সামাজিক মাধ্যমৰ জনপ্ৰিয় আৰু গুৰুত্বপূৰ্ণ প্লেটফৰ্ম টুইটাৰ ব্যৱহাৰ কৰিবলৈ হয়তো এতিয়াৰ পৰা ধন ভৰিব লাগিব! এই ইংগিত দিছে টুইটাৰৰ নতুন গৰাকী তথা বিশ্বৰ আটাইতকৈ ধনাঢ্য ব্যক্তি এলন মাস্কে৷
টুইটাৰ ক্ৰয় কৰাৰ পিছতে এলন মাস্কে টুইটাৰত কিছুমান নতুন নীতি-নিয়ম বলৱৎ কৰা হ’ব বুলি যোৱা মাহতে সদৰী কৰিছিল৷ যোৱা মাহত মাস্কে প্ৰকাশ কৰা মতে টুইটাৰত বিভিন্ন নতুন ফিছাৰ যোগ দিয়া হ’ব৷
লগতে পঢ়ক কেন্দ্ৰীয় মন্ত্ৰী তেলীৰ ভাষণৰ মাজতে চলিল প’ৰ্ণ ক্লীপ! কোনে সংঘটিত কৰিলে এই কাণ্ড?
ইয়াৰ পিছতে এলন মাস্কে টুইট কৰি জনাইছে যে ভৱিষ্যতে টুইটাৰ ব্যৱহাৰ কৰিবলৈ ব্যৱহাৰকাৰীয়ে হয়তো সামান্য পৰিমাণৰ ধন পৰিশোধ কৰিব লগা হ’ব পাৰে৷
অৱশ্যে মাস্কে এইটোও নিশ্চিত কৰিছে যে ব্যক্তিগত অৰ্থাৎ নৈমিত্তিক টুইটাৰ ব্যৱহাৰকাৰীসকলৰ বাবে এই মাচুল ধাৰ্য কৰা নহয়৷ কেৱল ব্যৱসায়িক আৰু চৰকাৰী ব্যৱহাৰকাৰীসকলৰ বাবেহে এই মাচুল ধাৰ্য কৰা হ’ব পাৰে৷
Twitter will always be free for casual users, but maybe a slight cost for commercial/government users
— Elon Musk (@elonmusk) May 3, 2022
‘‘সাধাৰণ ব্যৱহাৰকাৰীসকলৰ বাবে টুইটাৰ সদায় বিনামূলীয়া হৈ থাকিলেও, বাণিজ্যিক/চৰকাৰী ব্যৱহাৰকাৰীসকলে সামান্য পৰিমাণৰ মাচুল ভৰিব লগা হ’ব পাৰে৷’’ টুইট কৰি এলন মাস্কে কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
