কেৰেলাৰ বাওঁপন্থী চৰকাৰৰ সুনামত কালিমা সানিছে চিপিএমৰ এগৰাকী নেতা তথা অৱসৰপ্ৰাপ্ত শিক্ষকে৷ অভিযোগ অনুসিৰ নিজৰ ৩০ বছৰীয়া শিক্ষকতাৰ কালত শিক্ষকগৰাকীয়ে ৬০ গৰাকীতকৈও অধিক শিক্ষাৰ্থীক যৌন নিৰ্যাতন কৰিছে৷
কেৰেলাৰ মালাপ্পুৰম জিলাৰ অৱসৰপ্ৰাপ্ত শিক্ষক তথা স্থানীয় পৌৰসভাৰ চিপিএম কাউন্সিলাৰ কে ভি শশীকুমাৰক একাধিক নিৰ্যাতনৰ অভিযোগত ইতিমধ্যে আৰক্ষীয়ে গ্ৰেপ্তাৰ কৰিছে।
চলিত বৰ্ষৰ মাৰ্চ মাহত মালাপ্পুৰমৰ ছেইণ্ট জেমছ ছোৱালী উচ্চতৰ মাধ্যমিক বিদ্যালয়ত শিক্ষক হিচাপে অৱসৰ গ্ৰহণ কৰিছিল শশীকুমাৰে। ইয়াৰ কিছু দিনৰ পিছতে এগৰাকী শিক্ষাৰ্থীয়ে প্ৰথমে নেটত তেওঁৰ বিৰুদ্ধে যৌন নিৰ্যাতনৰ অভিযোগ উত্থাপন কৰে।
লগতে পঢ়ক ‘বিজেপিয়ে কংগ্ৰেছক ফাণ্ডিং কৰে’, কংগ্ৰেছ ত্যাগৰ পূৰ্ণ সম্ভাৱনা বিধায়ক শ্বেৰমানৰ
তাৰ পিছত অৱসৰপ্ৰাপ্ত শিক্ষক তথা চিপিএমৰ নেতাগৰাকীৰ বিৰুদ্ধে এটাৰ পিছত আন এটা যৌন নিৰ্যাতনৰ অভিযোগ উত্থাপন হৈ থাকে। ইয়াৰ মাজৰে একাংশ ভুক্তভোগীয়ে আৰক্ষীৰ ওচৰত অভিযোগ দাখিল কৰে। সেই এজাহাৰসমূহ ভিত্তিতে মালাপ্পুৰম পৌৰসভাৰ তিনিবাৰৰ চিপিএম কাউন্সিলাৰ শশীকুমাৰক আৰক্ষীয়ে গ্ৰেপ্তাৰ কৰে৷
আৰক্ষীয়ে তদন্তৰ আৰম্ভ কৰি শশীকুমাৰৰ বিৰুদ্ধে বহু যৌন নিৰ্যাতনৰ তথ্য লাভ কৰে। এই অভিযোগসমূহৰ ভিতৰত আজিৰ পৰা তিনিটা দশক পুৰণি অভিযোগো আছে। বিদ্যালয় আৰু স্থানীয় ৰাজনীতিত প্ৰভাৱশালী শশীকুমাৰে নিজৰ প্ৰভূত্বৰ বলতে ভুক্তভোগীসকলক মৌনতা অৱলম্বন কৰিবলৈ বাধ্য কৰাই আহিছিল।
লগতে পঢ়ক ২৩ হাজাৰ চাকৰিত নিযুক্তি দি কি ক’লে মুখ্যমন্ত্ৰী হিমন্ত বিশ্ব শৰ্মাই?
শুকুৰবাৰে আৰক্ষীয়ে মালাপ্পুৰমৰ পৰা গ্ৰেপ্তাৰ কৰে অভিযুক্ত প্ৰাক্তন শিক্ষকজনক। আৰক্ষীয়ে প্ৰকাশ কৰা মতে এতিয়ালৈকে ৫০ জনতকৈ অধিক শিক্ষাৰ্থীয়ে শশীকুমাৰৰ বিৰুদ্ধে যৌন নিৰ্যাতনৰ অভিযোগ দাখিল কৰিছে৷
ভুক্তভোগী শিক্ষাৰ্থীসকলৰ অভিযোগৰ ভিত্তিত আৰক্ষীয়ে POCSO আইনকে ধৰি ভাৰতীয় দণ্ডবিধি আইনৰ বিভিন্ন ধাৰাত গোচৰ ৰুজু কৰিছে।
কেৰেলাৰ শিক্ষামন্ত্ৰী ভি শিৱানকুট্টীয়ে এই ঘটনাৰ তদন্তৰ নিৰ্দেশ দিছে। ৰাজ্যৰ জনশিক্ষা বিভাগৰ মুৰব্বী কে বাবুৱে কয় যে সংশ্লিষ্ট বিদ্যালয় কৰ্তৃপক্ষক পৰিচালনা ব্যৱস্থাৰ ত্ৰুটিসমূহ চাবলৈ কোৱা হৈছে আৰু অতি শীঘ্ৰে প্ৰতিবেদন প্ৰেৰণ কৰিবলৈ নিৰ্দেশ দিয়া হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
