ছলমানৰ বৃহৎ নিৰাপত্তাৰ বেহু ফালি শ্বুটিং ছাইটত প্ৰৱেশ যুৱকৰ, ভয়ংকৰ ভাবুকি
বলীউডৰ ছুপাৰষ্টাৰ ছলমান খানৰ শ্বুটিং চেটত এজন অচিনাকি ব্যক্তিয়ে প্ৰৱেশ কৰাৰ অভিযোগ। সোধা-পোছাত লোকজনে গেংষ্টাৰ লৰেন্স বিষ্ণয়ৰ নাম লৈ ভাবুকি দিবলৈ চেষ্টা কৰে। খবৰ অনুসৰি এই ঘটনা সন্দৰ্ভত এজন বিষয়াই তথ্য দিছে। ততাতৈয়াকৈ সন্দেহজনক লোকজনক আটক কৰি শিৱাজী পাৰ্ক থানালৈ লৈ যোৱা হয় সোধা-পোছাৰ বাবে।
সম্প্ৰতি এই সন্দৰ্ভত আৰক্ষীয়ে তদন্ত অব্যাহত ৰাখিছে। বুধবাৰে নিশা মুম্বাইৰ ৫ নং জ’নত বলীউড অভিনেতা ছলমান খানৰ শ্বুটিং স্থানত প্ৰৱেশ কৰে সন্দেহজনক ব্যক্তি। দাদাৰ অঞ্চলত সংঘটিত এই ঘটনাৰ পিছত কৰ্তৃপক্ষই তাৎক্ষণিক ব্যৱস্থা গ্ৰহণ কৰে। লোকজনক জিম্মাত লৈ সম্প্ৰতি শিৱাজী পাৰ্ক থানাত জেৰা অব্যাহত ৰাখিছে।
ঘটনা সন্দৰ্ভত এতিয়াও অধিক তথ্য পোহৰলৈ অহা নাই। যোৱা কেইমাহমানৰ পৰা ছলমান খানে বিষ্ণই গেঙৰ পৰা ধাৰাবাহিকভাৱে ভাবুকি লাভ কৰি আহিছে। চলিত বৰ্ষৰ এপ্ৰিল মাহত ছলমান খানৰ বান্দ্ৰা বাসগৃহত সংঘটিত গুলীচালনাৰ ঘটনাৰ পিছত মুম্বাই আৰক্ষীয়ে তেওঁৰ নিৰাপত্তা বৃদ্ধি কৰিছে।
লৰেন্স বিষ্ণয়ৰ সৈতে হোৱা কাজিয়াৰ উপৰিও লৰেন্স বিষ্ণয়ৰ নামত ছলমান খানক ভাবুকি দিয়াৰ ঘটনাও পোহৰলৈ আহিছে। ইয়াৰ পূৰ্বে এপ্ৰিল মাহত দুজন বন্দুকধাৰীয়েও অভিনেতাগৰাকীৰ বান্দ্ৰা ঘৰৰ সমীপত পাঁচটা গুলীচালনা কৰিছিল।
চলিত বৰ্ষৰ এপ্ৰিল মাহত ছলমান খানৰ ঘৰৰ বাহিৰত দুজন মটৰ চাইকেল আৰোহীয়ে গুলীচালনা কৰিছিল। পলায়নৰ পূৰ্বে অভিনেতাগৰাকীৰ বাসস্থান মুম্বাইৰ বান্দ্ৰা ৱেষ্টৰ গেলেক্সি এপাৰ্টমেণ্টৰ বাহিৰত চাৰি জাঁই গুলীও কৰিছিল। পিছত ঘৰৰ বাহিৰত সংঘটিত হোৱা সেই গুলীচালনাৰ দায়িত্ব স্বীকাৰ কৰিছিল গেংষ্টাৰ লৰেন্স বিষ্ণোইৰ ভাতৃ আনমোল বিষ্ণোয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
