অসম লাইভ২৪ঃ প্ৰায় প্ৰতি বছৰে দেশৰ বিভিন্ন প্ৰান্তৰ পৰা ভাৰতীয় সেনাত যোগ দিয়ে যুৱকে। উদ্দেশ্য এটাই দেশৰ সেৱা কৰা। শত্ৰু দেশৰ চক্ৰান্তৰ পৰা দেশক ৰক্ষা কৰিবলৈ এই নিযুক্তি দিয়া হয়। কিন্তু দেশ সেৱা কৰাৰ বাবে চৰকাৰৰ পৰা মাহিলী কিমান ধন লাভ কৰে একোজন জোৱানে? সেনাবাহিনীৰ শীৰ্ষস্তৰীয় পদৱীত থকা লোকসকলে কিমান দৰমহা লাভ কৰে? ভাৰতীয় সেনাবাহিনীৰ সদস্যসকলৰ দৰমহা বঢ়োৱা হৈছে বুলি চৰকাৰে সময়ে সময়ে ঘোষণাও কৰি আহিছে।
ভাৰতীয় সেনাৰ লেফটেনেণ্ট পদমৰ্যাদাৰ অধিকাৰীসকলৰ দৰমহাৰ স্তৰ ১০। তেওঁলোকে মাহিলী ৫৬,১০০ ৰ পৰা ১,৭৭,৫০০ টকা পৰ্যন্ত দৰমহা লাভ কৰে। কিন্তু সচৰাচৰ আমি কৈ থকা দৰমহাৰ স্তৰ প্ৰকৃততে কি? দৰমহা স্তৰ বা বেতনস্তৰ হ’ল কোনো এক প্ৰতিষ্ঠানৰ বেতন কাঠামোৰ মৌলিক একক। যাৰ মাধ্যমেৰে এটা প্ৰতিষ্ঠান এজন কৰ্মচাৰীতকৈ আনজন কৰ্মচাৰীৰ দৰমহাৰ পাৰ্থক্যৰ কথা বুজা যায়। ভাৰতত দৰমহাৰ ১৮ টা স্তৰ আছে। ভাৰতীয় সেনা কেপ্টেইনসকলৰ দৰমহাৰ স্তৰ হৈছে ১০ বি। তেওঁলোকৰ মাহিলী দৰমহা ৬১,৩০০ ৰ পৰা ১,৯৩,৯০০ টকা। ভাৰতীয় সেনাৰ মেজৰ পদমৰ্যাদাৰ অধিকাৰীৰ দৰমহাৰ স্তৰ বেলেগ। ভাৰতীয় সেনাৰ মেজৰৰ দৰমহা প্ৰায় ৬৯,৪০০ টকাৰ পৰা ২,০৭,২০০।
লেফটেনেণ্ট কৰ্নেল পদমৰ্যাদাৰ অধিকাৰীৰ দৰমহাৰ স্তৰ ১২ এ। লেফটেনেণ্ট কৰ্নেলৰ নূন্যতম দৰমহাৰ স্তৰ হৈছে ১ লাখৰ ওপৰত। ১,২১,২০০-২,১২,৪০০ পৰ্যন্ত দৰমহা লাভ কৰে লেফটেনেণ্ট কৰ্ণেলে। ভাৰতীয় সেনাৰ কৰ্ণেলে মাহিলী প্ৰায় ১,৩০,৬০০ টকাৰ পৰা ২,১৭,৬০০ টকা লাভ কৰে। কৰ্ণেলৰ দৰমহাৰ স্তৰ হৈছে ১৩এ। মেজৰ জেনেৰেল পদমৰ্যাদাৰ অধিকাৰীসকলৰ দৰমহাৰ স্তৰ হৈছে ১৪। নূন্যতম মাহিলী দৰমহা হৈছে ১,৪৪,২০০ টকা। এজন মেজৰ জেনেৰেলে মাহত ২,১৮,২০০ টকা পৰ্যন্ত লাভ কৰে। লেফটেনেণ্ট জেনেৰেলৰ প্ৰতি মাহৰ নূন্যতম দৰমহা হৈছে ১,৮২,২০০টকা। সৰ্বাধিক এই দৰমহা হয়গৈ ২,২৪,১০০ টকা। লেফটেনেণ্ট জেনেৰেলৰ দৰমহাৰ স্তৰ হৈছে ১৬। এওলোকৰ মাহিলী দৰমহা ২,০৫,৪০০ ৰ পৰা ২,২৪,৪০০টকা।
ভাৰতীয় সেনাৰ ‘ভাইছ চিফ অফ আৰ্মি ষ্টাফৰ দৰমহাৰ স্তৰ হৈছে ১৭। এওঁলোকৰ দৰমহা প্ৰায় ২,২৫,০০০ টকা। ভাৰতৰ বৰ্তমান লেফটেনেণ্ট জেনেৰেল হৈছে এম ভি সুচিন্দ্ৰ কুমাৰ। ভাৰতীয় সেনাৰ সেনা প্ৰধান ‘চিফ অফ আৰ্মি ষ্টাফ’ৰ দৰমহা সকলোতকৈ বেছি। এওঁলোকৰ দৰমহাৰ স্তৰ হৈছে ১৮। ভাৰতীয় সেনাৰ সেনা প্ৰধানে মাহিলী প্ৰায় ২ লাখ ৫০ হাজাৰ দৰমহা লাভ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
