এখন উৰন্ত বিমানৰ ভিতৰতে এজন যাত্ৰী এগৰাকী এয়াৰ হোষ্টেজক প্ৰচণ্ড ঘোচাৰে আক্ৰমণ কৰা এটা ভিডিঅ’ সামাজিক মাধ্যমত ভাইৰেল হৈ পৰিছে৷ ভাইৰেল হোৱা ভিডিঅ’টো আমেৰিকান এয়াৰলাইন্সৰ এখন বিমানত সংঘটিত হোৱা ঘটনা বুলি জানিব পৰা গৈছে৷
এফ বি আইৰ মতে বিমানখন লছ এঞ্জেলছত অৱতৰণ কৰাৰ পাছতে আক্ৰমণকাৰী যাত্ৰীগৰাকীক গ্ৰেপ্তাৰ কৰা হয়৷
ঘটনাৰ বিৱৰণীৰ অনুসৰি বুধবাৰে মেক্সিকোৰ ছান জোছ ডেল কেব’ৰ পৰা লছ এঞ্জেলছ অভিমুখে আমেৰিকান এয়াৰলাইন্সৰ ৩৭৭ বিমানখনে যাত্ৰা কৰিছিল৷ ভাইৰেল হোৱা ভিডিঅ’টোত দেখা গৈছে যে আইলেণ্ডত খোজকাঢ়ি যোৱা এজন বিমান পৰিচাৰকক এজন যাত্ৰী আসনৰ পৰা উঠি গৈ ডিঙি আৰু মূৰত প্ৰচণ্ড ঘোচা শোধায়৷
ভিডিঅ’টো চাবলৈ তলৰ লিংকত ক্লীক কৰক —
Violence in the air: a friend was travelling from Cabo to LAX, when a passenger hit a flight attendant for not letting use him the first class bathroom. He was later restrained by other passengers and arrested upon touchdown. The video shot was by Barrie Livingstone pic.twitter.com/PntVqWyWs9
— Saad Mohseni (@saadmohseni) September 22, 2022
লগতে পঢ়ক বেংকিং খণ্ডত চাকৰিৰ সোণালী সুযোগ, SBIত প্ৰায় ১৭ শ পদত দিয়া হ’ব নিযুক্তি
জানিব পৰা মতে পৰিচাৰকগৰাকীয়ে যাত্ৰীজনক বিমানখনৰ প্ৰথম শ্ৰেণীৰ কেবিনৰ প্ৰস্ৰাৱগাৰ ব্যৱহাৰ কৰাত বাধা প্ৰদান কৰাত তেওঁ ক্ষুব্ধ হৈ এই আক্ৰমণ সংঘটিত কৰে।
উল্লেখযোগ্য যে শেহতীয়াকৈ বিমান সংস্থাৰ কেবিন ক্ৰু সদস্যসকলৰ ওপৰত একাধিক হিংসাত্মক ঘটনা সংঘটিত হৈছে। ইয়াৰ পূৰ্বে এগৰাকী বৃদ্ধই এগৰাকী বিমান পৰিচাৰিকাক মদ পৰিবেশন কৰিবলৈ অস্বীকাৰ কৰাত চৰ মাৰি দিয়াৰ খবৰ আহিছিল। পিছত আৰক্ষীয়ে এই হিংসাত্মক কাৰ্যৰ বাবে সত্তৰ বছৰীয়া যাত্ৰীগৰাকীক গ্ৰেপ্তাৰো কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
