অসম লাইভ২৪ঃ বছৰৰ কোনো কোনো সময়ত কম বেছি পৰিমানে আমাৰ ছাল, নখ আদি শুকাই থাকে৷ গ্ৰীষ্মৰ সময়ছোৱাত বহুতৰেই শৰীৰত ঘামচি আদিয়েও দেখা দিয়ে৷ ছাল দেখিয়েই কৰ্কটৰ আশংকা আছে নেকি ধৰিব পাৰি বুলি চিকিৎসকৰ এক প্ৰতিবেদনত প্ৰকাশ পাইছে৷ যেনেকৈ চকুলৈ চায়েই চিকিৎসকে জণ্ডিছত আক্ৰান্ত নেকি কৈ দিব পাৰে৷ ঠিক তেনেকৈয়ে কৰ্কটৰো কিছু প্ৰাৰম্ভিক লক্ষণ থাকে৷ নখতেই কৰ্কটৰ প্ৰাৰম্ভিক লক্ষণ গম পোৱা যায়৷
হাতৰ বুঢ়া আঙুলি বা ভৰিৰ বুঢ়া আঙুলিৰ নখত কলা কলা দাগ পৰিলেই সতৰ্ক হোৱাটো জৰুৰী৷ এই দাগ কৰ্কটৰ প্ৰাৰম্ভিক লক্ষণেই৷
নখৰ চাৰিওফালৰ ছাল কলা হৈ পৰিলেও শীঘ্ৰেই চিকিৎসকৰ পৰামৰ্শ ল’ব লাগে৷ হাত বা ভৰিৰ নখ উঠি আহিলে সেয়া কৰ্কটৰ অন্যতম উপসৰ্গই৷
যত্নৰ অভাৱ বা শৰীৰত ভিটামিন আৰু খনিজ পদাৰ্থৰ অভাৱ হ’লেও নখ ভাঙি যাব পাৰে৷ সেয়ে ঘনাই এই সমস্যা হ’লে নতুবা নখ মাজভাগৰ পৰা ভাঙি ভাঙি গ’লে সতৰ্ক হোৱাটো প্ৰয়োজন৷ নখৰ তলফালে ফুলি যোৱাৰ দৰে হ’লেও সতৰ্ক হোৱাটো প্ৰয়োজন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
