পোষ্ট অফিচৰ দুৰ্দান্ত স্কিম… প্ৰতিদিনে ৪০০ টকা ছেভিংছ কৰিয়েই লাভ কৰিব ২০ লাখ, কিন্তু কেনেকৈ?

আপুনি যদি নিৰাপদ বিনিয়োগৰ সৈতে ভৱিষ্যতে বৃহৎ অংকৰ তহবিল তৈয়াৰ কৰিব খুজিছে তেন্তে পোষ্ট অফিচৰ স্মল ছেভিংছ স্কিমসমূহ আপোনাৰ বাবে ভাল বিকল্প হব পাৰে৷ চৰকাৰৰ গেৰেণ্টি থকা এই সকলো স্কিমত ধন হেৰুওৱাৰ ভয় নাই বুলিবই পাৰি৷ তেনে এক জনপ্ৰিয় আৰু ভৰসাযোগ্য প্ৰকল্প হৈছে পোষ্ট অফিচ ৰেকাৰিং ডিপোজিট৷

পোষ্ট অফিচ RD স্কিম কি?

পোষ্ট অফিচ ৰেকাৰিং ডিপোজিট স্কিমত প্ৰতিমাহে নিৰ্দিষ্ট অংকৰ ধন জমা কৰি নিৰ্দিষ্ট ম্যাদৰ শেষত বৃহৎ অংকৰ তহবিল গঢ়ি তোলা সম্ভৱ৷ বৰ্তমান এই স্কিমত বাৰ্ষিক সুদৰ হাৰ প্ৰায় ৬.৭শতাংশ৷ সাধাৰণতে ম্যাদ ৫ বছৰ হ’লেও প্ৰয়োজন হ’লে এই ম্যাদ বঢ়াবও পাৰি৷

এই স্কিমসমূহৰ সকলোতকৈ ডাঙৰ বৈশিষ্ট্য হৈছে প্ৰতি তিনিমাহৰ অন্তৰে অন্তৰে সুদৰ হাৰ পৰ্যালোচনা আৰু সংশোধন কৰা হয়৷ ফলত বজাৰৰ পৰিস্থিতিৰ সৈতে তাল মিলাই বিনিয়োগকাৰীয়ে লাভৰ সুযোগ পায়৷ ইয়াত মাত্ৰ ১০০ টকা দিয়েই বিনিয়োগ আৰম্ভ কৰিব পাৰে৷ ৫ বছৰৰ মেচিউৰিটি পিৰিয়ড-পোষ্ট অফিচৰ এই চৰকাৰী ছেভিংছ স্কিমত সহজেই একাউণ্ট খুলিব পাৰি৷ এই প্ৰকল্পৰ সকলোতকৈ ডাঙৰ আকৰ্ষণ হৈছে- ইয়াত নাবালকৰ বাবেও একাউণ্ট খোলাৰ সুযোগ আছে৷

মেচিউৰিটিৰ আগত একাউণ্ট বন্ধ কৰাৰ সুবিধা আছে পোষ্ট অফিচ ৰেকাৰিং ডিপজিট স্কিমৰ বিনিয়োগকাৰীৰ৷ তেওঁলোকৰ বাবে একাধিক অতিৰিক্ত সুবিধাও দিয়া হয়৷ ইয়াৰ মাজত আছে প্ৰি মেচিউৰ ক্লোজাৰৰ সুবিধা৷ যদি কোনো বিনিয়োগকাৰীয়ে কোনো ব্যক্তিগত বা জৰুৰী কাৰণত মেচিউৰিটিৰ পূৰ্বেই একাউণ্ট বন্ধ কৰিব খোজে তেন্তে ৩ বছৰ পূৰ্ণ হোৱাৰ পাছত তেওঁ এই অপশ্ব্যনটো বাচি ল’ব পাৰে৷ ইয়াত জৰুৰী পৰিস্থিতিত জমা টকা পোৱাৰ সুবিধা থাকে৷

একাউণ্ট হোল্ডাৰৰ মৃত্যু হলে কি হ’ব?

কোনো কাৰণত একাউণ্ট হোল্ডাৰৰ মৃত্যু হলে নমিনিয়ে সহজেই জমা টকা ক্লেম পৰিব পাৰিব৷ কেৱল সেয়াই নহয় নমিনিয়ে বিচাৰিলে এই RD একাউণ্ট আগৰ দৰেই চলাই যোৱাৰো সুযোগ পায়৷ ফলত পৰিয়ালে আৰ্থিক সুৰক্ষা লাভ কৰে আৰু সঞ্চয় প্ৰক্ৰিয়াও ৰৈ নাযায়৷

৪০০ টকাৰ পৰা ২০ লাখ টকা জমা কৰাৰ অংক জানি থওক

কেনেকৈ পোষ্ট অফিচৰ এই চৰকাৰী নিয়মিত মাত্ৰ ৪০০ টকা সঞ্চয় কৰি ২০ লাখ টকাতকৈ বেছি ফাণ্ড তৈয়াৰ কৰা সম্ভৱ৷ প্ৰকৃততে সম্পূৰ্ণ হিচাপ সহজেই ওলিয়াব পাৰি৷ ধৰা হ’ল এজন বিনিয়োগকাৰীয়ে প্ৰতিদিনে ৪০০ টকাকৈ সঞ্চয় কৰিছে৷ অৰ্থাৎ তেওঁৰ মাহিলী সঞ্চয় ১২০০০ টকা৷ এই টকা নিয়মিতভাৱে পোষ্ট অফিচ ৰেকাৰিং ডিপোজিটত জমা কৰা হৈছে৷ ৫ বছৰত জমা হ’ব কিমান টকা?

Post Office RD Calculator অনুসৰি যদি কোনোৱে মাহিলী ১২০০০ টকাকৈ জমা কৰি ৫বছৰ ধৰি বিনিয়োগ কৰে তেন্তে মুঠ জমাৰ পৰিমাণ হ’ব প্ৰায় ৭.২০ লাখ টকা৷ ৫বছৰৰ শেষত মুঠ ফাণ্ড হ’ব ৮,৫৬,৩৮৮ টকা৷ এই বাঢ়ি যোৱা অংশটোৱেই হৈছে সুদ৷ বিনিয়োগকাৰীয়ে প্ৰথম ৫বছৰ পূৰ্ণ হোৱাৰ পাছত আৰু ৫ বছৰৰ বাবে RD একাউণ্ট বঢ়াই দিয়ে তেন্তে দীৰ্ঘম্যাদি ৰিটাৰ্ণ আৰু আকৰ্ষণীয় হৈ উঠে৷ মুঠ বিনিয়োগ ১৪.৪০ লাখ টকা৷ মেচিউৰিটিৰ সময়ত মুঠ প্ৰাপ্ত ফাণ্ড ২০, ৫০, ২৪৮ টকা৷ সুদৰ পৰাই আয় হ’ব মুঠ ৬, ১০, ২৪৮ টকা৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ