এখন বিশেষ বিবাহ, যি বিবাহে গঢ়িলে বিশ্ব অভিলেখ, বিবাহখনৰ বিষয়ে জানিলে আপুনিও আচৰিত হ’ব
প্ৰেম অন্ধ, প্ৰেমে নামানে জাতি-কুল, প্ৰেমে নামানে বয়স। তেনেই এক প্ৰেমে এইবাৰ সমগ্ৰ বিশ্বৰে দৃষ্টি কাঢ়িছে। কেৱল প্ৰেমেই নহয়, বিশেষ কথাটো হ’ল এই বিবাহে গিনিজ বুক অৱ ৱৰ্ল্ড ৰেকৰ্ডতো স্থান লাভ কৰিছে।
এই বিশেষ বিবাহ ফিলাডেলফিয়াৰ। য’ত এহাল দম্পতীয়ে সকলো সামাজিক নীতি-নিয়ম ভংগ কৰি জীৱনৰ শেষ সময়ত কাৰোবাৰ প্ৰেমত পৰাই নহয়, বিয়া হৈ ইজনে সিজনক জীৱন সংগী কৰি লৈছে। এইহাল দম্পতীৰে বয়সে এতিয়া বিশ্ব অভিলেখ কৰিছে। কিয়নো দৰাৰ বয়স ১০০ আৰু কইনাৰ বয়স ১০২ ।
ফিলাডেলফিয়াৰ এইহাল দম্পতীয়ে গিনিজ বুক অৱ ৱৰ্ল্ড ৰেকৰ্ডত নিজৰ নাম পঞ্জীয়ন কৰিছে আটাইতকৈ বয়সীয়াল নৱবিবাহিত দম্পতী হিচাপে। চলিত বৰ্ষতে ১০০ বছৰীয়া বাৰ্নি লিটমেনে ৯ বছৰীয়া প্ৰেমৰ অন্তত প্ৰেমিকা মাৰ্জাৰী (১০২ বছৰ)ৰ সৈতে বিবাহপাশত আবদ্ধ হয়। ৩ ডিচেম্বৰত দুয়োৰে নাম গিনিজ বুক অৱ ৱৰ্ল্ড ৰেকৰ্ডত আটাইতকৈ বয়সীয়াল নৱবিবাহিত দম্পতী হিচাপে পঞ্জীয়ন কৰা হয়। দুয়োৰে মুঠ বয়স ২০২ বছৰ।
১০০ বছৰীয়া বাৰ্নি লিটমেনে ১০২ বছৰীয়া মাৰ্জাৰীক লগ পাইছিল এটা জ্যেষ্ঠ লোকৰ সন্মিলনত। এই প্ৰেম কাহিনীটো আৰম্ভ হৈছিল প্ৰায় ৯ বছৰ পূৰ্বে সেই জ্যেষ্ঠ সন্মিলনত। দুয়ো প্ৰথম লগ পোৱাৰ পাছত এক পাৰ্টিত ইজনে সিজনৰ প্ৰেমত পৰিছিল আৰু সময়ৰ লগে লগে তেওঁলোকৰ সম্পৰ্ক অধিক গাঢ় হৈ উঠিছিল। তেওঁলোকৰ সম্পৰ্কক আৰু এখোজ আগুৱাই লৈ গৈ দম্পতীহালে অৱশেষত ২০২৪ চনৰ মে’ মাহত বিবাহপাশত আবদ্ধ হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
