অসম লাইভ২৪ঃ বিয়াৰ তিনিবছৰ পাৰ নৌহওঁতেই সংসাৰত আওল আৰম্ভ হৈছে সংগীতজ্ঞ নেহা কক্কৰৰ! ৩৫ বছৰীয়া হ’ল গায়ক তথা অভিনেত্ৰী নেহা। কিন্তু এই ৩৫ বছৰীয়া যাত্ৰা জানো নেহাৰ বাবে মসৃণ আছিল? ১৯৮৮ চনত উত্তৰাখণ্ডত জন্মলাভ কৰিছিল নেহাই। দুগৰাকী ভায়েক ভনীয়েকসহ পিতৃ-মাতৃৰ সৈতে এটা মাত্ৰ কোঠাত থাকিয়েই আৰম্ভ হৈছিল নেহাৰ সাংগীতিক যাত্ৰা। এটা সাক্ষাৎকাৰত নেহাই এই সন্দৰ্ভত কৈছিল, ‘মোক মায়ে জন্ম দিয়াৰ কথাই ভৱা নাছিল। আমাৰ ঘৰৰ আৰ্থিক অৱস্থাও বিশেষ ভাল নাছিল।’
অভাৱৰ বাবেই মাতৃয়ে নেহাক জন্ম দিব খোজা নাছিল বুলি সাক্ষাৎকাৰটোত উল্লেখ কৰিছিল নেহাই। পাছলৈ নব্বৈৰ দশকত নেহাৰ পৰিয়ালে কৰ্মৰ সন্ধানত দিল্লীলৈ যায়। এটা সৰু ৰুম ভাড়া কৰি আৰম্ভ হ’ল নেহাহঁতৰ দৈনন্দিনতা। খুব কম বয়সতেই নেহাই বুজি উঠিছিল যে পৰিয়ালটো অভাৱত আছে কিবা এটা কৰিব লাগিব। মাত্ৰ ৪ বছৰ বয়সতেই নেহা সংগীতৰ ক্ষেত্ৰখনৰ সৈতে জড়িত হৈ পৰিল। প্রথমে নেহাই ভজন গাইছিল। নেহাহঁতে য’ত বাস কৰিছিল সেই বিশেষ ভাড়াঘৰতোত নিজাকৈ বুলি এটা পাকঘৰো নাছিল।
নেহাৰ শৈশৱ খুবেই কষ্টৰে অতিবাহিত হৈছে। ভজন গোৱাৰ সেই সময়খিনিত নেহাৰ গানবাজনাৰ প্ৰতি বিশেষ আগ্ৰহ নাছিল। কৰোবাত কিবা সৰু-সুৰা অনুষ্ঠানৰ আয়োজন কৰিলে তাতো গান গাইছিল নেহাই। গানৰ প্ৰতি পোনতে আগ্ৰহ নাথাকিলেও পৰিস্থিতিয়ে গীত গাবলৈ তেতিয়া বাধ্য কৰাইছিল নেহাক। পাছতলৈ নেহা নিজেই গানৰ প্ৰতি আগ্ৰহী হৈ উঠিল। ২০০৪ চনত নেহাই তেওঁৰ ভাতৃৰ সৈতে মুম্বাইলৈ গুচি যায়। মুম্বাইলৈ গৈ নেহাই এটা ৰিয়েলিটি শ্ব’তো অংশগ্ৰহণ কৰে। নেহাই ভাৱিছিল যে এই শ্ব’ত অংশগ্ৰহণ কৰিয়েই নেহাই দৰ্শকৰ মন জয় কৰিবলৈ সক্ষম হৈছে। কিন্তু প্ৰতিযোগিতাত তেওঁৰ যাত্ৰা দিঘলীয় নহ’ল। প্ৰতিযোগীতাৰ আৰম্ভনিতেই নেহাই প্ৰতিযোগিতাৰ পৰা বাদ পৰে।
যি ৰিয়েলিটি শ্ব’ৰ জড়িয়তে নিজকে গায়িকা হিচাপে পৰিচিত হোৱাৰ আশা কৰিছিল তাৰ পৰা তেওঁ বাদ পৰে। তিন্তু ইয়াৰ ফলত নেহা থমকি নৰ’ল। আকৌ নতুনকৈ নিজৰ কেৰিয়াৰ গঢ়াৰ যুঁজত নামি পৰে নেহা। ২০০৮ চনত নেহাই নিজৰ এটা গানৰ এলবাম মুকলি কৰে। সেই সময়ত টনিৰ সৈতে এটা মিউজিক এলবামো কৰিছিল নেহাই। ২০০৯ চনত এ আৰ ৰহমানৰ ‘ব্লু’ ছবিৰ এটা গান গোৱাৰ সুযোগ লাভ কৰে নেহাই। সেই গানত সমবেত শিল্পীসকলৰ মাজৰ এটি কণ্ঠ নেহাৰ আছিল।
২০০৯ চনত সম্প্ৰচাৰিত ‘না আনা ইছ দেশ লাডো’ নামৰ হিন্দী ধাৰাবাহিকৰ টাইটেল ছঙত সুৰ নিগৰাই নেহাই। গানৰ লগে লগে অভিনয়ৰ ক্ষেত্ৰতো নেহা আগবাঢ়ে। ২০১০ চনত মুক্তিপ্ৰাপ্ত ‘ইছি লাইফ মে…’ ছবিত অভিনয় কৰে নেহাই। হিন্দী মিউজিক ইণ্ডাষ্ট্ৰিৰ ওপৰিও দক্ষিণৰ চিনেমাতো গীত গোৱাৰ সুযোগ লাভ কৰে নেহাই। কান্নাড়া আৰু তেলেগু ছবিত গীত গাই শ্ৰেষ্ঠ কণ্ঠশিল্পীৰ সন্মানো লাভ কৰে নেহাই।
কপিল শৰ্মা আৰু আলি আছগৰৰ সৈতে এটা হাস্যমধুৰ চৰিত্ৰটো অভিনয় কৰিছিল নেহাই। ২০১২ চনত তেওঁৰ কেৰিয়াৰ বিশেষভাৱে আৰম্ভ হয়। ‘ককটেল’ ছবিত গান গাই নিশাৰ ভিতৰতেই পৰিচিত নাম হৈ পৰিল নেহা। তাৰপিছৰে পৰা আৰু নেহাই উভতি চাব লগা হোৱা নাই। এখনৰ পাছত আনখন হিন্দী ছবিত গীত গোৱাৰ সুযোগো লাভ কৰে নেহাই। ২০১৪ চনত অভিনেতা হিমাংশু কোহলিৰ সৈতে সম্পৰ্কত সোমাই পৰে নেহা। ২০১৮ চনৰ ছেপ্টেম্বৰ মাহত এটা টেলিভিছন শ্ব’তেই তেওঁলোকৰ প্ৰেমৰ কথা নেহাই ৰাজহুৱা কৰিছিল।
নেহা আৰু হিমাংশুৱে বিয়াৰ কথা ঘোষণাও কৰিছিল। কিন্তু বিয়াৰ ঘোষণা কৰাৰ তিনি মাহ পূৰ্বে হঠাতেই এই সম্পৰ্ক শেষ হয়। সামাজিক মাধ্যমযোগে নিজেই বিচ্ছেদৰ কথা প্ৰকাশ কৰে গায়িকা নেহাই। তাৰপিছত ২০২০ চনৰ ২৪ অক্টোবৰত নতুন দিল্লীৰ গুৰুদ্বাৰত পাঞ্জাৱী শিল্পী ৰোহনপ্ৰীত সিঙৰ সৈতে বিবাহৰ বান্ধোনত বান্ধ খাই নেহা। চণ্ডীগড়ত পোনতে নেহা আৰু ৰোহনৰ দেখা দেখি হৈছিল। প্ৰথম দেখাতেই প্ৰেম। নেহাতকৈ বয়সত ৮ বছৰে সৰু ৰোহনো পেছাত এজন গায়ক। নেহা-ৰোহনৰ সম্পৰ্কক লৈ এতিয়া বহুতেই প্ৰশ্নও উত্থাপন কৰিছে। নেহা আৰু ৰোহনৰ বিবাহ বিচ্ছেদৰ দিশেৰে আগবঢ়া বুলিও একাংশই চৰ্চা চলাইছে।
উল্লেখ্য যে, বৰ্তমান ১০৪ কোটি টকা সম্পত্তিৰ মালিক নেহা। প্ৰতিমাহে প্ৰায় দুইকোটিকৈ টকা উপাৰ্জন কৰে নেহাই। দেশ-বিদেশৰ বিভিন্ন প্ৰান্তত অনুষ্ঠান কৰোতে নেহাই প্ৰায় প্ৰতি অনুষ্ঠানতেই ৯০ লাখকৈ টকা লয়। ইয়াৰোপৰি ইউটিউবৰ পৰাও বহু ধন আয় কৰে নেহাই। হিন্দী ছবিতো গানে প্ৰতি প্ৰায় ১০ লাখ টকা লয় নেহাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
