ৰোহিত শৰ্মাৰ বিশ্ব ৰেকৰ্ড ভংগ কৰি নতুন অভিলেখ ৰচিলে এইগৰাকী খেলুৱৈয়ে
জিম্বাবুৱে বনাম গাম্বিয়া টি-২০ খেলখনত এক অভিলেখৰ সৃষ্টি হৈছে। পুৰুষৰ টি-২০ বিশ্বকাপৰ আফ্ৰিকা কোৱালিফায়াৰ প্ৰতিযোগিতাত প্ৰথমে বেটিং কৰা জিম্বাবুৱেই নিৰ্ধাৰিত ২০ অভাৰত ৩৪৪ ৰান সংগ্ৰহ কৰে। এই খেলখনত জিম্বাবুৱেৰ ৩ জন বেটছমেনে পঞ্চাশ ৰান আৰু ছিকন্দৰ ৰজাই শতক অৰ্জন কৰে।
আন্তঃৰাষ্ট্ৰীয় টি-২০ ক্ৰিকেটত এই শতকেৰে ছিকন্দৰে আটাইতকৈ দ্ৰুততম শতক অৰ্জন কৰাৰ ৰেকৰ্ড গঢ়ে। যাৰ ফলত ভাৰতৰ ৰোহিত শৰ্মাৰ দ্ৰুততম শতকৰ অভিলেখ ভংগ হৈ পৰে।
জিম্বাবুৱেৰ ইনিংছৰ ৮নম্বৰ অভাৰত বেটিং কৰিবলৈ ক্ৰীজলৈ আহিছিল ছিকন্দৰ ৰজা। প্ৰথম ৭ অভাৰত দলটোৰ স্ক’ৰ ১১৫ ৰান হৈছিল আৰু তাৰ পিছত ছিকন্দৰে ধুমুহাগতিৰে বেটিং কৰে। গাম্বিয়াৰ বলাৰক থ্ৰেছ কৰি মাথো ২০টা বলতে পঞ্চাশ ৰান সম্পূৰ্ণ কৰে।
যদিও পৰৱৰ্তী ১৩টা বলত পৰৱৰ্তী ৫০ ৰান সংগ্ৰহ কৰিছিল। এইদৰে ছিকন্দৰে মাত্ৰ ৩৩টা বলতে শতক সম্পূৰ্ণ কৰি টি-২০ ক্ৰিকেটৰ ইতিহাসত সৰ্বাধিক দ্ৰুততম শতক অৰ্জন কৰা বেটছমেন হিচাপে পৰিগণিত হয়।
ৰোহিত শৰ্মা আৰু ডেভিদ মিলাৰৰ দৰে খেলুৱৈৰো নাম এই তালিকাত আছে, দুয়োজনে টি-২০ মেচত ৩৫টা বলত শতক অৰ্জন কৰিছে। কিন্তু চিকন্দৰ ৰাজাই এতিয়া মাথো ৩৩টা বলত শতক সম্পূৰ্ণ কৰি তালিকাৰ শীৰ্ষত আছে।
দ্ৰুততম শতক অৰ্জন কৰা বেটছমেনৰ তালিকা-
ছিকন্দৰ ৰ জা- ৩৩ বলত ১০০
ৰোহতি শৰ্মা- ৩৫ বলত শতক
ডিভেড মিলাৰ ৩৫ বলত শতক
জনছন চাৰ্লছ- ৩৯ টা বলত শতক
সঞ্জু ছেমচন- ৪০ বলত শতক
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
