প্ৰায় এটা সপ্তাহ ধৰি অস্থিৰ হৈ আছে পাকিস্তানৰ ৰাজনীতি৷ পতনৰ আশংকাত আছে প্ৰধানমন্ত্ৰী ইমৰাণ খানৰ চৰকাৰ৷
ইতিমধ্যে পাকিস্তানৰ সংসদত বিৰোধী নেতা শ্বেহবাজ শ্বৰীফে ইমৰাণ খানৰ চৰকাৰৰ বিৰুদ্ধে অনাস্থা প্ৰস্তাৱ উত্থাপন কৰিছে৷ সংসদৰ অধ্যক্ষই অহা ৩১ মাৰ্চত ইমৰাণ খানৰ চৰকাৰৰ বিৰুদ্ধে উত্থাপন কৰা অনাস্থা প্ৰস্তাৱ সন্দৰ্ভত বিতৰ্কৰ আহ্বান কৰাৰ লগতে সন্ধিয়া ৪ বজাত ভোটদান অনুষ্ঠিত কৰিব৷
পাকিস্তানৰ সংবাদ মাধ্যমৰ অনুসৰি বিৰোধী শিবিৰত ২১০ জনকৈও অধিক সাংসদ আছে৷ ৩৭৩ জনীয়া পাকিস্তানৰ সংসদত চৰকাৰৰ টিকি থাকিবলৈ সদস্যৰ সংখ্যা লাগে ১৭২৷ অৰ্থাৎ ইমৰাণ খানৰ চৰকাৰ বৰ্তি থাকিবলৈ ১৭২ গৰাকী সদস্যৰ সমৰ্থন লাগিব৷ বিৰোধীৰ মতে ইমৰাণ খানৰ সমৰ্থনত ১৭২ গৰাকী সদস্য নাই৷
লগতে পঢ়ক হত্যা নে আত্মহত্যা! হাত-চকু বন্ধা অৱস্থাত যুৱকৰ অৰ্গধলিত মৃতদেহ উদ্ধাৰ
অনাস্থা প্ৰস্তাৱত ইমৰাণ খানে ১৭২ গৰাকীৰ সদস্যৰ সমৰ্থন লাভ নকৰিলে তেওঁৰ চাৰিবছৰীয়া চৰকাৰখন পতন ঘটাটো একপ্ৰকাৰে নিশ্চিত৷
ইয়াৰ পিছতে পাকিস্তানৰ বিৰোধী নেতা শ্বেহবাজ শ্বৰীফে এক অবিশ্বাস্য অভিযোগ উত্থাপন কৰিছে৷ বিৰোধী নেতাগৰাকীৰ মতে ইমৰাণ খানৰ চৰকাৰখন ৰক্ষা কৰিবলৈ খানৰ পত্নী বুশ্ৰা বিবিয়ে বিশেষ পদক্ষেপ গ্ৰহণ কৰিছে৷
বিৰোধী নেতা শ্বৰীফৰ মতে পত্নী বুশ্ৰা বিবিয়ে নিজৰ ক’লা যাদু আৰু জিন ব্যৱহাৰ কৰি ইমৰাণ খানৰ চৰকাৰখন ৰক্ষা কৰিবলৈ চেষ্টা কৰিছে৷ ইয়াৰ বাবে প্ৰধানমন্ত্ৰী ইমৰাণ খানৰ পত্নীয়ে কে’বাটনো কুকুৰাৰ মাংস নিজৰ ঘৰত মজুত ৰাখিছে৷ আনকি বহু কুকুৰা চৰাই জ্বলাই দিয়াও হৈছে৷
লগতে পঢ়ক কেন্দ্ৰৰ মতে হিন্দুসকলেও দেশত সংখ্যালঘুৰ মৰ্যাদা লাভ কৰিব পাৰে! কিন্তু কেনেকৈ?
উল্লেখ্য যে ইৰমাণ খানৰ পত্নী বুশ্ৰা বিবিৰ দুটাকৈ জিন আছে বুলিও দাবী কৰিছে শ্বেহবাজ শ্বৰীফে৷ শ্বৰীফৰ মতে এই জিন দুটাক ইমৰাণ খানৰ চৰকাৰ ৰক্ষা কৰিবলৈ পত্নী বুশ্ৰাই ব্যৱহাৰ কৰিছে৷
উল্লেখ্য যে বুশ্ৰা বিবি হৈছে প্ৰধানমন্ত্ৰী ইমৰাণ খানৰ তৃতীয় পত্নী৷ ক’লা যাদুত পাৰদৰ্শিতা থকা বুলিও বিভিন্ন সময়ত চৰ্চা লাভ কৰা বুশ্ৰা বিবিয়ে প্ৰধানমন্ত্ৰী ইমৰাণ খানৰ সৈতে বিবাহপাশত আৱদ্ধ হোৱাৰ পিছতে পাকিস্তানত সঘন উচ্চাৰিত নাম হৈ উঠিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
