অসম লাইভ২৪ঃ ২৪ঘণ্টাত বাঢ়িল ২ আৰৱ ডলাৰ সম্পত্তি। আকৌ এবাৰ বিশ্বৰ টপ-১০ ধনী ব্যক্তিৰ তালিকাত নাম সন্নিবিষ্ট হ’ল মুকেশ আম্বানীৰ। মুকেশ আম্বানীয়ে মাত্ৰ ২৪ঘণ্টাৰ ভিতৰতেই ১৯,০০০ কোটি টকা উপাৰ্জন কৰিছে। ব্লুমবাৰ্গ বিলিয়নেয়াৰ ইণ্ডেক্সত ১৩ নম্বৰ স্থানত আহিছে মুকেশ আম্বানী। শীৰ্ষ ১০ নম্বৰ স্থানৰ অন্তৰ্ভূক্ত হ’বলৈ মাত্ৰ ৩ উদ্যোগপতিহে আগত আছে মুকেশ আম্বানীতকৈ।
২৪ ঘণ্টাত ২ আৰৱ ডলাৰ কেনেকৈ বাঢ়িল মুকেশ আম্বানীৰ?
বিগত ২৪ঘণ্টাত মুকেশ আম্বানীৰ সম্পত্তিৰ পৰিমাণ ২আৰৱ ডলাৰলৈ বৃদ্ধি হৈছে। এই বৃদ্ধিৰ সৈতে আম্বানীৰ সম্পত্তিৰ পৰিমান ৯০ আৰৱ ডলাৰ পাৰ হৈছে। চলিত বৰ্ষত মুকেশ আম্বানীৰ সম্পত্তি ৩.৪৬ আৰৱ ডলাৰলৈ বৃদ্ধি হৈছে।
১০ শীৰ্ষ ধনীত স্থান লাভ কৰিবলৈ আম্বানীক পিছপেলাই ৰখা ৩ ধনবান কোন?
দহ নম্বৰ ধনী ব্যক্তিৰ তালিকাত আছে আমেৰিকাৰ ছেৰ্গেই ব্ৰিন। তেওঁৰ সম্পত্তিৰ পৰিমাণ হৈছে ১০৪ বিলিয়ন ডলাৰ। একাদশ ধনী ব্যক্তিৰ তালিকাত আছে মেক্সিকোৰ বিলিয়নাৰ কাৰ্লোছ স্লিম। তেওঁৰ সম্পত্তিৰ পৰিমান হৈছে ৯৭.২ বিনিয়ন ডলাৰ। ইফালে দ্বাদশ স্থানত আছে ফ্ৰান্সৰ উদ্যোগপতি ফ্ৰাঙ্কোইচ বেটেনকোৰ্ট। তেওঁৰ সম্পত্তিৰ পৰিমাণ হৈছে ৯২.৬ বিলিয়ন ডলাৰ। এই তিনি ধনাঢ্য ব্যক্তিৰ পাছতেই আছে ভাৰতীয় উদ্যোগপতি মুকেশ আম্বানী।
ধনাঢ্য ব্যক্তিৰ তালিকাত কিমান নম্বৰত আছে গৌতম আদানী?
ব্লুমবাৰ্গ বিলিয়নেয়াৰ ইণ্ডেক্সৰ লিষ্টত আম্বানীয়ে ১৩ নম্বৰ স্থান দখল কৰাৰ বিপৰীতে ভাৰতীয় উদ্যোগপতি গৌতম আদানী আছে ২১ নম্বৰ স্থানত। ২০ ধনী ব্যক্তিৰ তালিকাত বৰ্তমান গৌতম আদানীৰ কোনো স্থান নাই।
ধনাঢ্য ব্যক্তিৰ তালিকাত প্ৰথম স্থানত আছে টেছলাৰ চিইঅ’
পৃথিৱীৰ আটাইতকৈ ধনী ব্যক্তিৰ তালিকাত বৰ্তমানো প্ৰথম স্থানতেই আছে টেছলাৰ মালিক এলন মাস্ক। এলন মাস্কৰ সম্পত্তিৰ পৰিমাণ বৰ্তমান ২৪৭ আৰৱ ডলাৰ। চলিত বৰ্ষত তেওঁৰ সম্পত্তি ১১০ আৰৱ ডলাৰ বৃদ্ধি হৈছে। এই উপাৰ্জনৰ মাজতেই তেওঁ বিগত ২৪ ঘণ্টাত ১৩ আৰৱ ডলাৰ উপাৰ্জন কৰিছে।
দ্বিতীয় ধনী ব্যক্তিৰ তালিকাত আছে মাৰ্ক জুকাৰবাৰ্গ
ধনী ব্যক্তিৰ তালিকাত দ্বিতীয় স্থানত আছে মেটাৰ চিইঅ’ মাৰ্ক জুকাৰবাৰ্গ। চলিত বৰ্ষত মাৰ্ক জুকাৰবাৰ্গে ৫৮.৬ আৰৱ ডলাৰ উপাৰ্জন কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
