বৈদিক জ্যোতিষ শাস্ত্ৰমতে ১৭ অক্টোবৰ বৃহস্পতিবাৰে গ্ৰহৰ ৰজাই সূৰ্য সিংহ ৰাশি এৰি তুলা ৰাশিত প্ৰৱেশ কৰিছে৷ তাতেই বুধ পূৰ্বৰে পৰা বিৰাজমান৷ ইয়াৰ প্ৰভাৱ আগন্তুক ৩০ দিন পৰ্যন্ত পৰিব প্ৰত্যেক ৰাশিৰ ওপৰতেই৷ সূৰ্যৰ গোচৰত কোন কোন ৰাশিৰ জাতকে সুফল পাব জানক সবিশেষ৷
মেষ ৰাশি
মেষ ৰাশিৰ জাতক, জাতিকাই এই সময়ত সুখৰ জীৱন কটাব৷ এই সময়ত আপোনাৰ জীৱনত নতুন সুযোগ আহিব পাৰে৷ আপুনি নতুন ব্যৱসায়ৰ পৰিকল্পনা কৰিব পাৰে৷ কৰ্মস্থলত আপুনি পৰিশ্ৰমৰ দাম পাব৷ পৰিয়ালত সুখ সমৃদ্ধি বৰ্তি থাকিব৷ ইয়াৰোপৰি আপোনাৰ দীৰ্ঘদিনীয়া কোনো মনোবাঞ্চা এই সময়ত পূৰণ হ’ব৷ আপুনি আত্মবিশ্বাসেৰে ভৰপুৰ হৈ থাকিব৷ ধৰ্মীয় কামত মন বহিব৷ আপোনাৰ স্বাস্থ্য ভালে থাকিব৷
তুলা ৰাশি
তুলা ৰাশিৰ জাতক জাতিকাসকলৰ এই সূৰ্য গোচৰ শুভ হ’ব৷ সূৰ্যৰ ৰাশি পৰিবৰ্তনে আপোনাৰ জীৱনত ধন বৃদ্ধি কৰাব৷ আপুনি আত্মবিশ্বাসী অনুভৱ কৰিব৷ এই সময়ত আপুনি সামাজিক আৰু পাৰিবাৰিক বিষয়ত বিচক্ষণতাৰ পৰিচয় দিব৷ যদি আপুনি নতুন কোনো ব্যৱসায় আৰম্ভ কৰিব খুজিছে এই সময় উপযুক্ত৷ পৰিয়ালত শান্তি আৰু সমৃদ্ধি বৰ্তি থাকিব এই সময়ত৷
কুম্ভ ৰাশি
কুম্ভ ৰাশিৰ জাতক-জাতিকাসকলে সূৰ্যৰ ৰাশি পৰিবৰ্তনৰ সুপ্ৰভাৱ পাব৷ এই সময়ত আপোনাৰ জীৱনত অৰ্থপ্ৰাপ্তি হ’ব৷ ছাত্ৰ-ছাত্ৰীসকলে এই সময় ভালকৈ কটাব৷ আৰ্থিক অৱস্থা ভালে থাকিব৷ যি কোনো পৰিস্থিতিত জীৱনসংগীৰ সহায় পাব৷ পৰিয়ালৰ সদস্যসকলৰ সৈতে থকা বিবাদ এই সময়ত দূৰ হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
