কেন্দ্ৰীয় পেট্ৰ’লিয়াম আৰু প্ৰাকৃতিক গেছ ৰাজ্যিক মন্ত্ৰী ৰামেশ্বৰ তেলীৰ এক অনুষ্ঠান Zoom মিটিঙৰ আইডিৰে সামাজিক মাধ্যমত সম্প্ৰচাৰ কৰাৰ সময়ত তেওঁৰ পিছফালৰ স্ক্ৰীণত প’ৰ্ণগ্ৰাফী ম’ভীৰ ক্লীপ প্ৰদৰ্শন হোৱা কাণ্ডক গুৰুত্বসহকাৰে লৈছে তিনিচুকীয়া আৰক্ষীয়ে৷
ইতিমধ্যে আৰক্ষীয়ে অনুষ্ঠানটোৰ প্ৰজেক্টৰ অ’পাৰেটৰগৰাকীক আটক কৰি সমগ্ৰ ঘটনাটোৰ অনুসন্ধান আৰম্ভ কৰিছে৷
উল্লেখ্য যে অসম চৰকাৰৰ শ্ৰম মন্ত্ৰী সঞ্জয় কিষাণ, নীতি আয়োগৰ সদস্য ডঃ ভি কে ছাৰাছৱট, ভাৰতীয় তেল নিগমৰ অধ্যক্ষ এছ এম বৈদ্য, আছাম পেট্ৰ’কেমিকেলছ লিমিটেডৰ অধ্যক্ষ বিকুল ডেকা উপস্থিত থকা উক্ত অনুষ্ঠানত কেন্দ্ৰীয় মন্ত্ৰী ৰামেশ্বৰ তেলীয়ে ইণ্ডিয়ান অইল, তিনিচুকীয়াৰ এম ১৫ পেট্ৰ’ল ৰোলআউট পাইলট প্ৰজেক্ট উদ্বোধন কৰিছিল৷
লগতে পঢ়ক ‘সংকটত ভাৰতৰ মুছলমান সমাজ’, ঈদৰ দিনাই বিধায়ক অখিল গগৈৰ মন্তব্য
উক্ত অনুষ্ঠানটো অইল ইণ্ডিয়াই Zoom মিটিঙৰ আইডিৰে প্ৰতিষ্ঠানটোৰ অফিচিয়েল টুইটাৰ একাউণ্টত শ্বেয়াৰ কৰি সামাজিক মাধ্যমত লাইভ-ষ্ট্ৰীমডত সামাজিক মাধ্যমত লাইভ সম্প্ৰচাৰ কৰিছিল৷
অনুষ্ঠানত কেন্দ্ৰীয় মন্ত্ৰীগৰাকীয়ে ভাষণ প্ৰদান কৰি থাকোতে প্ৰজেক্টৰ স্ক্ৰীণত হঠাতে প’ৰ্ণগ্ৰাফীৰ ম’ভী চলিবলৈ আৰম্ভ কৰে৷ কিছু ছেকেণ্ডৰ বাবে প্ৰদৰ্শন হোৱা পিছতে উক্ত ক্লীপটো আঁতৰাই দিয়া হয় যদিও বহু লোকে স্মাৰ্ট ফোনৰ জৰিয়তে সেয়া প্ৰত্যক্ষ কৰে৷
লগতে পঢ়ক প্ৰাক্তন প্ৰেমিকৰ সৈতে পত্নীৰ যৌনালাপ! ইয়াৰ পিছত কি কৰিলে স্বামীয়ে?
এই দুৰ্ভাগ্যজনক ঘটনাটোৰ পিছতে তিনিচুকীয়া আৰক্ষীয়ে এটা গোচৰ ৰুজু কৰি তদন্ত আৰম্ভ কৰিছে৷ ইতিমধ্যে আৰক্ষীয়ে ঘটনাৰ সন্দৰ্ভত অনুষ্ঠানটোৰ প্ৰজেক্টৰ অ’পাৰেটৰগৰাকীক আটক কৰিছে৷
ইফালে ঘটনাটোৰ পিছতে কেন্দ্ৰীয় মন্ত্ৰী ৰামেশ্বৰ তেলীয়ে প্ৰতিক্ৰিয়া প্ৰকাশ কৰিছে৷ ‘‘মই উক্ত ক্লীপটো দেখা নাছিলো৷ কিন্তু মোৰ ব্যক্তিগত সহায়কজনে কথাটো মোক অৱগত কৰিছিল৷ সমগ্ৰ ঘটনাটোত জড়িত থকাসকলৰ বিৰুদ্ধে ব্যৱস্থা গ্ৰহণ কৰি শাস্তি প্ৰদান কৰিবলৈ মই নিৰ্দেশ দিছো৷’’ কেন্দ্ৰীয় মন্ত্ৰী তেলীয়ে প্ৰতিক্ৰিয়া প্ৰকাশ কৰি এইদৰে কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
