স্বামী কন্যাসহ ৰাম লালাৰ মন্দিৰ দৰ্শন প্ৰিয়ংকা চোপ্ৰাৰ, প্ৰিয়ংকাক চাবলৈয়ে ভিৰ লাগিল বহু লোকৰ
বলীউডৰ ‘দেশী গাৰ্ল’ প্ৰিয়ংকা চোপ্ৰাই নিক জ’নাছৰ সৈতে বিবাহপাশত আবদ্ধ হোৱাৰ পিছৰে পৰা আমেৰিকাত বাস কৰি আছে। কিন্তু প্ৰায়ে অনুষ্ঠান বিশেষে ভাৰতলৈ আহি থাকে প্ৰিয়ংকা আৰু স্বামী।
এইবাৰো প্ৰিয়ংকা চোপ্ৰা এক ডাঙৰ ব্ৰেণ্ডৰ প্ৰচাৰৰ বাবে ভাৰতলৈ আহিছে। তাৰ মাজতে আজি স্বামী নিক জোনাছ আৰু কন্যা মালতীৰ সৈতে অযোধ্যাৰ ৰাম মন্দিৰত উপস্থিত হয় প্ৰিয়ংকা।
শেহতীয়াকৈ ছচিয়েল মিডিয়াত প্ৰিয়ংকাৰ মন্দিৰ দৰ্শনৰ ভিডিঅ’ ভাইৰেল হৈ পৰিছে। ভিডিঅ’ত প্ৰিয়ংকা আৰু নিক জোনাছক কন্যা মালতীৰ সৈতে অযোধ্যাত দেখা গৈছে। অযোধ্যা পোৱাৰ পিছতে প্ৰিয়ংকা আৰু নিক পোনে পোনে মন্দিৰলৈহে যায় আৰু ৰামলালাৰ মন্দিৰ দৰ্শন কৰে।
সাধাৰণতে অনুষ্ঠান আদিত ৰিভিলিং বা শৰীৰ উন্মোক্ত হৈ থকা সাজপাৰ কৰা প্ৰিয়ংকাক মন্দিৰ দৰ্শনৰ সময়ত হালধীয়া ৰঙৰ শাৰী পিন্ধি থকা দেখা যায়। একেদৰে স্বামী নিককো ভাৰতীয় সাজ-পোছাকত দেখা যায়।
মন্দিৰ দৰ্শনৰ পাছত পিতৃ-মাতৃৰ সৈতে কন্যা মালতীকো কপালত মন্দিৰৰ টিকা লোৱা দেখা যায়। প্ৰিয়ংকাৰ এই মন্দিৰ দৰ্শনৰ পাছতে বহু অনুৰাগীয়ে সামাজিক মাধ্যমত প্ৰিয়ংকাৰ শলাগ লৈ এয়া এক প্ৰকৃত সনাতনী ধৰ্মৰ ভক্ত বুলি উল্লেখ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
