বন্ধ্যাত্ব এতিয়া কেৱল এখ দুৰ্ভাগ্যজনক দুৰ্ঘটনা নহয়, ই এতিয়া ঘৰে ঘৰে বিয়পি পৰা এটা সমস্যা। পুৰুষ-মহিলা উভয়ৰে বন্ধ্যাত্বৰ আঁৰত জীৱনৰ অনিয়মেই আছে বুলি বিশেষজ্ঞসকলে দাবী কৰে। খাদ্যাভ্যাসৰ জটিলতা, অত্যধিক শাৰীৰিক আৰু মানসিক চাপৰ বাবে এই সমস্যা দিনক দিনে বাঢ়ি গৈ আছে।
আপুনি জানেনে যে কিছুমান যৌন ৰোগে বন্ধ্যাত্বৰ সম্ভাৱনা বৃদ্ধি কৰিব পাৰে! চিফিলিছৰ দৰে ৰোগতো ভ্ৰুণৰ ক্ষতি হোৱাৰ সম্ভাৱনা বেছি। এই ক্ষেত্ৰত কোনবোৰ যৌন সংক্ৰামক ৰোগ মাৰাত্মক হ’ব পাৰে সেই বিষয়ে আমি সংক্ষেপে আপোনালোকলৈ আগবঢ়ালো।
লগতে পঢ়ক ২৩ হাজাৰ চাকৰিত নিযুক্তি দি কি ক’লে মুখ্যমন্ত্ৰী হিমন্ত বিশ্ব শৰ্মাই?
ক্ল’মিডিয়া
পুৰুষ-নাৰী উভয়েই এই বেক্টেৰিয়াৰ দ্বাৰা সংক্ৰমিত যৌন ৰোগত আক্ৰান্ত হয়। বেছিভাগ নাৰীৰ ক্ষেত্ৰতে এই ৰোগ লক্ষণবিহীন হৈ থকা দেখা যায়। এই ৰোগত আক্ৰান্ত হ’লে পেলভিছৰ প্ৰদাহ হ’ব পাৰে। ফলত নাৰীৰ সন্তান প্ৰসৱত বিভিন্ন সমস্যা দেখা যায়। গৰ্ভৱতী মহিলাৰ ক্ষেত্ৰত ক্ল’মাইডিয়া সংক্ৰমণৰ সম্ভাৱনা বেছি হয়।
গ’ণোৰিয়া
এই যৌন ৰোগৰ কোনো লক্ষণ দেখা নাযায়। মহিলাৰৰ ক্ষেত্ৰত ঋতুস্ৰাৱৰ সময়ত ‘স্পটিং’ (অতি সামান্য ৰক্তক্ষৰণ) হ’ব পাৰে। প্ৰস্ৰাৱ কৰাৰ সময়ত প্ৰস্ৰাৱৰ অসংযমতা আৰু অত্যধিক ‘যোনিৰ পৰা স্ৰাৱ’ বাহিৰ হ’ব পাৰে। সময়মতে চিকিৎসা নকৰিলে জৰায়ু আৰু ফেলোপিয়ান টিউবলৈ এই ৰোগ বিয়পিব পাৰে। এনে ক্ষেত্ৰত প্ৰসৱৰ সময়ত সমস্যাৰ সৃষ্টি হ’ব পাৰে।
লগতে পঢ়ক চৰ্চাৰ কেন্দ্ৰ বিন্দুত কিয় বিজয় আৰু অনন্যা? বিজয়ক কি বুলি ক’লে অনন্যাই?
হাৰপিছ
হাৰ্পিছ ৰোগত সাধাৰণতে যৌনাংগৰ চাৰিওফালে খজুৱতি, ফুলা আৰু বিষ হয়। যৌন সম্পৰ্কৰ জৰিয়তে এই ৰোগ আৰু অধিক বিয়পি পৰে। এই ৰোগৰ পৰা সম্পূৰ্ণৰূপে আৰোগ্য লাভ নকৰিলেও চিকিৎসাৰ জৰিয়তে ৰোগৰ লক্ষণসমূহ নিয়ন্ত্ৰণ কৰাৰ লগতে সংক্ৰমণৰ বিস্তাৰ নিয়ন্ত্ৰণ কৰাটো সম্ভৱ।
অধ্যয়নত দেখা গৈছে যে এই ৰোগৰ ফলত পুৰুষৰ শুক্ৰাণুৰ সংখ্যা হ্ৰাস পাব পাৰে। গতিকে, পুৰুষৰ বন্ধ্যাত্বৰ আশংকা বৃদ্ধি পায়। সময়মতে চিকিৎসা নকৰিলে জন্মৰ সময়ত শিশুলৈ এই ৰোগ বিয়পিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
