কাইলৈ ৭ম পৰ্যায়ৰ নিৰ্বাচন, মোদীৰ পৰা কংগনালৈ বহু কেইগৰাকী আছে বিশেষ প্ৰাৰ্থী
কাইলৈ ১ জুন তাৰিখে দেশত অনুষ্ঠিত হবলৈ গৈ আছে ৭ম পৰ্যায়ৰ তথা অন্তিম পৰ্যায়ৰ নিৰ্বাচন। সেই উদ্দেশ্যেই ইতিমধ্যে পুলিং বিষয়া সকল ৰাওনা হৈছে নিজ নিজ সমষ্টিলৈ বুলি কৰ্তব্যৰ খাতিৰত। পুলিং বুথ সমুহো প্ৰস্তুত কৰা হৈছে অন্তম পৰ্যায়ৰ ভোটদানৰ বাবে।
দেশৰ মুঠ ৮ খন ৰাজ্য আৰু কেন্দ্ৰীয় শাসিত অঞ্চলত নিৰ্বাচন অনুষ্ঠিত হব। লগতে মুঠ ৫৭খন আসনৰ বাবে যুঁজ হব।
১) বিহাৰঃ ৪০ খন আসনৰ ভিতৰত ৮ খন আসন
২) হিমাচল প্ৰদেশঃ চাৰিটা সমষ্টিৰ ভিতৰত চাৰিটা সমষ্টি
৩) ঝাৰখণ্ডঃ ১৪টা সমষ্টিৰ ভিতৰত তিনিটা সমষ্টি
৪) ওড়িশাঃ ২১খন আসনৰ ভিতৰত ৬খন আসন
৫) পঞ্জাৱঃ ১৩খন আসনৰ ভিতৰত ১৩খন আসন
৬) উত্তৰ প্ৰদেশঃ ৮০টা সমষ্টিৰ ভিতৰত ১৩টা সমষ্টি
৭) পশ্চিম বংগঃ ৪২ খন আসনৰ ভিতৰত ৯ খন আসন
৮) চণ্ডীগড়ঃ এটা সমষ্টি
এই ৮ খন ৰাজ্যৰ ৫৭ খন আসনৰ প্ৰাৰ্থী সকলৰ মাজত বৰ্তমানে সবাতোকৈ উল্লেখযোগ্য প্ৰাৰ্থী হৈছে প্ৰধানমন্ত্ৰী নিজেই। ইয়াৰ উপৰিও আছে বলীউডৰ অন্যতম জনপ্ৰিয় তাৰকা কংগনা ৰানাৱট। ইয়াৰ লগতে আছে অন্য কেইবাগৰাকী হাইপ্ৰফাইল নেতা।
বাৰাণসী- তৃতীয় কাৰ্যকাল নিশ্চিত কৰাৰ লক্ষ্যৰে বাৰাণসীৰ পৰা লোকসভা নিৰ্বাচনত প্ৰতিদ্বন্দ্বিতা কৰিব প্ৰধানমন্ত্ৰী নৰেন্দ্ৰ মোদীয়ে। মোডীৰ উপৰিও উত্তৰ প্ৰদেশ কংগ্ৰেছৰ মুৰব্বী অজয়ৰায়কে ধৰি বাৰাণসীৰ পৰা ৬ গৰাকী প্ৰতিযোগীয়ে যুঁজিব।
কলকাতা- পশ্চিম বংগৰ ৰাজধানী চহৰখনত দুটা লোকসভা সমষ্টি আছে – কলকাতা উত্তৰ আৰু কলকাতা দক্ষিণ, দুয়োটা সমষ্টি মমতা বেনাৰ্জী নেতৃত্বাধীন তৃণমূল কংগ্ৰেছৰ।
মণ্ডী- বিজেপিৰ টিকটত মণ্ডী লোকসভাৰ আসনত প্ৰতিদ্বন্দ্বিতা কৰিব অভিনেত্ৰীৰ পৰা ৰাজনীতিৰ পথাৰত খোজ দিয়া কংগনা ৰানাৱটে। কংগ্ৰেছৰ প্ৰাৰ্থী বিক্ৰমাদিত্য সিঙৰ মুখামুখি হ’ব ৰানাৱটে। ছয়বাৰৰ হিমাচল প্ৰদেশৰ প্ৰাক্তন মুখ্যমন্ত্ৰী বীৰভদ্ৰ সিঙৰ পুত্ৰ বিক্ৰমাদিত্য সিং।
পাটনা চাহাব- বিজেপিৰ জ্যেষ্ঠ নেতা তথা বৰ্তমানৰ সাংসদ ৰবি শংকৰ প্ৰসাদে নিজৰ সমষ্টিটো অক্ষুণ্ণ ৰাখিবলৈ যুঁজিব। ইফালে কংগ্ৰেছে লোকসভাৰ প্ৰাক্তন অধ্যক্ষ মীৰা কুমাৰৰ পুত্ৰ অংশুল অবিজিতক প্ৰক্ষেপ কৰিছে।
হামিৰপুৰ- বর্তমান সাংসদ তথা কেন্দ্রীয় মন্ত্রী অনুৰাগ ঠাকুৰে হামিৰপুৰ লোকসভাৰ আসনখন ধৰি ৰখাৰ আশাত প্রতিদ্বন্দ্বিতা কৰিব৷ কংগ্ৰেছৰ প্ৰাৰ্থী তথা হিমাচলৰ মুখ্যমন্ত্ৰী সুখবিন্দৰ সিং চুখুৰ ঘনিষ্ঠ আত্মবিশ্বাসী সাতপল ৰাইজাদাৰ বিৰুদ্ধে নিৰ্বাচনী যুঁজৰ সন্মুখীন হ’ব।
খাদূৰ চাহাব- জেইলড ৱাৰিছ পঞ্জাব দেৰ মুৰব্বী অমৃতপাল সিঙে খাদূৰ চাহাবৰ পৰা নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰিব। আম আদমি পাৰ্টি, কংগ্ৰেছ, বিজেপি আৰু আকালি দলেও কোনো মিত্ৰতা নোহোৱাকৈ প্ৰতিদ্বন্দ্বিতা কৰিছে।
ময়ুৰভঞ্জ- জনজাতি প্ৰধান আসন ময়ুৰভঞ্জ হৈছে বিজেপি নেতৃত্বাধীন এন ডি এৰ সভাপতি পদৰ প্ৰাৰ্থী ৰাষ্ট্ৰপতি দ্ৰৌপদী মুৰ্মুৰ দুৰ্গ। এই সমষ্টিৰ অন্তৰ্গত উপৰবেদা গাঁৱৰ বাসিন্দা মুৰ্মু। বৰ্তমান এই আসনখন বিজেপিৰ দখলত আছে আৰু ওড়িশাৰ শাসকীয় দল – বিজু জনতা দল আৰু ঝাৰখণ্ড মুক্তি মৰ্চাৰ বিৰুদ্ধে এই আসনখন ধৰি ৰাখিবলৈ যুঁজিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
