শোকাৱহ, দ’ খাৱৈত পৰ্যটকৰ বাহন বাগৰি ২ টি শিশু নিহত, ২৫ আহত, মৃতকৰ সংখ্যা অধিক বৃদ্ধি পোৱাৰ আশংকা
গুজৰাটৰ পৰা আহিল এক শোকাৱহ ঘটনা। দ’ খাৱৈত পৰ্যটকৰ এখন বাহন বাগৰি ২ টি শিশু নিহত হয়। ইয়াৰ বাহিৰেও অন্য ২৫ গৰাকী লোক আহত হয়। মৃতকৰ সংখ্যা অধিক বৃদ্ধি পোৱাৰ আশংকা বুলি প্ৰকাশ।
চুৰাটৰ পৰা সপুতৰালৈ যোৱা এখন ব্যক্তিগত বিলাসী বাছ খাৱৈত পৰি এই দুৰ্ঘটনা সংঘটিত হৈছে। দেওবাৰে সংঘটিত হোৱা এই দুৰ্ঘটনাত দুটা শিশুৰ থিতাতে মৃত্যু হয়। এই দুৰ্ঘটনাত ২০ৰ পৰা ২৫জন লোক আহত হয়, ইয়াৰে পাঁচজন লোকৰ অৱস্থা সংকটজনক বুলি কোৱা হৈছে।
লাভ কৰা তথ্য অনুসৰি সপুতৰা মালেগাম পথত সংঘটিত হৈছে এই দুৰ্ঘটনা। খাৱৈত বাগৰি পৰে জিজে ০৫ ডিটি ৯৩৯৩ নম্বৰৰ ব্যক্তিগত বাছখন। বাছখন যাত্ৰীসহ চুৰাটৰ পৰা সপুতৰালৈ গৈ আছিল।
সপুতৰা দৰ্শন কৰিবলৈ অহা পৰ্যটকক লৈ আহিছিল বাছখনে। এই দুৰ্ঘটনাত দুটা শিশুৰ থিতাতে মৃত্যু হয়। ৫জন ব্যক্তি গুৰুতৰ বুলি জানিব পৰা গৈছে। মুঠ ২০ৰ পৰা ২৫জন লোক আহত হৈ ছামগাহান চিকিৎসালয়ত চিকিৎসাধীন হৈ আছে।
ঘটনা সন্দৰ্ভত জানিব পৰা অনুসৰি, দুৰ্ঘটনাটোৰ সময়ত বাছখনত ৫০ৰ পৰা ৬০গৰাকী লোক আছিল। স্থানীয় লোকৰ সহযোগত, স্থানীয় প্ৰশাসন আৰু অগ্নিনিৰ্বাপক বাহিনীৰ দলে ঘটনাস্থলীত উদ্ধাৰৰ কাম কৰিছিল। দ’ খাৱৈ হোৱা বাবে বহু সময় লাগছিল এই উদ্ধাৰ কাৰ্যত। যাৰ বাবে শিশু কেইটিৰ মৃত্যু হোৱা বুলি প্ৰকাশ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
