অসম লাইভ২৪ঃ বৰ্ষাপাৰা ষ্টেডিয়ামত আজি আইপিএলৰ দ্বিতীয়খন মেচ৷ দিল্লী কেপিটেলছ আৰু ৰাজস্থান ৰয়েলছৰ মাজত অনুষ্ঠিত হৈছে মেচখন৷ টছত জিকি দিল্লী কেপিটেলছে প্ৰথমেই ফ্লিডিঙৰ সিদ্ধান্ত লয়৷ খেলৰ আৰম্ভনিতেই সকলোৰে দৃষ্টি আছিল ৰাজস্থান ৰয়েলছৰ হৈ খেলা অসমৰ খেলুৱৈ ৰিয়ান পৰাগৰ ওপৰত৷ ৰিয়ান পৰাগে ঘৰুৱা মাটিত কেনে পাৰফৰ্মেন্স দেখুওৱাব? প্ৰথমখন খেলতো ৰিয়ানে যিহেতু ভাল ফল দেখুওৱাব পৰা নাছিল৷ ১২টা বলত ২০ ৰান কৰি আউট হয়৷
ৰিয়ানৰ এই বিফলতাৰ পাছতেই আজিৰ দিনটোৰ ৰাজ্যৰ ক্ৰিকেটপ্ৰেমীসকলে আশা কৰি আছিল ৰিয়ানে কিবা এটা কৰিব! পিছে আজিৰ খেলটো ৰিয়ানে ১১ টা বলত ৭ ৰান কৰিয়েই আউট হয়৷ দিল্লী কেপিটেলছৰ বিৰুদ্ধে বেয়া ফলাফল দেখুওৱাৰ পাছতেই বহুসংখ্যক ক্ৰিকেটপ্ৰেমীয়েই এতিয়া আশাহত হৈ পৰিছে৷ বৰ্তমানলৈ ৰিয়ানে
৫০ খন মেচত ৪০ টা ইনিংছ খেলি ৫৬৫ ৰান কৰিবলৈহে সক্ষম হৈছে৷
ৰিয়ানৰ বেটিং এভাৰেজ ১৬.৩৫, খেলৰ পাৰফৰ্মেন্সৰ চৰ্চা চলোতেই শেহতীয়াকৈ ভাইৰেল হৈ পৰিছে ৰিয়ানৰ এটা পুৰণি টুইট৷ বিগত ১৪ মাৰ্চত ৰিয়ানে কৰিছিল এটা বিশেষ টুইট৷ এটা অভাৰত এই আইপিএলতেই ৪টা ছিক্স কোবাম বুলি টুইট কৰিছিল ৰিয়ানে৷ ৰিয়ানৰ ফেনসকল এতিয়া অপেক্ষাৰত ৰিয়ানৰ এই ৪টা ছিক্সৰ বাবে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
