পঞ্জাৱ নেশ্যনেল বেংকৰ ১৩,০০০ কোটি টকা প্ৰৱঞ্চনাৰে সৰকাই দেশ ত্যাগ কৰিছিল নীৰৱ মোদী আৰু মেহুল চোক্সীয়ে৷ ইয়াৰ পূৰ্বে ৰাষ্ট্ৰীয়কৃত বেংকসমূহৰ পৰা ৯০০০ কোটি টকা ঋণ লৈ দেশৰ পৰা উধাও হৈছিল উদ্যোগপতি বিজয় মালিয়া৷ নৰেন্দ্ৰ মোদীৰ শাসনকালতে নীৰৱ মোদী আৰু বিজয় মালিয়াই দেশৰ পৰা পলায়ন কৰিছিল৷
এই বেংক জালিয়াতিৰ পৰাই দেশৰ ৰাষ্ট্ৰীয়কৃত বেংকসূহ এতিয়াও মূৰ দাঙি উঠিব পৰা নাই৷ ৰিজাৰ্ভ বেংকৰ শেহতীয়া এক প্ৰতিবেদনত এই উদ্বেগজনক তথ্য প্ৰকাশ পাইছে৷
ৰিজাৰ্ভ বেংকৰ শেহতীয়া তথ্যৰ মতে যোৱা ৭টা বছৰে দেশৰ ৰাষ্ট্ৰীয়কৃত বেংকসমূহে দৈনিক ১০০ কোটি টকাকৈ হেৰুওৱাই আহিছে৷
লগতে পঢ়ক যুৱতীক দুই বন্ধুসহ শিক্ষকৰ উপৰ্যুপৰি ধৰ্ষণ; ব্লেইকমেইলিঙেৰে যুৱতীৰ পৰা ধন দাবী
আৰবিআইৰ তথ্যৰ মতে ২০১৫ চনৰ ১ এপ্ৰিলৰ পৰা ২০২১ চনৰ ৩১ ডিচেম্বৰ পৰ্যন্ত ৰাষ্ট্ৰীয়কৃত বেংকসমূহে মুঠ আঢ়ৈ লাখ কোটি টকাৰ প্ৰৱঞ্চনাৰ চিকাৰ হৈছে৷ এনে ঘটনা মহাৰাষ্ট্ৰতে সৰ্বাধিক সংঘটিত হ’লেও দিল্লী, তেলেংগানা আৰু তামিলনাডুৱেও ইয়াৰ চিকাৰ হৈছে৷ প্ৰকাশিত তথ্যৰ মতে কেৱল এই পাঁচ ৰাজ্যতে ৮৩% শতাংশ অৰ্থাৎ ২ লাখ কোটি টকাৰ বেংক প্ৰতাৰণাজনিত ঘটনা সংঘটিত হৈছে৷
আনহাতে কেন্দ্ৰীয় বিত্ত মন্ত্ৰালয়ে দাবী কৰিছে যে যোৱা দুবছৰৰ পৰা দেশত বেংক প্ৰতাৰণাৰ ঘটনা কিছু পৰিমাণে নিয়ন্ত্ৰণলৈ আহিছে৷ ইয়াৰ পৰা এইটো প্ৰমাণ হৈছে যে দেশত বেংক জালিয়াতি কেন্দ্ৰীয় চৰকাৰে এতিয়াও ৰোধ কৰিবলৈ সক্ষম হোৱা নাই৷
লগতে পঢ়ক হত্যা নে আত্মহত্যা! হাত-চকু বন্ধা অৱস্থাত যুৱকৰ অৰ্গধলিত মৃতদেহ উদ্ধাৰ
প্ৰতিবেদনৰ মতে মহামাৰীৰ সময়ছোৱাত উদ্যোগ ক্ষেত্ৰত অব্যাহত থকা মন্দাৱস্থাৰ বাবে উদ্যোগসমূহে বেংকৰ ঋণ পৰিশোধ কৰিবলৈ অপৰাগ হৈছে৷ ইয়াৰ বাবেই বেংকসমূহৰ দৈনিক ঘাটিৰ পৰিমাণ বৃদ্ধি হৈছে৷
আৰবিআইৰ প্ৰতিবেদনখনে বেংক প্ৰতাৰণাৰ ঘটনাবোৰ মুঠ আঠটা ভাগত বিভক্ত কৰিছে৷ সেইসমূহ হৈছে ক্ৰমে— তহবিল অপব্যৱহাৰ আৰু অপৰাধমূলক বিশ্বাস ভংগ, জাল নথিপত্ৰৰ মাধ্যমেৰে জালিয়াতি, কাৰছাজিমূলক হিচাপ অৰ্থাৎ কাল্পনিক হিচাপেৰে বেইআইনীভাৱে সম্পত্তি ৰূপান্তৰ, নিয়ম ভংগ কৰি ঋণ লাভ, অৱহেলা আৰু নগদ ঘাটি, বেংক জালিয়াতি, বিদেশী মুদ্ৰাৰ লেনদেনত অনিয়ম আৰু বিভিন্ন ধৰণৰ প্ৰতাৰণা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
