সঞ্জয়ক কেতিয়াৰ পৰা চিনি পায়? সঞ্জয়ৰ সৈতে যোগাযোগ আছেনে? প্ৰশ্ন কৰিছে সংবাদমাধ্যমে৷ কেমেৰা দেখা মাত্ৰকে দৌৰ দিলে ASIয়ে৷ ঘটনা পশ্চিমবংগৰ৷ আৰ জি কৰ কাণ্ডৰ ধৃত সঞ্জয়ৰ ঘনিষ্ঠ এই আৰক্ষী বিষয়া বুলি বহু সূত্ৰই দাবী কৰি আহিছে৷ CBIয়েও মঙলবাৰে তেওঁক সোধপোছ কৰিছে৷ এই সংবাদ মাধ্যমৰ কেমেৰা দেখি লৰ ধৰা আৰক্ষী বিষয়াৰ নাম অনুপ দত্ত৷
আৰ জি কৰ হাস্পতালত চিকিৎসক হত্যাৰ ঘটনাত এতিয়ালৈকে কেৱল এজনকেই গ্ৰেপ্তাৰ কৰা হৈছে৷ ধৃত সঞ্জয় ছিভিক ভলণ্টিয়াৰ হিচাপে কাম কৰিছিল বুলি জনা গৈছে৷ আনকি কলকাতা আৰক্ষীৰ চতুৰ্থ বেটেলিয়ানলৈ সঘনাই আহ যাহো কৰিছিল সঞ্জয়ে৷ বেছ কিছু আৰক্ষীৰ সৈতে তেওঁৰ উঠাবহা আছিল বুলি বিভিন্ন সূত্ৰই প্ৰকাশ কৰিছে৷
ধৃত সঞ্জয়ৰ বিষয়ে জানিবলৈ এইবাৰ আৰক্ষী অধিকাৰিকো মাতিছে চিবিআইয়ে৷ প্ৰতিদিনেই এই ঘটনাৰ তদন্তত একাধিক ব্যক্তিক সোধপোছ কৰি আছে CBIয়ে৷ মঙলবাৰেও বিয়লীৰ সময়ত এগৰাকী আৰক্ষীৰ ষ্টিকাৰ লগোৱা বাহন চিবিআই দপ্তৰৰ সন্মুখত পোৱা গৈছে৷ সেই বাহনৰ পৰা নমা দেখা গৈছিল আৰক্ষী বিষয়া অনুপ দত্তত৷ তেওঁক দেখিয়েই আগুৱাই গৈছিল সংবাদ মাধ্যমৰ কৰ্মীসকল৷ সঞ্জয় সম্বন্ধীয় কেইবাটাও প্ৰশ্ন কৰা হৈছিল অনুপ দত্তক৷ কিন্তু প্ৰশ্ন শুনা মাত্ৰকে দৌৰ দিয়ে আৰক্ষী বিষয়া অনুপে৷ সঞ্জয়ক জেৰা থকাই চলাৰ মাজতেই এইসকলকো প্ৰশ্ন কৰি আছে আৰক্ষীয়ে৷
সূত্ৰৰ খবৰ অনুসৰি ২০১৯ চনত ছিভিক ভলণ্টিয়াৰৰ কামত যোগ দিছিল সঞ্জয়ে৷ ছিভিক ভলণ্টিয়াৰ হৈয়ো সঞ্জয় বেছ প্ৰভাৱশালী আছিল বুলি অভিযোগ তুলিছে বহুতেই৷ ধৃত সঞ্জয়ৰ ওপৰিও এই অপৰাধৰ সৈতে আৰু কোন কোন জড়িত সেই তদন্ত কৰিছে CBIয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
