পৃথিৱীৰ পৰা প্ৰায় ৩ বিলিয়ন আলোকবৰ্ষ দূৰত থকা আন এখন তাৰকাৰাজ্যৰ পৰা অহা এটা অদ্ভুত ৰেডিঅ’ সংকেত ধৰা পেলাইছে জ্যোতিৰ্বিজ্ঞানীসকলে। এইটো হৈছে বিজ্ঞানীসকলে ধৰা পোলোৱা দ্বিতীয়টো পুনৰাবৃত্তিমূলক সংকেত৷
বিজ্ঞানীসকলে বৰ্তমান ধৰা পেলোৱা নতুন সংকেতটো ফাষ্ট ৰেডিঅ’ বাৰ্ষ্টছ (FRB)ক FRB 20190520B নামেৰে জনাজাত। বিজ্ঞানীসকলে প্ৰকাশ কৰা মতে এই সংকেতটো “এটা কম্পেক্ট, স্থায়ী ৰেডিঅ’ উৎসৰ সৈতে সহ-অৱস্থিত আৰু high specific-star-formation তাৰকাৰাজ্যৰ সৈতে জড়িত।” ‘নেচাৰ’ নামৰ বিজ্ঞান আলোচনীত এই পৰ্যবেক্ষণসমূহ প্ৰকাশ পাইছে ।
২০১৯ চনৰ মে’ মাহত চীনৰ গুইঝৌত পাঁচশ মিটাৰ এপাৰচাৰ স্ফেৰিকেল ৰেডিঅ’ টেলিস্কোপ (FAST) ব্যৱহাৰ কৰি এফ আৰ বি ধৰা পেলোৱা হৈছিল। অতিৰিক্ত পৰ্যবেক্ষণত ২০২০ চনৰ মে’ মাহত আৰু প্ৰায় ৭৫টা এফ আৰ বি ৰেকৰ্ড কৰা হৈছিল।
লগতে পঢ়ক শ্বেয়াৰ মাৰ্কেটত বুলিশ্ব লেভেল কি? এসপ্তাহত কেনেকৈ ৩ গুণলৈ বাঢ়ে ধন?
বিজ্ঞানীসকলে এই এফ আৰ বিৰ উৎস কি সেই বিষয়ে এতিয়াও নিশ্চিত নহয় যদিও তেওঁলোকে ব্যাখ্যা আগবঢ়াইছে যে ই নৱজাতক এফ আৰ বি আৰু ইয়াৰ পৰাই সংকেত প্ৰেৰণ কৰি আছে৷ তেওঁলোকৰ মতে এতিয়াও “নিউট্ৰন তৰাটো এৰি থৈ যোৱা ছুপাৰন’ভা বিস্ফোৰণে নিৰ্গত কৰা ঘন পদাৰ্থ”ৰে আগুৰি আছে। ‘নৱজাতক’ তত্ত্বৰ অধীনত এফ আৰ বিৰ বয়স বৃদ্ধি হোৱাৰ লগে লগে সংকেতবোৰ ক্ৰমান্বয়ে দুৰ্বল হৈ পৰিব বুলি আশা কৰা হৈছে।
“এফ আৰ বিৰ ক্ষেত্ৰখন বৰ্তমান অতি দ্ৰুতগতিত আগবাঢ়িছে আৰু মাহে মাহে নতুন নতুন আৱিষ্কাৰ উলাইছে। কিন্তু কঠিন তথা বৃহৎ প্ৰশ্ন এতিয়াও আছে, আৰু এই বস্তুটোৱে আমাক সেই প্ৰশ্নসমূহৰ বিষয়ে প্ৰত্যাহ্বানমূলক সূত্ৰ দিছে।’-এই অধ্যয়নৰ সহ-লেখিকা চাৰা বাৰ্ক-স্প’লাৰে কয়।
লগতে পঢ়ক ৰে’লত যাত্ৰা কৰি ভাল পাই নেকি? হঠাৎ ৰে’লৰ টিকট কেনেকৈ পাব?
উল্লেখ্য যে ইয়াৰ পূৰ্বেও এক ডজনতকৈ অধিক এফ আৰ বি স্থানীয়কৰণ কৰা হৈছে৷ ইয়াৰে পাঁচটাত এফ আৰ বিৰ পুনৰাবৃত্তিমূলক উৎসৰ অন্তৰ্ভুক্ত কৰা হৈছে।
ৰেডিঅ’ টেলিমেট্ৰি আৰু জ্যোতিৰ্বিজ্ঞানৰ প্ৰযুক্তিগত অগ্ৰগতিৰ ফলত ত্বৰান্বিত কৰা এই আৱিষ্কাৰসমূহে বিজ্ঞানীসকলক লাহে লাহে বৃহৎ আৰু অতি-বৃহৎ তৰাৰ মৃত্যু, নিউট্ৰন তৰা আৰু চুম্বকীয় তৰাৰ একত্ৰীকৰণৰ দৰে মহাজাগতিক পৰিঘটনাৰ বিষয়ে অধিক তথ্য সংগ্ৰহ কৰিবলৈ সংগঠিত কৰিবৈ উৎসাহিত কৰিছে বুলিও কোৱা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
