বিজেপি নেতৃত্বাধীন এনডিএৰ আঠ বছৰ দেশৰ সুষম উন্নয়ন, সামাজিক ন্যায় আৰু সামাজিক সুৰক্ষাৰ বাবে উৎসৰ্গিত কৰা হৈছে বুলি শুকুৰবাৰে প্ৰধানমন্ত্ৰী নৰেন্দ্ৰ মোদীয়ে দাবী কৰিছে৷ ২০১৪ চনৰ পিছত চৰকাৰৰ সুশাসনৰ ওপৰত জনসাধাৰণৰ বিশ্বাস পুনৰ ঘূৰাই অনা হৈছে।
জয়পুৰত অনুষ্ঠিত বিজেপিৰ ৰাষ্ট্ৰীয় বিষয়ববীয়া সভাত ভিডিঅ’ কনফাৰেন্সিঙৰ জৰিয়তে সম্বোধন কৰি প্ৰধানমন্ত্ৰী নৰেন্দ্ৰ মোদীয়ে এইদৰে কয়৷
দলৰ নেতা-কৰ্মীসকলক চৰকাৰৰ কল্যাণমূলক ব্যৱস্থাৰ পৰা যাতে কোনো দৰিদ্ৰ, যোগ্য হিতাধিকাৰীক অন্যায়ভাৱে বাদ পৰি নাযায় তাৰ বাবে এক অভিযান আৰম্ভ কৰিবলৈও আহ্বান জনায় প্ৰধানমন্ত্ৰী মোদীয়ে।
লগতে পঢ়ক মহাবিস্ফোৰণ! নিজৰ মহিলা কৰ্মচাৰীক যৌন নিৰ্যাতন বিশ্বৰ ধনী ব্যক্তি এলন মাস্কৰ!
‘‘এই মাহত এনডিএ চৰকাৰে ৮ বছৰ সম্পূৰ্ণ কৰিব। এই আঠ বছৰ হৈছে সংকল্প আৰু সাফল্যৰ। এই আঠ বছৰ সেৱা, সুশাসন আৰু দৰিদ্ৰসকলৰ কল্যাণৰ বাবে প্ৰতিশ্ৰুতিবদ্ধ হৈ আছে।’’ প্ৰধানমন্ত্ৰী মোদীয়ে কয়৷
প্ৰধানমন্ত্ৰী মোদীয়ে লগতে কয় যে ক্ষুদ্ৰ কৃষক, শ্ৰমিক আৰু মধ্যবিত্ত শ্ৰেণীৰ আশা-আকাংক্ষা পূৰণৰ বাবে ৮ বছৰ উছৰ্গা কৰা হৈছে। এই আঠ বছৰ মাতৃ, কন্যা আৰু ভগ্নীসকলৰ সবলীকৰণৰ বাবে উৎসৰ্গিত কৰা হৈছে।
আজি বিশ্বই ভাৰতক বহুত আশাৰে চাই আছে বুলি দাবী কৰি প্ৰধানমন্ত্ৰী মোদীয়ে কয় যে ভাৰততো বিজেপিৰ প্ৰতি জনসাধাৰণৰ এক বিশেষ মৰম আছে। দেশবাসীয়ে বিজেপিক অতি বিশ্বাস আৰু আশাৰে চাইছে।
লগতে পঢ়ক সাৱধান হওক, যৌন সম্পৰ্কৰ দ্বাৰাও সংক্ৰমিত হ’ব পাৰে মাংকি পক্স!
২০১৪ চনৰ পিছত বিজেপিয়ে মানুহক হতাশাৰ পৰা উলিয়াই আনিলে আৰু আজি মানুহ আকাংক্ষাৰে ভৰি আছে বুলি প্ৰধানমন্ত্ৰীয়ে কৈ কয় যে ‘‘দেশবাসীৰ এই আশা আৰু আকাংক্ষাই আমাৰ দায়িত্ব বৃদ্ধি কৰিছে।’’
স্বাধীনতাৰ ৭৫ সংখ্যক বৰ্ষত দেশখনে আগন্তুক ২৫ বছৰৰ বাবে লক্ষ্য নিজৰ বাবে নিৰ্ধাৰণ কৰি আছে বুলি উল্লেখ কৰি তেওঁ উল্লেখ কৰি কয় যে এই সময়ত বিজেপিয়ে আগন্তুক ২৫ বছৰৰ লক্ষ্য নিৰ্ধাৰণ কৰি তাৰ বাবে নিৰন্তৰভাৱে কাম কৰাৰ সময়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
