – ব্ৰঞ্জ

১৪) পুৰুষৰ জেভেলিন থ্ৰ’ এফ৬৪ (এথলেটিকছ)ত ছামিট এন্টিল – সোণ

১৫) মহিলা একক শাখাত নিত্য শ্রে শিৱন SH6 (বেডমিণ্টন) – ব্ৰঞ্জ

১৬) মহিলাৰ ৪০০ মিটাৰ টি-২০ (এথলেটিকছ)ত দীপ্তি জীৱনজী – ব্ৰঞ্জ

১৭) পুৰুষৰ জেভেলিন এফ৪৬ (এথলেটিকছ)ত সুন্দৰ সিং গুৰ্জাৰ – ব্ৰঞ্জ

১৮) পুৰুষৰ জেভেলিন এফ৪৬ (এথলেটিকছ)ত অজিত সিং – ৰূপ

১৯) পুৰুষৰ হাই জাম্প টি৬৩ (এথলেটিকছ)ত মৰিয়াপ্পান থাংগাভেলু – ব্ৰঞ্জ

২০) পুৰুষৰ হাই জাম্প টি৬৩ (এথলেটিকছ)ত শাৰদ কুমাৰ – ৰূপ

২১) পুৰুষৰ শ্বট পুট এফ৪৬ (এথলেটিকছ)ত শচীন খিলাৰী – ৰূপ

২২) পুৰুষৰ ব্যক্তিগত ৰিকাৰ্ভ (আৰ্চাৰী)ত হৰবিন্দৰ সিং – সোণ

২৩) পুৰুষৰ ক্লাবত থ্ৰ’ ৫১ (এথলেটিকছ) ধৰমবীৰ – স্বৰ্ণ

২৪) পুৰুষৰ ক্লাবত থ্ৰ’ ৫১ (এথলেটিকছ) প্ৰণৱ সূৰ্মা- ৰূপ

২৫) কপিল পৰমাৰ জুডো পুৰুষৰ – ৬০ কেজি (জুডো) – ব্ৰঞ্জ

২৬) প্ৰবীণ কুমাৰ টি৬৪ হাই জাম্প (এথলেটিকছ) – স্বৰ্ণ

২৭) পুৰুষৰ শ্বট পুট এফ৫৭ (এথলেটিকছ)ত হোকাটো চেমা – ব্ৰঞ্জ

২৮) মহিলাৰ ২০০ মিটাৰ টি ১২ (এথলেটিকছ)ত ছিমৰন সিং – ব্ৰঞ্জ

২৯) পুৰুষৰ জেভেলিন এফ৪১ (এথলেটিকছ)ত নৱদীপ সিং – স্বৰ্ণ

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ