হিন্দুৰ অতি পবিত্ৰ স্থানৰ ভিতৰত অন্যতম হৈছে উত্তৰপ্ৰদেশৰ মথুৰা৷ ইয়াতেই আছে বৃন্দাবন৷ আৰু এই বৃন্দাবনত থকা পবিত্ৰ স্থান হৈছে নিধিবন৷ বিশ্বাস যে এই নিধিবনত নিশা ৰাসলীলাত এতিয়াও মত্ত হৈ থাকে ৰাধা-কৃষ্ণ৷
নিধিবনৰ নাম হয়তো বহুতেই শুনিছে৷ কিন্তু কি এই নিধিবন? ইয়াৰ উত্তৰ বহুতেই নাজানে৷ প্ৰকৃততে হিন্দুসকলৰ বাবে খুবেই পবিত্ৰ এই নিধিবন৷ বৰ্তমান ভাৰতৰ উত্তৰপ্ৰদেশৰ মথুৰা জিলাত অৱস্থিত নিধিবন৷ তাতেই আছে পবিত্ৰ বৃন্দাবনো৷ আৰু তাৰেই অন্যতম পবিত্ৰ স্থান হৈছে নিধিবন৷ বিশ্বাস যে এই নিধিবনত প্ৰতি নিশাই ৰাসলীলা কৰে ৰাধা-কৃষ্ণই৷
কথিত যে এই নিধিবনতেই ৰাধা আৰু সহস্ৰ গোপিনীৰ সৈতে ৰাসলীলাত মত্ত থাকে শ্ৰীকৃষ্ণ৷ আজি নিজেও নিধিবনত ৰাধা আৰু গোপিনীসকলৰ সৈতে ৰাসলীলা কৰে কৃষ্ণই৷ সেই বনৰ পবিত্ৰতা ৰক্ষাতো বিশেষ নিয়ম আছে৷ প্ৰতিদিনে সন্ধিয়া আৰতিৰ পাছত নিধিবনৰ দুৱাৰ বন্ধ কৰি দিয়া হয়৷ এই নিধিবনৰ সৈতে জড়িত হৈ আছে কেইবাটাও আশ্চৰ্যকৰ কাহিনী৷
এই বনত আছে অসংখ্য তুলসী গছ৷ হিন্দু ধৰ্মত অত্যন্ত পবিত্ৰ এই গছ৷ এই গছৰ ভেষজগুণ বহুতো আছে৷ ইয়াত থকা তুলসী গছসমূহো অদ্ভুত৷ উচ্চতাত সৰু সৰু এই গছ অকোৱা পকোৱা৷ এজোপা গছৰ কাণ্ড আন এজোপাৰ সৈতে লাগি থাকে৷ তুলসী গছসমূহ বাকলি দেখাত শুকান যদিও খৰাং বতৰতো এই গছৰ পাত সদায়ে সেউজীয়া হৈ থাকে৷
ইয়াত থকা গছসমূহ প্ৰতি নিশাই একোজনী গোপীলৈ পৰিণত হয়৷ তাৰপাছতেই চলে ৰাসলীলা৷ আৰু পুৱতি নিশা সূৰ্য উদয়ৰ পূৰ্বে পুনৰ গছলৈ পৰিণত হয়৷
এই স্থানতেই আছে ৰং মহল নামৰ এটি মন্দিৰো৷ কথিত যে এই মন্দিৰতেই কৃষ্ণৰ বস্ত্ৰ পৰিধান কৰিছিল ৰাধাই৷ প্ৰতি নিশা ৰাসলীলা কৰি ক্লান্ত হৈ এই মন্দিৰতেই বিশ্ৰাম লয় ৰাধা-কৃষ্ণই৷
ৰাধা-কৃষ্ণই বিশ্ৰাম লোৱাৰ বাবে চন্দন কাঠৰ বিচনাও আছে ৰং মহলত৷ প্ৰতিদিনে সন্ধিয়া আৰতিৰ পাছত পুৰোহিতে মন্দিৰৰ দুৱাৰ বন্ধ কৰাৰ পূৰ্বে শয্যা প্ৰস্তুত কৰে৷ ৰাধাৰ বাবে খাৰু, ফুল আৰু বস্ত্ৰ, তুলসী পাত, দাঁত ঘহাৰ বাবে নিমৰ ডাল, খোৱাৰ বাবে পান-ছুপাৰী আৰু গা ধুবলৈ পানী ভৰ্তি এটা কলহ ৰাখে৷ কেতিয়াবা কেতিয়াবা আকৌ মাখন আৰু চেনীও ৰখা হয়৷
সন্ধিয়াৰ পাছত সেয়ে এই মন্দিৰ চত্বৰত সাধাৰণতে প্ৰৱেশ নিষেধ৷ কথিত যে নিশা যদি কোনোৱে এই গৃহৰ ভিতৰলৈ আহে তেতিয়া ঘৰত কোনোবা থকাৰ অস্তিত্ব অনুভৱ কৰে৷
সমস্ত যা যোগাৰ কৰি ৰং মহল আৰু নিধিবনৰ প্ৰধান দুৱাৰখন বাহিৰৰ পৰা তলা লগাই দিয়া হয়৷ আকৌ পিছদিনা পুৱা সেই তলা খোলা হয়৷ প্ৰতিদিনে পুৱা মন্দিৰৰ দুৱাৰ খুলিলে বিছনাখন দেখিলে কোনোৱে যে ব্যৱহাৰ কৰিছে সেয়া দেখিয়েই ধৰিব পাৰি৷ ইয়াৰোপৰি নিমৰ ডালো ব্যৱহাৰ হয়, মিঠাই আৰু পানো আংশিকভাৱে খোৱা দেখা যায়৷ ইয়াৰোপৰি খাৰু, ফুল আৰু কাপোৰো ব্যৱহাৰ কৰাটো ধৰিব পাৰি৷
নিশা ৮ বজাৰ পাছত এই বনত প্ৰৱেশ নিষেধ৷ কথিত যে কোনোৱে যদি নিশা নিধিবনত থাকে তেন্তে তেওঁ অন্ধ হৈ যায় অন্যথা প্ৰাণ হেৰুৱাই৷ নতুবা মানসিকভাৱে বিকাৰগ্ৰস্থ হৈ পৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
