অসম লাইভ২৪ঃ সফল শৃংখলাবদ্ধ এটা জীৱন কোনেনো নিবিচাৰে? কিন্তু সমস্যাই চৌপাশে আৱৰি ধৰিলে আমি হতাশ হৈ পৰো। এয়া মানুহৰ সহজাত প্ৰবৃত্তিয়েই। কিন্তু সমস্যাৰ মুখামুখি কেনেদৰে হ’ব? আমাৰ কোনবোৰ বদভ্যাস এৰাটো দৰকাৰ?
এই ৫টা বদভ্যাস আমাৰা প্ৰায়বোৰ মানুহৰেই আছে। এই ৫টা বদভ্যাস দূৰ কৰিলেই সফলতাৰ বাট মসৃণ হৈ পৰে। প্ৰথমেই আমি আমাৰ বদভ্যাসসমূহ নিজেই চিনাক্ত কৰি উলিয়াব লাগিব। এই বদভ্যাসসমূহ জনাৰ পিছত সেয়া নিজেই নিয়ন্ত্ৰণ কৰাৰ চেষ্টা চলাব লাগে। এজন বিখ্যাত লেখকে কৈছিল, ‘মানুহৰ জীৱনৰ বদভ্যাসসমূহ চক্ৰবৃদ্ধি সুঁতত বাঢ়ি গৈ থাকে। এই বদভ্যাস দূৰ কৰাৰো চাবি-কাঠি নিজৰ হাতত। প্ৰতিটো সৰু পৰিবৰ্তনেই হৈছে এটা ডাঙৰ সাফল্যৰ অংশবিশেষ’।
১) হস্তমৈথুন বা পৰ্ণ চোৱাৰ অভ্যাস
আমাৰ দেশত দিনকদিনে পৰ্ণ এডিক্টেড লোকৰ সংখ্যা বাঢ়ি গৈছে। যাৰ ফলত আমাৰ দেশৰ যুৱচামৰ মনোযোগ কেৰিয়াৰৰ পৰা বিচলিত হৈছে। বহু কিশোৰো পৰ্ণৰ স্বীকাৰ হৈছে। এই অভ্যাসে যুৱচামৰ মানসিক ক্ষতি কৰাৰ লগতে শৰীৰৰো ক্ষতিসাধন কৰিছে।
২)অতিৰিক্তভাৱে সামাজিক মাধ্যমৰ ব্যৱহাৰ
শিশুৰ পৰা বৃদ্ধলৈকে, প্ৰায়সংখ্যকৰেই নিচা হৈ পৰিছে সামাজিক মাধ্যমৰ ব্যৱহাৰ। ছচিয়েল মিডিয়া এডিকছনে মানুহৰ সময়ৰ অপচয় ঘটাই। প্ৰযুক্তিৰ ভুল ব্যৱহাৰে বহুলোকক সময়ৰ কাম সময়ত কৰাৰ পৰা পিছুৱাই আনিছে। পৰাপক্ষচত সামাজিক মাধ্যমৰ জৰিয়তে ভাল জ্ঞান অৰ্জনৰহে চেষ্টা কৰিব লাগে।
৩) অত্যাধিক চিন্তা কৰা
এক সমীক্ষাই প্ৰকাশ কৰা অনুযায়ী ২৫-৩৫ বছৰৰ ভিতৰৰ প্ৰায় ৭৫% ব্যক্তিয়েই অভাৰথিংকিংৰ স্বীকাৰ হৈছে। অভাৰথিংকিঙে ভীতিগ্ৰস্থ কৰিছে যুৱচামক যাৰ বাবে প্ৰতিদিনেই ন ন সমস্যা বাঢ়ি গৈ আছে। সৰু সমস্যা এটাকেই ডাঙৰ মানি পিছহুহূকি আহে বহুলোকেই। অভাৰথিংকিঙে মগজুৰ সৃষ্টিশীল মানসিকাক ধ্বংস কৰিছে। ধনাত্মক চিন্তা বৃদ্ধি কৰিলেহে সফলতাৰ বাট মসৃণ হৈ পৰিব।
৪) বিপৰীত লিংগৰ সৈতে অতি বন্ধুত্ব
ছাত্ৰ জীৱনৰ বহু সময় অপচয় হয় বন্ধুত্ব স্থাপনৰ নামত। লৰা-ছোৱালী সকলোৰে ক্ষেত্ৰতেই এই বিষয়টোৱে প্ৰভাৱ পেলাই। কেৰিয়াৰ গঢ়াৰ প্ৰাৰম্ভিক কালত এইসমূহ বিষয়ত অত্যাধিক মনোযোগ দিলে শিক্ষা আহৰণত প্ৰভাৱ পৰে। কেৰিয়াৰ গঢ়াৰ এই সময়খিনিত নিজকে সংযত কৰি ৰাখিব পাৰিলেই ভৱিষ্যত জীৱন সফল হয়।
৫) অলৌকিক স্বপ্নত বিভোৰ
কৰ্ম আৰু সপোনৰ মাজত অত্যাধিক প্ৰভেদ ৰাখিব নালাগে। মানুহৰ মানসিকতাৰ যদি বিচাৰ কৰা যায় তেন্তে তিনিপ্ৰকাৰৰ মানুহ পোৱা যায়। প্ৰথমেই আহে যিয়ে কৈ ভালপায় কিন্তু বাস্তৱত কৰিবলৈ আগবাঢ়ি নাহে। দ্বিতীয়তে আহে যিয়ে কোৱাৰ লগতে কৰিবলৈ চেষ্টাও কৰে আৰু তৃতীয়তে আহে যিয়ে মুখেৰে একো নকয় কেৱল কৰ্মেৰে কৰি দেখুওৱাই। সদায়েই এই প্ৰথম দুইধৰণৰ ব্যক্তিত্বৰ অধিকাৰী হোৱাতকৈ তৃতীয়টোতহে গুৰুত্ব আৰোপ কৰিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
