অসম লাইভ২৪ঃ ভাৰতীয় টেনিছ খেলুৱৈ তথা পাকিস্তানৰ ক্ৰিকেটাৰ ছোৱেইব মালিকৰ পত্নী ছানীয়া মিৰ্জাই বিগত কেইবামাহ ধৰি দখল কৰিছে দেশ বিদেশৰ সংবাদ শিৰোনাম। ছানিয়া আৰু ছোৱেইবৰ ডিভোৰ্ছ হ’বই নেকি, এই বিষয়টোক লৈ অব্যাহত আছে চৰ্চা। ছোৱেইব মালিকে সম্পৰ্কটোক লৈ মুখ খোলা নাছিল যদিও শেহতীয়াকৈ পাকিস্তানৰ সংবাদ মাধ্যমত এক সাক্ষাৎকাৰ দিছে ছোৱেইবে। পাক সংবাদমাধ্যমত ছোৱেইবক ভাৰত-পাক ক্ৰিকেটৰ সম্পৰ্কক লৈ প্ৰশ্ন কৰা হৈছিল। ইয়াৰোপৰি ছোৱেইবক ছানিয়াক লৈয়ো প্ৰশ্ন কৰা হৈছিল।
এইকেইটা প্ৰশ্নৰ উত্তৰত ছোৱেইবে কয়, ‘আমি একেলগে থাকিবলৈ সময় পোৱা নাই।’ ইয়াৰোপৰি ছোৱেইবে ভাৰত-পাক ক্ৰিকেটৰ সম্পৰ্কৰ ওপৰত কয়, ‘ক্ৰিকেটেহে ভাৰত পাকিস্তানৰ মাজত সম্পৰ্ক ভাল কৰিব।সুযোগ পালেই আমি এখন দেশে আনখন দেশৰ বিৰুদ্ধে খেলা খেলিব লাগে। এনেকৈ ক্ৰীড়াৰ মাধ্যমেৰেই সম্পৰ্ক ভাল হৈ উঠিব।’
উল্লেখ্য যে ছানিয়া-ছোৱেইবৰ সম্পৰ্ক এতিয়া কেনে সেই সম্পৰ্কে স্পষ্ট উত্তৰ দুয়োৱেই দিয়া নাই। বিগত কেইবামাহ ধৰি দুয়োৱে পৃথকেই আছে। ছানিয়াৰ জন্মদিনটো ছোৱেইবক দেখা যোৱা নাছিল। কিছুদিন পূৰ্বে ছানিয়াই দিয়া ইফতাৰ পাৰ্টীটো ছোৱেইব নাছিল। এইসমূহৰ মাজতেই পাক অভিনেত্ৰী ছানা জাভেদৰ সৈতে ছোৱেইবৰ সম্পৰ্ক থকা বুলি বহুতেই দাবীও কৰি আহিছে। ছানিয়া-ছোৱেইবৰ সম্পৰ্ক ভঙাৰ আঁৰত ছানা বুলিও বহুতে ক’ব খোজে। কিন্তু এই সম্পৰ্কে ছানা বা ছোৱেইব কোনোৱেই একো নকলেও পত্নীৰ ওপজা দিনত উপস্থিত নথকা ছোৱেইবে কিন্তু ছানাৰ জন্মদিন ধুমধামেৰে পালন কৰা দেখা গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
