জিলাপী বাবা নিহত, এটা দশকৰো অধিক কাল কাৰাগাৰতে আছিল, ১২০ৰো অধিক মহিলাৰ…
কুখ্যাত জিলাপী বাবাৰ মৃ্ত্যু। বহু গোচৰত দোষী আছিল জিলাপী বাবা। যাৰ বাবে এটা দশকৰো অধিক কাল কাৰাগাৰতে আছিল জিলাপী বাবা। ১২০ৰো অধিক মহিলাক ধৰ্ষণ কৰিছিল এই ধুৰ্ত বাবই।
১২০ গৰাকীতকৈ অধিক মহিলাক ধৰ্ষণ কৰা জিলাপী বাবাৰ হাৰিয়ানাৰ হিছাৰ জেলত মৃত্যু হৈছে । ১৪ বছৰ ধৰি কাৰাদণ্ড ভুগি আছিল এই বাবা ৰূপী পাষণ্ড বাবাই। ১২০ গৰাকীতকৈও অধিক মহিলাক ধৰ্ষণ কৰাৰ ভিডিঅ’ নিৰ্মাণ কৰাৰ বাবে দোষী জিলাপী বাবা। জিলাপী বাবা ওৰফে বিলুক হিছাৰৰ অমৰপুৰিৰ কেন্দ্ৰীয় কাৰাগাৰ-২ত কাৰাবাস খাটি আছিল।
চাহত মাদক দ্ৰব্য মিহলাই ১২০ৰো অধিক মহিলাক ধৰ্ষণ কৰিছিল বাবাই। ছ’চিয়েল মিডিয়াতো ভাইৰেল হৈ পৰিছিল সেই অশ্লীল ভিডিঅ’। বুধবাৰে জেলত হঠাৎ স্বাস্থ্যৰ অৱনতি ঘটাত তেওঁক আগৰ’হা হাস্পতালৈ নিয়া হৈছিল। কিন্তু সেই হাস্পতালে চিকিৎসকে বাবাক মৃত ঘোষণা কৰে।
তন্ত্ৰ মন্ত্ৰৰ নামত নাৰীক মাদক দ্ৰব্য খুৱাই ধৰ্ষণ কৰা জিলাপী বাবাৰ আশ্ৰমৰ পৰা উদ্ধাৰ হৈছিল বহু যৌন চিডি। তেওঁৰ আশ্ৰমৰ পৰা ৩০ খনতকৈও অধিক যৌন চিডি উদ্ধাৰ কৰিছিল আৰক্ষীয়ে। জিলাপী বাবাই মহিলাৰ অশ্লীল ভিডিঅ’ বনাই ব্লেকমেইলো কৰিছিল।
২০১৮ চনৰ জুলাই মাহত ফতেহাবাদ জিলা টোহানাত এটা ভিডিঅ’ ভাইৰেল হৈছিল, য’ত ধৰ্ষণকাৰী বাবা ওৰফে বিলুৰাম ওৰফে অমৰপুৰীক এগৰাকী মহিলাৰ সৈতে যৌন সম্পৰ্ক স্থাপন কৰা দেখা গৈছিল।
ভিডিঅ’ ভাইৰেল হোৱাৰ পিছত টোহানাবাসীৰ মাজত প্ৰতিবাদৰ সৃষ্টি হয় আৰু বাবাৰ বিৰুদ্ধেও বিক্ষোভ প্ৰদৰ্শন কৰিছিল বহু লোকে। ২০২০ চনৰ ১ নৱেম্বৰত বাবাৰ বিৰুদ্ধে আদালতত ২০০ পৃষ্ঠাৰ অভিযোগনামা দাখিল কৰিছিল আৰক্ষীয়ে। তালাচীত বাবাৰ আশ্ৰমত থকা কোঠাৰ পৰা আফিঙো উদ্ধাৰ কৰিছিল আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
