অতিকে শোকাৱহ, গোৱালপাৰাত দুৰ্ঘটনাত একেলগে প্ৰাণ হেৰুালে মাতৃ-পুত্ৰসহ ৩ গৰাকী, আহত কেইবাজনো
গোৱালপাৰা জিলাৰ ৰংজুলিত ভয়ংকৰ পথ দুৰ্ঘটনা। ৰংজুলি থানাৰ অন্তৰ্গত দোসীমাৰ ১৭ নং ৰাষ্ট্ৰীয় ঘাইপথত আল্ট্ৰা বাছ আৰু এখন চাৰি চকীয়া বাহনৰ মাজত ভয়ংকৰ সংঘৰ্ষ। এই সংঘৰ্ষৰ ফলত ঘটনাস্থলীতে প্ৰাণ হেৰুৱাই৩ গৰাকীকৈ লোকে।
নিহত তিনি গৰাকীৰ ভিতৰত দুগৰাকী মহিলা আৰু এগন কিশোৰ৷ ৩ নিহতৰ লগতে আন কেইবাজনো লোক এই দুৰ্ঘটনাটোত আহত হয় । আহত সকলক ততাতৈয়াকৈ উদ্ধাৰ কৰি ৰংজুলি চিকিৎসালয়ত ভৰ্তি কৰোৱা হয় ।
দুৰ্ঘটনা সংঘটিত কৰা বাছখনৰ নম্বৰ As-25FC-3514 আৰু চাৰিচকীয়া বাহনখনৰ নম্বৰ As01DL7799.
ঘটনাৰ বিষয়ে খবৰ লাভৰ লগে লগে ঘটনাস্থলীত আৰক্ষীৰ লোক উপস্থিত হৈ মৃতদেহ উদ্ধাৰ কৰি ৰংজুলি চিকিৎসালয়ত ভৰ্তি কৰায়।
দুৰ্ঘটনাত নিহত দুধনৈৰ ক্ৰমে মিনা ৰাভা (৪৩), মঞ্জু ৰায় (৫৫) আৰু কৃতো ৰায় (১৫) ৷ ইয়াৰে মিনা ৰাভা আৰু কৃতো ৰায় মাক পুতেক বুলি জানিব পৰা গৈছে। আনহাতে মঞ্জু ৰায় আত্মীয় বুলি জানিব পৰা গৈছে ৷ উল্লেখ্য যে, মিনা ৰাভা দৰংগিৰি হায়েৰ ছেকেণ্ডাৰী বিদ্যালয়ৰ বিষয় শিক্ষয়িত্ৰী ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
