অসম লাইভ ২৪ঃ বৃক্কৰ পাছত এইবাৰ সফল সংৰোপন গাহৰিৰ হৃদপিণ্ড৷ মাৰ্কিন চিকিৎসকৰ মানৱ দেহত সফল সংৰোপন গাহৰিৰ হৃদপিণ্ড৷ আমেৰিকাত সফল ৰূপায়ন বিশিষ্ট চিকিৎসক ডাঃ ধনীৰাম বৰুৱাৰ চিন্তাৰ ফচল৷ আন পাছত আনটো অস্ত্ৰোপচাৰ সম্পন্ন মাৰ্কিন চিকিৎসকৰ৷ আমেৰিকাত এগৰাকী ৫৭ বছৰীয়া ব্যক্তিৰ দেহত সফলভাৱে সংৰোপন কৰা হয় Genetically Modified গাহৰিৰ হৃদপিণ্ড৷ শুকুৰবাৰে University of Maryland Medical Schoolৰ চিকিৎসকে ডেভিড বেনেট নামৰ এগৰাকী ৰোগীৰ শৰীৰত সংৰোপন কৰে এই হৃদপিণ্ড৷ এক জটিল অস্ত্ৰোপচাৰৰ জৰিয়তে এগৰাকী মৃত্যুমুখী ৰোগীক নতুন জীৱন দিলে চিকিৎসাবিজ্ঞানে৷ বৰ্তমান সম্পূৰ্ণ সুস্থ অৱস্থাত আছে ডেভিড বেনেট৷ ইতিহাসত প্ৰথমবাৰৰ বাবে সম্পন্ন হোৱা এই অস্ত্ৰোপচাৰে অংগ সংৰোপনৰ ক্ষেত্ৰত মানৱ সমাজক আৰু এখোজ আগুৱাই লৈ গ’ল৷ এই উদ্ভাৱনে দূৰ কৰিব অংগ অভাৱৰ সমস্যা৷ উল্লেখ্য, ২৫ বছৰ পূৰ্বে অসমৰ ডাঃ ধনীৰাম বৰুৱাই এগৰাকী ৰোগীৰ শৰীৰত গাহৰিৰ বৃক্ক সংৰোপনৰ প্ৰচেষ্টা চলোৱাৰ বাবে জে’লৰ ভাত খাবলগীয়া হৈছিল চিকিৎসকগৰাকী৷ কিন্তু ভাৰতত অপৰাধ বুলি গণ্য কৰা এই পদ্ধতিৰ জৰিয়তে চিকিৎসা বিজ্ঞানক এখোজ আগুৱাই নিলে মাৰ্কিন চিকিৎসকে৷ ২০২১ চনৰ অক্টোবৰ মাহত গাহৰিৰ বৃক্ক মানৱ দেহত পৰীক্ষামূলকভাৱে সংৰোপন কৰি সফল হোৱাৰ পাছত এইবাৰ সফল সংৰোপন গাহৰিৰ হৃদপিণ্ড৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
